Skip to Content

82 Views

چه‌ند بروسكه‌ شیعرێ … سه‌ردار جاف

چه‌ند بروسكه‌ شیعرێ … سه‌ردار جاف

Be First!
by January 12, 2017 General, Poems
image_print

دز
نوقڵی دوكانت بۆ نه‌برا
ماڵی كه‌ست پێ نه‌دزرا
نه‌تتوانی دیواری بانكێ ببه‌زێنی
تۆ ته‌نده‌ری كۆنته‌راتت نه‌برده‌وه‌
دزی زانا
به‌ من ناڵێی
ده‌رگای دڵمت چۆن كرده‌وه‌
دڵنیا بوون

به‌سه‌ ئیتر دزی مه‌كه‌
به‌ ئاشكرا دڵم به‌ره‌
سه‌كۆی ئیشق چه‌ن بڵند بێ
هێنده‌ مه‌یلم سه‌وداسه‌ره‌
دڵنیابه‌
هیچ جوان و ئه‌وێنێ دی
رای ناموسێ
چونكه‌ دڵم
به‌ هه‌ڵكۆڵین
ته‌نها ناوی تۆی له‌ سه‌ره‌
دڵبردن

لێگه‌ڕێ با ئارامیم بێ
توانای وریاییم نه‌ماوه‌
دڵم به‌رگه‌ی دزین ناگرێ
له‌ ئێستاوه‌
هه‌ر ئی تۆیه‌ و بۆت جێماوه‌
قه‌ره‌ج

حه‌زم خه‌مه‌
له‌ هه‌واری خێوه‌تی قه‌ره‌جێكمنا
ئه‌شكی سۆمام
بۆته‌ ڕامان
به‌باڵاو قه‌دی قه‌ره‌جه‌ نای ژه‌نه‌كه‌ی
لای بانهۆڤه‌وه‌ به‌ جێما
كه‌چی دڵم
له‌ كه‌ناری ئه‌م ڕووباره‌
سه‌وز بووه‌و
زامی دوێنێی كرد به‌ هێما

Previous
Next

Leave a Reply