Skip to Content

Friday, March 29th, 2024
چێژوه‌رگرتن له‌ ته‌نهایی!  … گۆران ڕه‌ئوف

چێژوه‌رگرتن له‌ ته‌نهایی! … گۆران ڕه‌ئوف

Closed
by March 12, 2012 ئەدەب

1
كاتژمێری ژوره‌كه‌م وه‌ستاوه‌!
په‌رده‌ی په‌نجه‌ره‌كه‌
شه‌رمێكی یه‌كجار قورس دایگرتووه‌!
كتێبخانه‌كه‌م… ماته‌،
بێده‌نگه‌… دۆشداماوه‌!

2
تیڤییه‌كه‌م تۆز خواردویه‌تی و
به‌كراویی وه‌ك ڕابردو!
كاسێتێك ئیشپێده‌كه‌م و
ده‌یخه‌مه‌ سه‌ر ئه‌و میوزیكه‌ی
كه‌ تۆ حه‌زت لێی بو!

3
ئاوێنه‌كه‌م كه‌ده‌مبینێ‌ ده‌گریه‌ت!
جێگه‌ی خه‌وه‌كه‌م وڕوكاسه‌!
ده‌رگای ژوره‌كه‌م هه‌ر هێشتا داخراوه‌!
ئه‌زانی قژم درێژه‌،
چڵكنه‌، ئاڵۆسكاوه‌؟!

4
دوو كورسییه‌كه‌ی جاران،
هه‌نوكه‌ یه‌كێكیان شكاوه‌!
دوو كوپه‌كه‌…
قاوه‌كه‌یان تیادا وشك بۆته‌وه‌!
گه‌له‌ پێكه‌نینه‌كان
ئه‌وه‌نده‌ چاوه‌ڕێبوون،
ئێستا ترشاون!

5
تیانوسی بیره‌وه‌رییه‌كان
به‌كراوه‌یی له‌سه‌ر ئه‌و لاپه‌ڕه‌یه‌
كه‌بۆیه‌كمجار پێتوتم:
“نائومێدییه‌كانم به‌ درێژی پرچمه‌وه‌ گرێداوه‌”!

6
ئینجانه‌ی گوڵه‌كان
هێشتاكه‌ حاڵیان نازانم.
وابزانم هاوسێكه‌مان
باخچه‌كه‌ ئاوه‌دات.

7
پێموابێت دوێنی بوو
هه‌ستام وێنه‌كه‌تم سه‌یركرد.
ئا…ئا هه‌روابوو،
دوێنی ورچه‌ په‌ڕۆینه‌كه‌تم
له‌باوه‌شگرت.
دوێنی له‌تاریكدا و
به‌دزی شیعره‌كانی نیچه‌وه‌
ماچێكی وێنه‌كه‌تم كرد!

8
كه‌ی دێیته‌وه‌ی ئه‌میرم؟!
ئه‌م وێرانه‌یه‌ كوشتمی!

پایزی2006

Previous
Next
This site is registered on wpml.org as a development site.