له‌م مه‌غریبی ئاوابونه‌دا هه‌مووشتێك ڕه‌نگی ئاوا بوونی گرتووه
هه‌ردی شه‌فیق
ئه‌گه‌ر هه‌ر كه‌س به‌ته‌نیا بۆ خۆی بسوتێ ئه‌وكات سوتانیش واتایه‌كی نامێنێ،مادام ژیان مه‌ودایه‌كی كورته باله‌خۆمان‌و له‌وانیتریشی نه‌شێوێنین.له‌پێنا‌و خۆماندا بیر له‌وێران كردن‌و له‌ناوبردنی ئه‌ویدی نه‌كه‌ینه‌وه،ڕوئیا ئه‌گه‌ر ئه‌وی تریش نه‌بێت بوونمان نیه .سه‌یركه ئێمه هه‌موومان له‌ته‌نیایو له‌ترسی مردن هه‌ڵدێین،تائێره كارێكی ئه‌قڵانه‌یه ، به‌ڵام چی له‌وه بێ ئه‌قڵیتره له‌م دووانه‌هه‌ڵبێیت،بۆ جه‌نگ‌و كوشتن‌و وێران كردن بچیت نه‌ك بۆخۆشه‌ویستی.
سڵاو گوڵی نازناز………..
من دوێنێ چوم بۆسه‌یری له‌سێداره‌دان، هه‌رمه‌پرسه چه‌نده وه‌حشه‌ت ناكبوو،به‌جۆرێك شه‌وتابه‌یانی خه‌ونه‌چووه چاوم ،ئه‌مڕۆش نه‌چوومه سه‌ركار،تۆنازانیت چه‌نده‌ناشرینه گیانی كه‌سێك بكه‌یت به‌داراو به‌دیارچاوی ئه‌و هه‌موو خه‌ڵكه‌وه گیانی بكێشی،هه‌موو خولیاو خۆزگه‌كانی بخه‌یته گۆڕ!!به‌دیار چاویی خزم‌و دۆست‌و ئاشناكاینه‌وه بیده‌یت له‌سێداره.
ڕوئیا هیچ شتێك وه‌ك مرۆڤ جوانییه، ئه‌گه‌ر(مرۆڤبێت )و مرۆڤایه‌تی تێدابێت،هیچ شتێكیش وه‌ك مرۆڤ وه‌حشی نیه گه‌ر مرۆڤ بونی تیامردبێ.من دایكی كوڕێكیانم بینی ، به‌دیارچاوییه‌وه (به‌ئاسمانی سه‌ریه‌وه) گیانی كوڕه‌كه‌یان ئه‌كێشا. هه‌ر مه‌پرسه چه‌نده داخداربوو،چی له‌چاوه‌كانی‌و ده‌نگیدابوو!!چرچكه‌به‌چركه دوعای ئه‌كرد ئه‌وچركه دوابكه‌وێت،كوڕه‌كه‌ی ئه‌مرێ‌وچركه‌یه‌ك زیاتر بژی و ده‌ستی موعجیزه‌یه‌ك ڕزگاری كات.هه‌رمه‌پرسه چی به‌سه‌رهات‌و چۆن ڕه‌نگی مردنی لێنیشت؟!كاتێك له‌شی كوڕه‌كه‌یان به(جه‌رسه‌قیل) به‌ره‌و ئاسمان به‌رز كرده‌وه،له‌كاتی گیان ده‌رچوونی كوڕه‌كه‌یدا چ ئیحساسێكی هه‌بوو!؟له‌دوێنه‌وه من ئه‌م پرسیاره سه‌رم ئه‌كرۆژێت،ئه‌م ڕوداوه‌له‌پای چی؟!من ئه‌مزانی كه‌س له‌مكاره خۆشحاڵنییه،ته‌نانه‌ت سه‌ربازه‌كانیش نه‌یان ئه‌ویست ئه‌م دیمه‌نه ببینن‌و پشتیان تێكرد.له‌خۆمم پرسی ئایامرۆڤ پیرۆزتره یاسیاسه‌ت؟!مرۆڤ پیرۆز تره یاخود نیشتمان؟!ئاخۆئه‌وانه‌ی،فه‌رمانی گیان كێشان ده‌رئه‌كه‌ن هه‌رگیز بیریان له‌ئازاری گیان كێشان كردووه‌ته‌وه؟ته‌نیا كه‌سێك له‌ئازاری گیان كێشان تێئه‌گات تاقی كردبێته‌وه،به‌ڵام حه‌یف كه‌سێك ناگه‌ڕێته‌وه به‌هه‌موو سیاسیه‌كانی دونیا بڵێ( له‌هه‌رجێیه‌كدا به‌زه‌یی مرد مرۆڤی زیندوو بونی نییه)
من ئه‌وه‌م هێنایه پێش چاوی خۆم چه‌نده ئازارده‌ره له‌وسه‌ره‌وه لهو حه‌شامه‌ته بڕوانی و هه‌موو حه‌ز بكه‌ن تۆگیانت ده‌رنه‌چێ‌و، به‌بێده‌نگی تكایان تیابكه‌ت‌و دیوارێك سه‌رباز نه‌هێڵێ ده‌ستی میهره‌بانی ئه‌وانت بگاتێ، سه‌یری ژن‌و ئه‌وكه‌سو كاره‌ت بكه‌یت خواحافیزیت لێئه‌كه‌ن!!).ڕوئیا …. یاسا زۆربه‌ی كات بۆشه‌ریعه‌ت پێدانی كاری خراپه.ئاخرپاڵه‌وانێتی ئه‌وه‌نییه،خه‌تاكارێك بكوژیت ،پاڵه‌وانێتی ئه‌وه‌یه كه‌سێك له‌مردن ڕزگاربكه‌یت ،ئه‌وه‌نیه گوناهكارێك له‌ناوبه‌یت ،ئه‌وه‌یه بیری خراپه‌ی تیادا له‌نا‌وبه‌ریت.كێ ئه‌زانێت ئه‌ودایكه چه‌نده ڕه‌نجی كێشاوه تاكوكوڕه‌كه‌ی له‌خه‌م ده‌رچووه؟كێ ئه‌زانێت له‌چه‌ند به‌ڵاو موسیبه‌تدا خۆی كردووه به‌قه‌زاوه‌گێڕی؟!كێ ئه‌زانێت چه‌ند شه‌و خه‌وی لێتاڵ كردووهو شیری پێداوه؟!چه‌ند خه‌مباربووه ڕۆژێك له‌ڕۆژان مردن یه‌خه‌ی جگه‌رگۆشه ئێسك سوكه‌كه‌ی نه‌گرێت،ئاواسوكو ئاسان (له‌پێش چاوی) گیانی ئه‌كێشن؟!.
