Skip to Content

52 Views

دۆزینه‌وه‌ی كیشوه‌رێكی نوێ‌ !!! … ئاری زێندینی

دۆزینه‌وه‌ی كیشوه‌رێكی نوێ‌ !!! … ئاری زێندینی

Be First!
by March 19, 2017 General
image_print

له‌چ وڵاتێكی (سێ‌ شاری) بووه‌؟ بێجگه‌ له‌ نه‌وت داهاتی ناوخۆو گومرگه‌كان كێشه‌ی مووچه‌ هه‌بێ‌. له‌چ وڵاتێكی سێ‌
شاری بووه‌؟ شۆرشگێڕه‌كان بوونه‌ته‌ ملیۆنێره‌كان. له‌چ وڵاتێكی (سێ‌ شاری) بووه‌؟ مامۆستاو فه‌رمانبه‌ر نه‌توانن له‌گه‌ڵ خێزانه‌كانیان بڕۆنه‌ میوانخانه‌ له‌چ وڵاتێكی سێ‌ شاری بووه‌؟ گه‌نج نه‌توانێ‌ هاوسه‌رگیری بكات .له‌چ وڵاتێكی سێ‌ شاری بووه‌؟
نه‌خاوه‌ن خانووبیت و نه‌ بتوانی خانوو به‌كرێ‌ بگری.له‌ چ وڵاتێكی (سێ‌ شاری) بووه‌؟ پاش پێنج مانگ مووچه‌ی خانه‌نشینی دابه‌شبكرێت. له‌ چ وڵاتێكی( سێ‌ شاری) بووه‌ ؟ به‌ سێ‌ مانگ جارێ‌ مووچه‌ دابه‌شبكرێ‌. له‌ چ وڵاتێكی (سێ‌ شاری) بووه‌؟ فه‌رمانبه‌رو مووچه‌ خۆر پاره‌ی عیلاجی دوكتۆری نه‌بێ‌. له‌ چ وڵاتێكی سێ‌ شاری بووه‌؟ حیزب له‌ حكومه‌ت ده‌وڵه‌مه‌نتر بێ‌ .له‌ چ وڵاتێكی (سێ‌ شاری) بووه‌؟ خه‌ڵك و خاوه‌ن شه‌هاده‌كه‌ی بێكاربن به‌ڵام كرێكاری بیانی هاورده‌ بكه‌ن. له‌ چ وڵاتیكی سێ‌ شاری بووه‌؟ ئه‌ندامی حیزبه‌ موچه‌ی له‌ حكومه‌ت وه‌ربگرێت. له‌ چ وڵاتێكی (سێ‌ شاری) بووه‌؟ پاش بیست و پێنج ساڵ كاره‌با چاره‌سه‌ر نه‌كرێ‌ .
له‌چ وڵاتێكی سێ‌ شاری بووه‌؟ خه‌ڵكه‌ بێگانه‌كه‌ی نه‌وت و مووچه‌و یارمه‌تی وه‌ربگرن به‌ڵام خه‌ڵكه‌ ڕه‌سه‌نه‌كه‌ی وه‌رنه‌گرن .له‌ چ وڵاتێكی (سێ‌ شاری) بووه‌؟ ده‌رچوویی كۆلیژه‌كان دانه‌مه‌زرێن. له‌چ وڵاتێكی (سێ‌ شاری) بووه‌؟ ته‌نها له‌ شارێك (48) هه‌زار ته‌كسی هه‌بێت.له‌ چ وڵاتێكی (سێ‌ شاری) بووه‌ ؟ پێنج هه‌زار مزگه‌وت هه‌بێت. له‌ چ وڵاتێكی (سێ‌ شاری) بووه‌؟ ملیۆنێك و نیو موچه‌خۆر هه‌بێت. له‌ چ وڵاتێكی (سێ‌ شاری) بووه‌ ؟ ئاغاو كوێخای گوندی بۆ(270) هه‌زاری پریمه‌ر مووچه‌ خۆری بندیوار بێت.له‌ چ وڵاتێكی (سێ‌ شاری) بووه‌ سێ‌ هه‌زار موچه‌ خۆر له‌ یه‌ك گوند هه‌بێت.له‌چ وڵاتێكی (سێ‌ شاری) بووه‌؟ خه‌ڵكه‌كه‌ی به‌رده‌وام كۆچبكه‌ن بۆ وڵاتانی ده‌ره‌وه‌. له‌ چ وڵاتێكی (سێ‌ شاری) بووه‌؟ ته‌نها باسی كۆبوونه‌وه‌وهه‌ڵبژاردن وسیاسه‌ت بكه‌ن.

