Skip to Content

352 Views

کۆمەڵێک فیلم لە سینەماکارانی کورد لە فیستیڤاڵی کورتە فیلمی تاران نمایشکران

کۆمەڵێک فیلم لە سینەماکارانی کورد لە فیستیڤاڵی کورتە فیلمی تاران نمایشکران

Be First!
by November 17, 2016 Cinema, General
image_print

مەنسوور جیهانی ـ کۆمەڵێک فیلم لە دەرهێنانی سینەماکارانی کورد لە سی و سێیەمین خولی فیستیڤاڵی نێودەوڵەتی کورتە فیلمی تاران لە وڵاتی ئێران نمایشکران.

کۆمەڵێک فیلمە چیرۆکی، دیکۆمێنتاریی، فیلمە ئەزموونی و ئەنیمەیشنی لە دەرهێنانی سینەماکارانی کورد لە شارە جۆراجۆرەکانی کوردستان لە بەشە جیاوازەکانی پێشبڕکێی و دەرەوەی پێشبڕکێی سی و سێیەمین خولی فیستیڤاڵی نێودەوڵەتی کورتە فیلمی تاران لە ڕۆژانی 8 تا 14ی نۆڤەمبەری 2016 لە کۆمەڵەی پەردیسی سینەمایی “چارسوو” لە شاری تارانی پێتەختی ئێران نمایشکران، کە بریتین لە:

لە بەشی پێشبڕکێی “سینەمای ئێران”:

ـ کورتە فیلمی ئەنیمەیشنی “زالزالەک” لە دەرهێنانی سینەماکاری کرماشانی “ئیرەج محەمەدی رەزینی” بە ماوەی 6 خولەک لە کاتژمێر 3:30 دوانیوەڕۆی رۆژی پێنجشەمە 10ی نۆڤەمبەری 2016 لە هۆڵی ژمارە 4 و لە کاتژمێر 9:30 شەوی یەکشەمە 13ی نۆڤەمبەری 2016 لە هۆڵی ژمارە 5ی کۆمەڵەی سینەمایی “چارسوو”.

ـ کورتە فیلمی چیرۆکی “چمدان خیس” واتە “جانتای خووساو” لە دەرهێنانی سینەماکاری بانەیی “ئەشکان ئەحمەدی” بە ماوەی 11 خولەک سەبارەت بە چیرۆکی گرووپێک لە ئاوارەکانی رۆژئاوای کوردستان کە بەرەو ئەورووپا بەڕێدەکەون و … لە کاتژمێر 5:30 دوانیوەڕۆی رۆژی سێشەمە 8ی نۆڤەمبەری 2016 لە هۆڵی ژمارە 5 و لە کاتژمێر 7:30 ئێوارێی رۆژی شەمە 12ی نۆڤەمبەری 2016 لە هۆڵی ژمارە 1ی کۆمەڵەی سینەمایی “چارسوو”.

ـ کورتە فیلمی چیرۆکی “ماجرای نیمروز” واتە “رووداوەکانی نیوەڕۆ” لە دەرهێنانی سینەماکاری شنۆیی خاتوو “ماریا ماوتی” بە ماوەی 15 خولەک لە کاتژمێر 7:30 ئێوارێی رۆژی سێشەمە 8ی نۆڤەمبەری 2016 لە هۆڵی ژمارە 1 و لە کاتژمێر 5:30 دوانیوەڕۆی رۆژی پێنجشەمە 10ی نۆڤەمبەری 2016 لە هۆڵی ژمارە 5 پەردیسی سینەمایی “چارسوو”.

ـ کورتە فیلمی چیرۆکی “اینەهای پریدە رنگ” واتە “ئاوێنە رەنگ پەڕیوەکان” لە
دەرهێنانی سینەماکاری سنەیی “سالم سەڵەواتی” بە ماوەی 16 خولەک لە کاتژمێر 10ی شەوی هەینی 11ی نۆڤەمبەری 2016 لە هۆڵی ژمارە 1 و لە کاتژمێر 4ی دوانیوەڕۆی رۆژی یەکشەمە 13ی نۆڤەمبەری 2016 لە هۆڵی ژمارە 1ی کۆمەڵەی سینەمایی “چارسوو”.

ـ کورتە فیلمی چیرۆکی “خانە سفید” واتە “ماڵی سپی” لە دەرهێنانی سینەماکاری سنەیی “ئەرەستوو مەفاخری” بە ماوەی 20 خولەک لە کاتژمێر 7:35 ئێوارێی رۆژی هەینی 11ی نۆڤەمبەری 2016 لە هۆڵی ژمارە 1 و لە کاتژمێر 6ی دوانیوەڕۆی رۆژی یەکشەمە 13ی نۆڤەمبەری 2016 لە هۆڵی ژمارە 5ی کۆمەڵەی سینەمایی “چارسوو”.

