Skip to Content

362 Views

بەرۆحم گەرم داتدەپۆشم ………..ستار ئەحمەد

بەرۆحم گەرم داتدەپۆشم ………..ستار ئەحمەد

Be First!
by January 29, 2017 General, Poems
image_print

بەیانییە
باسكم لەتەم هەڵدەكێشم
هەور دەكەم بەكراسێك
لەئاورێشم
پەلی نەرمە بایەك دەگرم
پێم خۆشە لەكۆشی نەرمی
ژیلە ژنی چیا بمرم
هەنگاوەكانم دەشكێنم
ریچكەیەك لەنوور وەردەدەم
ماچێك لەنێرگز دەسێنم
لەگەڵ شەكرە شیعرو بەفرا
بەتاریكی دەیپێچمەوە
شەوێك درەنگ بۆتی دێنم
رووناكی مانگ دەچنمەوە
لەتیلەی وردە ئەسرينما
بۆتەنیایی و بێداربوونت
لەژوور سەرت دەیسووتێنم
ترست نەبێت لەزرزیان و
دەستی سەرما
بەرۆحم گەرم داتدەپۆشم
چ مەشخەڵێكی گوڵڕه‌نگه‌
گڕكانی سەراپای لەشم

Previous
Next

Leave a Reply