له‌ چ وڵاتێكی( سێ‌ شاری) بووه‌؟ له‌یادی (هیرۆشیمایه‌كه‌ی – هه‌ڵه‌بجه‌كه‌ی) حیزب و حكومه‌ته‌كه‌ی نه‌زانن چۆن یاده‌كه‌ بكه‌نه‌وه‌. له‌چ وڵاتێكی (سێ‌ شاری) بووه‌؟ كاره‌بایی كارگه‌و كۆمپانیاكان بیست و چوار سه‌عات به‌ڵام هاوڵاتی چوار سه‌عات. له‌ چ وڵاتێكی (سێ‌ شاری) بووه‌؟ باڵه‌خانه‌ی نیشته‌جێبوونی به‌تاڵ دووهێنده‌ی كرێچی بێت و كرێچیش بێجێگاوڕێ‌ سوودی لێوه‌ر نه‌گرن. له‌چ وڵاتێكی (سێ‌ شاری) بووه‌؟ خه‌ڵكه‌كه‌ زه‌نده‌قی له‌ ئیش وكاری داموده‌زگاكانی حكومه‌ت و نه‌خۆشخانه‌ چووبێت. له‌ چ وڵاتێكی (سێ‌ شاری) بووه‌؟ پێشمه‌رگه‌ وڵات پارێز ئه‌ڵقه‌ی هاوسه‌رگیری بفرۆشێت له‌به‌ر بێ‌ پاره‌یی. له‌ چ وڵاتێكی (سێ‌ شاری) بووه‌؟ ڕۆشنبیره‌كان له‌ ده‌سه‌ڵات و حیزب ناڕاز ییبن كه‌چی به‌رهه‌مه‌كانیان له‌ ده‌زگاو ئۆڕگانه‌كانی ده‌سه‌ڵات وحیزب بڵاو بكه‌نه‌وه‌. له‌ چ وڵاتێكی (سێ‌ شاری ) بووه‌؟ پیسترین و ناته‌ندروسترین ژینگه‌ی هه‌بێت.له‌ چ وڵاتێكی (سێ‌ شاری) بووه‌؟ به‌و ڕاده‌یه‌ ده‌رمان و خۆراكی ماوه‌ به‌سه‌رچوو ده‌رخواردی خه‌ڵكه‌كه‌ی بدرێت.له‌ چ وڵاتێكی (سێ‌ شاری ) بووه‌؟ حكومه‌ت به‌وه‌ ڕاده‌یه‌ قه‌رزاری به‌ڵێنده‌رو وه‌به‌ر هێنه‌ر بێت.

له‌ چ وڵاتێكی (سێ‌ شاری) بووه‌؟ حكومه‌ت له‌(پێنج ملیار دۆلار) زیاتر قه‌رزاری فه‌رمانبه‌ران بێت .له‌چ وڵاتێكی (سێ‌ شاری) بووه‌؟ مه‌سئوله‌ حیزبیه‌كه‌ت دووسه‌د حیمایه‌ی هه‌بێ‌ تۆش دڵت خۆشه‌ كه‌ وێنه‌كت له‌گه‌ڵ گرتووه‌. له‌ چ وڵاتێكی (سێ‌ شاری) بووه‌؟ ئه‌ندام په‌رله‌مان و وه‌زیره‌كان وئه‌نجومه‌نی وه‌زیران به‌ قسه‌ی خۆیان بڵێن بڕیاڕوكرده‌وه‌كانمان نایاسایی و نائاسایه‌ !له‌چ وڵاتێكی (سێ‌ شاری) بووه‌ وه‌زعه‌كه‌ به‌م شێوه‌یه‌ ته‌ئسیر له‌ عیززه‌ت و نه‌فست و شیروحه‌فازه‌ی مناڵه‌كت بكات كه‌چی خه‌ڵكه‌كه‌ی خۆیان كڕ كه‌ن و نه‌ك هیچ ناكه‌ن به‌ڵكو ڕازیشن! له‌ چ وڵاتێكی دونیاوجیهان ئه‌و شته‌سه‌یروسه‌مه‌رانه‌ بووه‌و ڕوویداوه‌ گه‌ر ئه‌مه‌ دۆزینه‌وه‌ی (كیشوه‌رێكی نوێ‌ ) نه‌بێت !

Previous
Next

Leave a Reply