Skip to Content

Monday, May 23rd, 2022

كه‌ده‌هاتی ….. كاوه‌ی خه‌سره‌وكاوانی

Closed
by January 22, 2011 هۆنراوە

 

كه‌ده‌هاتی دڵ سه‌مفۆنیای
پڕئاوازی بتهۆڤن بوو
هه‌نگاوه‌كان رۆحی تازه‌ی
بێ‌ ئه‌ندازه‌ی رۆحی من بوو
      *        *         *
كه‌ده‌هاتی شه‌قامه‌كان
 ئارایشتی خۆیان ده‌كرد
داروبه‌ردی سه‌ررێگاشت
چاوه‌ڕوانی تۆیان ده‌كرد
      *        *         *
ئێستا له‌گه‌ڵ شه‌قامه‌كان
دوو هه‌تیووی بن ده‌ستی تۆین
بۆدیداری چاوه‌كانت
مات و مه‌لول و مه‌ستی تۆین
      *        *         *
من دڵی ئه‌و ده‌ده‌مه‌وه‌
ئه‌و دڵی من ده‌داته‌وه‌
ئه‌وه‌نده‌ باسی تۆده‌كه‌ین
تاكو خه‌و ده‌مانباته‌وه‌
      *        *         *
له‌گه‌ڵ سپێده‌جارێ‌ تر
چاومان راده‌خه‌ین بۆژێرپێت
به‌ڵكوهه‌ردوو به‌ختمان یاربێت
ئــه‌م گوزه‌ره‌ بــكه‌یته‌  رێت    

                                      17/4/2010
kawa_kiwiny@yahoo.co.uk

 

Previous
Next