Skip to Content

Thursday, March 28th, 2024
لەیادى راپەرینە مەزنەکەى بەهارى 1991 دا… رێبوار رۆستەم

لەیادى راپەرینە مەزنەکەى بەهارى 1991 دا… رێبوار رۆستەم

Closed
by March 6, 2008 گشتی

گەلى کورد بەدرێژایى مێژوو نیشتمانەکەى لەژێر زوڵم و زۆردارى دوژمنانیدا بووەو داگیرکراوە لەلایەن وڵاتە داگیرکەراندا، دواى ئەوەى لەلایەن رژێمى بەعس چەندین کارى ناشارستانى ونادیموکراتى بەرامبەر گەلى کورد ئەنجامدرا، هەر لە کیمیاباران و جینۆسایدو
 ئەنفالکردن و رەمى کردنى خەڵکى سیڤیلى کورد، لەلایەن دام و دەزگا سەرکوتکەرەکانى رژێمى بەعسەوە، راپەرین قوناغێکى وەرچەرخانى مێژووى گەلى کوردبوو کە لە رۆژێکى وەکو ئەمرۆدا بە پاڵپشتى پێشمەرگە و بەهاوپەیمانى بەرەى کوردستانى و جەماوەر توانیان مێژووێکى نوێ دروست بکەن کە لە 5/3/1991 لەشارى رانیەى تێکۆشەرەوە راپەرین دەستى پێ کرد و توانیان دام ودەزگا حکومیەکانى بەعس خاپوور بکەن و ئازادى بکەن ئەم شارە و بەردەوام بێت تاکو کوردستان ئازاد بکرێ لەژێر دەستى رژێمى فاشى بەعس،
لەیادى راپەریندا یادى ئەو رۆژە مێژووییانەیە کە دام ودەزگا زوڵم کراوەکانى رژێمى بەعس و لەبەردەم هێرشى رق و کین وبێزارى ژیان و جەماوەرى کوردستان رووخان و بناغەى وەرچەرخانێکى نوێ لە کوردستاندا هاتە کایەوە.
ئێمەى کورد  ئێستا کە یادى راپەرین دەکەینەوە وێراى سەربەرزى بۆ شەهید و قوربانیانى ئەم خرۆشانە مێژووییە، لەبەردەم چەندین پرسى گرنگ و سەرەکى دەمان وەستێنێ، چونکە دواى تێپەربوونى حەڤدە ساڵ بەسەر راپەرین مەزنەکەى بەهارى 1991 دا پێویستمان بەگەرانەوەیە بۆ هەست و هەناسە نیشتمان پەروەری و پاکى گەلەکەمان کە لە دواى راپەرینەوە بوو.
لەم یادەدا لە هەموو کات زیاتر پێویستمان هەیە بە ژیانى نەتەوەیى ویەک ریزى  سیاسى لە کوردستاندا و بەهێزکردنى دام ودەزگاکان و گەشەپێدان لە هەرێمى کوردستاندا لە سەرجەم بوارەکاندا بەتایبەت لە بوارى ئاوەدانکردنەوەدا….
هەر لەم یادە پیرۆزەدا لەبەردەم ئەرکە تەواو نەبووەکانى ئەم ساتەدا کە ئەویش مەسەلەى هەنوکەیى گێرانەوەى کەرکوک و ناوچە دابراوەکانى ترە بۆ سەر هەرێمى کوردستان….
لەم رۆژەدا ئەرکى گشت لایەکە نەک هەر پارێزگارى لە هەرێمى کوردستان و دەستکەوتەکانى راپەرین بکەین بەڵکو لایەنى کەم داخوازى و داواکارییەکانى خەڵک بدرێتەوە ئەویش هۆشیارى و چارەنووسى گەلى کورد بێت و، بەججدى حکومەتى هەرێم ئەرکى ئەم قوناغە هەستیارە لەبەرچاو بگرن و گشت تواناو هێزەکانیان یەک بخەن و دەست لەناو دەست کارەکان وەرچەرخانێکى نوێ بەدەست بێنێت.

Previous
Next
This site is registered on wpml.org as a development site.