Skip to Content

398 Views

کاری سەدەکانم  …. جەلال عەبدوڵا ساڵح

کاری سەدەکانم …. جەلال عەبدوڵا ساڵح

Be First!
by January 2, 2017 General, Poems
image_print

کاری من
سڕینی پەنجەرەی
ئارەزووی پاشا
تەماشای مێژووی
جەنگی کەڵەشێری
سەدەکان نییە
کاری من ئەوەیە
هەشت کاتژمێری
هەنگوینی
ژیان بفرۆشم
تا نیوەشەو دەخەوێت
چرکەی دڵی
مەکینەی کارگەکان بژمێرم

کاری من ئەوەیە
لە ڕۆژی زریاندا
وردببمەوە
لە مێژووی فەلسەفەی
سەفەری با

کاری من ئەوەیە
تاقی ڕەشی
ژیان بۆیەکەم
تالەنهێنی ڕەنگی
ئاو بگەم

کاری من
تامردن
گوێگرتنە
لەبیرەوەری گۆرانی کچێک
وەک نهێنی سیحری شیعرێک
لە مناڵییەوە خۆشم دەوێت

کاری من
ئاشت کردنەوەی
سیحری ڕەنگ و
باڵی شکاوی خوێناوی
تاوسێکی غەمگینە
گرێدانی
دڵی تەلێکی پچڕاو و
تاڵی ڕۆحی
گیتارێکی نەخۆشە

کاری من
سپاردنی نووقڵی
بیرەوەریەکانی تۆیە
بە تاقی غەربیی ڕۆحم

کاری من ئەوەیە
وەک مناڵ دەستی
کەمانێکی تەنیا بگرم
بیبەمەوە بۆماڵی
شایی و گۆرانی



جەلال عەبدوڵا ساڵح

Previous
Next

Leave a Reply