ـ کورتە فیلمی ئەنیمەیشنی “تابلوهای نقاشی” واتە “تابڵۆ شێوەکارییەکان” لە دەرهێنانی سینەماکاری مەهابادی خاتوو “باران محەمەد ریحانی” بە ماوەی 7 خولەک لە کاتژمێر 4 دوانیوەڕۆی رۆژی چوارشەمە 9ی نۆڤەمبەری 2016 لە هۆڵی ژمارە 4 و لە کاتژمێر 9:45 شەوی هەینی 11ی نۆڤەمبەری 2016 لە هۆڵی ژمارە 5ی کۆمەڵەی سینەمایی “چارسوو”.

ـ کورتە فیلمی چیرۆکی “ساختمان شمارە 13” واتە “ماڵی ژمارە 13” لە دەرهێنانی سینەماکاری بۆکانی “ئەمیر غوڵامی” بە ماوەی 11 خولەک لە کاتژمێر 9:45 شەوی چوارشەمە 9ی نۆڤەمبەری 2016 لە هۆڵی ژمارە 5 و لە کاتژمێر 3:30 دوانیوەڕۆی رۆژی پێنجشەمە 10ی نۆڤەمبەری 2016 لە هۆڵی ژمارە 5ی پەردیسی سینەمایی “چارسوو”.

ـ کورتە فیلمی دیکۆمێنتاریی “مریم فسل اخر” واتە “مریەم دوایین وەرز” لە دەرهێنانی سینەماکاری کرماشانی خاتوو “تەیبە بابایی” بە ماوەی 30 خولەک لە کاتژمێر 2ی نیوەڕۆی رۆژی چوارشەمە 9ی نۆڤەمبەری 2016 لە هۆڵی ژمارە 1 و لە کاتژمێر 7:30 رۆژی شەمە 12ی نۆڤەمبەری 2016 لە هۆڵی ژمارە 5ی کۆمەڵەی سینەمایی “چارسوو”.

ـ کورتە فیلمی چیرۆکی “هەستی” لە دەرهێنانی سینەماکاری بۆکانی “کەماڵ پڕناک” بە ماوەی 10 خولەک لە کاتژمێر 9:45 شەوی هەینی 11ی نۆڤەمبەری 2016 لە هۆڵی ژمارە 1 و لە کاتژمێر 4ی دوانیوەڕۆی رۆژی یەکشەمە 13ی نۆڤەمبەری 2016 لە هۆڵی ژمارە 1 و کۆمەڵەی سینەمایی “چارسوو”.

ـ کورتە فیلمی ئەزموونی “21 و 21” لە دەرهێنانی سینەماکاری کرماشانی “سادق
سامریی” بە ماوەی 14 خولەک لە کاتژمێر 9:45 شەوی چوارشەمە 9ی نۆڤەمبەری 2016 لە هۆڵی ژمارە 5 و لە کاتژمێر 3:30 دوانیوەڕۆی رۆژی شەمە 12ی نۆڤەمبەری 2016 لە هۆڵی ژمارە 4ی کۆمەڵەی سینەمایی “چارسوو”.

ـ کورتە فیلمی دیکۆمێنتاریی “بازی روی ماە” واتە “یاریی لەسەر مانگ” لە دەرهێنانی سینەماکاری کرماشانی “سامان ئارایان پوو” بە ماوەی 9 خولەک لە کاتژمێر 9:45 شەوی پێنجشەمە 11ی نۆڤەمبەری 2016 لە هۆڵی ژمارە 5 و لە کاتژمێر 4ی دوانیوەڕۆی رۆژی یەکشەکە 13ی نۆڤەمبەری 2016 لە هۆڵی ژمارە 5ی کۆمەڵەی سینەمایی “چارسوو”.

لە بەشی پێشبڕکێی “نێودەوڵەتی”:

ـ کورتە فیلمی چیرۆکی “هەستی” لە دەرهێنانی سینەماکاری بۆکانی “کەماڵ پڕناک” بە ماوەی 10 خولەک لە کاتژمێر 9:45 شەوی چوارشەمە 9ی نۆڤەمبەری 2016 لە هۆڵی ژمارە 4 و لە کاتژمێر 4ی دونیوەڕۆی رۆژی یەکشەمە 13ی نۆڤەمبەری 2016 لە هۆڵی ژمارە 1ی کۆمەڵەی سینەمایی “چارسوو”.

ـ کورتە فیلمی دیکۆمێنتاریی “بازی روی ماە” واتە “نیشتمانی ونبوو” لە دەرهێنانی سینەماکاری هەرێمی کوردستان “هەوراز محەمەد” بە ماوەی 9 خولەک لە بەشی پێشبڕکێی “ئیسلام و ئاشتی جیهانی” لە کاتژمێر 2ی نیوەڕۆی رۆژی چوارشەمە 9ی نۆڤەمبەری 2016 لە هۆڵی ژمارە 5 و لە کاتژمێر 8ی شەوی یەکشەمە 13ی نۆڤەمبەری 2016 لە هۆڵی ژمارە 4ی کۆمەڵەی سینەمایی “چارسوو”.

