Skip to Content

Thursday, March 28th, 2024
به‌یانی دامه‌زراندنی شورای ناوخۆی کاتی بۆ به‌ڕێوه‌بردنی شاری بوعلی له‌ ناوچه‌ی سوسه‌له‌ تونس

به‌یانی دامه‌زراندنی شورای ناوخۆی کاتی بۆ به‌ڕێوه‌بردنی شاری بوعلی له‌ ناوچه‌ی سوسه‌له‌ تونس

Closed
by January 24, 2011 گشتی

 
ده‌قی به‌یاننامه‌که‌:
پاش ئه‌وه‌ی بڕیار درا که‌ ” محمد الغنوشی” حکومه‌تی نوێ دروست کا،واته‌ سه‌رپه‌رشتی هه‌ڵبژاردنه‌کانی سه‌رۆکایه‌تی تازه‌ی ووڵات بکات. هه‌روه‌ها به‌دوای دروست بوونی بۆشایی به‌ڕوه‌وه‌بردن له‌ شاره‌که‌ماندا ” سیدی بو علی” له‌ ویلایه‌تی سوسه‌.
ئێمه‌ هاووڵاتیانی شاری بو علی که‌له‌ ” مه‌یدانی گه‌ل”کۆبوینه‌ته‌وه‌ ڕایده‌گه‌یه‌نین:
• ئه‌م بڕیاره‌ ڕه‌ت ده‌که‌ینه‌وه‌ ،له‌ سه‌ر بنه‌مای ئه‌وه‌ی که‌ له‌ ده‌ستورێکی نادیموکراتی و نا جه‌ماوه‌ری و چه‌ندجارێک پێشێلکراو و هه‌موو ماف وهه‌سته‌ نیشتیمانیه‌کانی ووڵات له‌ خۆ ناگرێت.
• ڕه‌تی ده‌که‌ینه‌وه‌ که‌ حیزبی حاکم ده‌سه‌ڵاتی به‌سه‌ر ژیانی سیاسی ووڵاتدا بمێنی، به‌نوێنه‌رایه‌تی دارو ده‌سته‌و که‌سه‌ ناسراوه‌کانی له‌ ناو حکومه‌ته‌ پێکهاتوه‌ تازه‌که‌دا.
• ‌هه‌ڵبژاردنی شورای ناوخۆیی کاتی به‌ شێوه‌یه‌کی ئاشکرا ،بۆ به‌ڕێوه‌بردنی کاروباری شار و کارکردن له‌ چوارچێوه‌ی ناوه‌خۆ وهاوئاهه‌نگی کردن له‌ ئاستی جمهوری ونیشتیمانی،بۆ گێڕانه‌وه‌ وبه‌ڕێوه‌بردنی ژیانی مه‌ده‌نی و ئابووری وڕۆشنبیری وسیاسی له‌ ووڵات،تا ئاماده‌کردن وهه‌موارکردنی ده‌ستورێکی نوێی دیموکراتی و جه‌ماوه‌ری ،و ئاماده‌کردنی هه‌ڵ‌لبژاردنێک  که‌ تێیدا ده‌سه‌ڵات به‌ شێوه‌یه‌کی ئاسایی و به‌ ئاشتی ئاڵوگۆڕ ده‌کرێت ،به‌ بێ پاوان کردنی ده‌سه‌ڵات وه‌ هه‌موو هێزه‌ نیشتیمانیه‌کان له‌ خۆدا ده‌گرێت.‌

کارومه‌هامه‌کانی ئه‌م شوورا(ئه‌نجومه‌ن)ه‌ بریتین:

• دروست کردنی لیژنه‌کان بۆ پاراستنی گه‌ڕه‌که‌کان وهاوئاهه‌نگردن له‌ نێوانیاندا.
• کارکردن بۆ گه‌ڕانده‌نه‌وه‌ی ژیانی ئابووری ڕۆژانه‌ و فه‌راهه‌مکردنی پێویستیه‌کانی ژیانی ڕۆژانه‌ی هاوولاتیان.
• شه‌ونخونی کردن بۆ پاک ڕاگرتنی شار.
• په‌یوه‌ندی کردن وهاوئاهه‌نگی کردن له‌گه‌ڵ ئه‌نجومه‌نه‌ ناوخۆییه‌کان و جمهوریه‌کان که‌ پیکهاتوون.
• په‌یوه‌ندی کردنی به‌رده‌وام له‌گه‌ڵ له‌شکری نیشتمانی، به‌و سیفه‌ته‌ی ئه‌وان تاکه‌ راگری ووڵاتن.

بڕیارماندا بۆ دابه‌ش بوون به‌سه‌ر ئه‌م لیژنانه‌ی خواره‌وه‌:
• لیژنه‌ی پروپاگه‌نده‌و ڕاگه‌یاندن.
• لیژنه‌ی په‌یوه‌ندی کردن به‌ له‌شکری نیشتمانی.
• لیژنه‌ی سه‌رپه‌رشتی کردنی پاراستنی گه‌ڕه‌که‌کان.
• لیژنه‌ی پاک وخاوێنی.
• لیژنه‌ی فه‌راهه‌مکردن وپێدانی پێویستیه‌کان.
• لیژنه‌ی هۆشیارکردنه‌وه‌ وئاراسته‌کردن وڕۆشنبیری.

وه‌رگێڕانی / ئاراس ڕه‌شید
له‌ پێگه‌ی حیزبی کرێکاری کۆمۆنیستی تونسی (موقع حزب العمال الشيوعي التونسي)Albadil.org
 

Previous
Next
This site is registered on wpml.org as a development site.