Skip to Content

Friday, March 29th, 2024

دژی سرۆشت …. د.تاهیر بابان

Closed
by January 26, 2011 هۆنراوە

بولبول هه‌تاکو پیر ئه‌بێ
له‌ ناو گوڵزارا گیر ئه‌بێ
ته‌نیا له‌ باخو ده‌وری گوڵ
 ته‌سکێنی دێتو ژیر ئه‌بێ

گوڵیش ئه‌وێنی  لا نییه‌
ته‌نیا مه‌غڕوڕی جوانییه‌
نازانێ جوانیو ڕه‌نگو بۆ
هه‌موی ده‌مێکه‌و فانییه‌

ڵای من هه‌ر باخێ ئاوایه‌
که‌ ئازادی تیا به‌رپایه‌
بۆلبول گه‌روی له‌ گۆدایه‌
گوڵیش له‌ نازی خۆدایه‌

که‌ دارستانی ئه‌و باخه‌
ئاسمانی شینو ئه‌و ئاخه‌
له‌ خه‌نده‌ی گه‌رمی ئازادی
 ئه‌مژن شه‌مالی پڕ شادی

نه‌ک باخێکه‌ باخه‌وانی
به‌ ده‌ستوریو ئه‌رکی شانی
له‌ گوڵ ببڕێ شه‌و‌قو نازی
مه‌ل وازبێنێ له‌ ئاوازی

درژی سرۆشت بڕواو بزوێ
به‌ ده‌ستوری کۆنیش بدوێ
 ئاوازیش بێ له‌ هه‌ر لایه‌ک
ده‌ست باته‌ داسو فه‌توایه‌ک

 

20110115

 

Previous
Next
This site is registered on wpml.org as a development site.