ـ کورتە فیلمی چیرۆکی “اینەهای پریدە رنگ” واتە “ئاوێنە رەنگ پەڕیوەکان” لە دەرهێنانی سینەماکاری سنەیی “سالم سەڵەواتی” بە ماوەی 16 خولەک لە بەشی پێشبڕکێی “فیلمەکانی وڵاتانی کیشوەری ئاسیا” لە کاتژمێر 9:45 شەوی سێشەمە 8ی نۆڤەمبەری 2016 لە هۆڵی ژمارە 5 و لە کاتژمێر 2ی نیوەڕۆی رۆژی یەکشەمە 13ی نۆڤەمبەری 2016 لە هۆڵی ژمارە 5ی کۆمەڵەی سینەمایی “چارسوو”.

هەروەها کورتە فیلمی چیرۆکی “در کنار تو” واتە “لە تەنیشت تۆدا” لە دەرهێنانی سینەماکاری کرماشانی “لوقمان خالیدی” بە ماوەی 15 خولەک لە بەشی “وێنەی 32” واتە فیلمە سەرکەوتووەکانی سی و دووەمین خولی فیستیڤاڵی نێودەوڵەتی کورتە فیلمی
تاران لە کاتژمێر 7:45 ئێوارێی هەینی 11ی نۆڤەمبەری 2016 لە هۆڵی ژمارە 2ی
کۆمەڵەی سینەمایی “چارسوو” نمایشکرا.

هەر لە سی و سێیەمین خولی فیستیڤاڵی نێودەوڵەتی کورتە فیلمی تاراندا کورتە فیلمی چیرۆکی “سکوت” واتە “بێدەنگ” لە دەرهێنانی سینەماکارانی ئێرانی خاتوو “فەرنووش سەمەمی” و “عەلی عەسگەری” بە نوێنەرایەتی لە وڵاتانی فەڕەنسا و ئیتاڵیا بە زمانی کوردی زاراوەی بادینی سەبارەت بە چیرۆکی ئافرەتێکی کورد لەگەڵ کچەکەی کە لە وڵاتی ئیتاڵیا نەخۆشە لە دوو سانسی جیاوازدا لە بەشی پێشبڕکێی “نێودەوڵەتی” ئەم فیستیڤاڵە لە کۆمەڵەی سینەمایی “چارسوو” نمایشکرا.

هەروەها کورتە فیلمی چیرۆکی “کچ” لە دەرهێنانی سینەماکاری ئێرانی “مێهرداد حەسەنی” بە ماوەی 14 خولەک سەبارەت بە چیرۆکی بەرخۆدانی سەرڤانانی کورد لە جەنگ دژی گرووپی تیرۆریستی داعش لە دوو سانسی جیاوازدا لە بەشی پێشبڕکێی “سینەمای ئێران” و لە بەشی پێشبڕکێی “فیلمەکانی وڵاتانی کیشوەری ئاسیا” لە کۆمەڵەی سینەمایی “چارسوو” چووە سەر پەردەی سینەماکان.

هەر لەم فیستیڤاڵەدا کورتە فیلمی چیرۆکی “از حسکە با عشق” واتە “لە حەسەکە بە ئەڤینەوە” لە دەرهێنانی سینەماکاری ئێرانی “محەمەد فەرهانی” بە ماوەی 9 خولەک سەبارەت بە چیرۆکی کچە کوردیی شاری حەسەکە کە لە ئابڵۆقەی گرووپی تیرۆریستی داعشدایە لە دوو سانسی جیاوازدا لە بەشی پێشبڕکێی “سینەمای ئێران” و لە بەشی پێشبڕکێی “فیلمەکانی وڵاتانی کیشوەری ئاسیا” لە کۆمەڵەی سینەمایی “چارسوو”

سی و سێیەمین خولی فیستیڤاڵی نێودەوڵەتی کورتە فیلمی تاران بە سەرۆکایەتی “فەرید فەرخوندە کیش” و بە نمایشی بەرهەمی سینەماکارانی کورد و 100 فیلم لە سینەماکارانی 41 وڵاتی جیهان لە چەندین بەشی جۆراوجۆر، لەوانە: بەشی پێشبڕکێی نێودەوڵەتی، بەشی پێشبڕکێی “سینەمای ئێران”، بەشی پێشبڕکێی “وڵاتانی ئاسیایی”، چەندین بەشی دەرەوەی پێشبڕکێی و چەندین بەشی دیکە لە ڕۆژانی 8 تا 14ی نۆڤەمبەری 2016 لە کۆمەڵەی پەردیسی سینەمایی “چارسوو” لە شاری تاران بەڕێوەچوو.

بەڕێوەبەرایەتیی راگەیاندنیی گشتیی فیستیڤاڵی نێودەوڵەتی کورتە فیلمی تاران.

Previous
Next

Leave a Reply