ڕوئیا… هه‌موو دنیا نرخی خوینێ مرۆڤێكی نیه‌‌و مردنیش ئه‌وكاته خۆشه چاوه‌ڕێی نه‌كه‌یت،دڵنیا نه‌بیت ئێستا ئه‌گاته سه‌رت،ئاخر ئه‌وه‌ی ئه‌م هه‌ڵواسیه‌نه له‌مردنی تر جیائه‌كاته‌وه پێش ئه‌وه‌ی گیانت بكێشن هیچ ئومێدێكت نیه نه‌مریت.ڕوئیا كێ ئه‌توانێت ئه‌وان،یا ئه‌ومردووانه بێنێته‌وه دنیا‌و ئێواران ،مناڵه‌كانی ڕاكه‌ن به‌پیری باوكیانه‌وه شیرینی بۆهێناون ؟ كێ ئه‌توانێت جارێكی ترئه‌وكاتانه‌ی بداته‌وه،له‌وپه‌ڕی بێتاقه‌تی‌و شه‌كه‌تیا،ئه‌گه‌ڕێته‌وه و ژنه‌كه‌ی به‌یه‌ك ڕسته (ئازیزه‌كه‌م،بۆوا مات‌و خه‌مباری )هه‌موو بێتا قه‌تی و هیلاكی له‌گیانی ڕاوئه‌نێت، دووباره‌بكاته‌وه؟؟
یان ئه‌و به‌یانیه‌ی به‌ماچێك خواحافیزی له‌هاوسه‌ره‌كه‌ی كردووهو پێی وتووه: چ جۆره گوڵێكت بۆ بكڕم شایسته‌ی تۆبێت؟! كێ ئه‌زانێت ڕۆژێك لهو ڕۆژانه چووه‌ته ده‌ره‌وه‌‌و جارێێكیتر نه گه‌ڕاوه‌ته‌وه‌‌و، ئیتر له‌پشت شیش به‌نده‌كانی زیندانه‌وه تاهه‌تا هه‌تایه به‌خه‌یاڵی ئه‌و گوڵه‌وه نه‌بووه به‌ڵێنی داوه بیكڕێت و نه‌یكڕیوه؟!یاله‌خه‌می ئه‌وئێوارانه‌دانه‌بووه، ئه‌وئێوارانه‌ی له‌وێ نیه چ خه‌مێك سه‌ر له‌ماڵی ئه‌وان ئه‌دات؟!یاخود چه‌نده بێتا قه‌ت‌و خه‌مبار بووه ،كه‌ئیتر ڕۆژگارێك گه‌شتووه هاوسه‌ره‌كه‌ی، مناڵكانی به‌پاره‌ی جلشۆری ماڵان ،یاخود خه‌یاتی كردنی دایكیان شیرینان بۆهێناوه ،بۆزیندان؟له‌وه‌ش خراپتر ئه‌و ڕۆژه‌ی ئه‌وان شیرینیان بۆهێناوه ،ئه‌م هه‌واڵی مه‌رگی خۆیی پێ داوون و پێی وتوون: ڕه‌نگه چه‌ند ڕۆژێكی تر به‌دیار چاوی ئه‌وانه‌وه گیانی بكێشن!بیهێنه‌ره به‌رچاوی خۆت چه‌ند تاڵ‌و خه‌مهێنه‌ره ،ئه‌ومنداڵه پێویستی به‌ده‌ستی نازی تۆیه‌و ده‌ستت نایگاتێ،تۆش ئاماده‌یت بۆئه‌وه‌ی له‌سێداره‌ت بده‌ن‌و ئه‌ویش بۆت بگری؟؟؟!
Jgarsoz8181@yahoo.com
