Skip to Content

Thursday, March 28th, 2024

سوپاس… به‌ندی عه‌لی

Closed
by February 27, 2013 هۆنراوە

 

 

 

 

سوپاس بۆ ژن

که‌خۆمانی پێناسانین

سوپاس بۆ ژن . تێیگه‌یانین

که‌بێ باوه‌شی میهری ئه‌و

چه‌ن په‌ڕه‌نده‌یه‌کی گێل و

به‌سه‌زمانین

سوپاس بۆژن ،فێری کردین

که‌یاخی بین له‌فرمانی

نه‌خواردنی سێوی عیشق

ده‌نا ئه‌بوایه‌ تا ئه‌مڕۆش له‌وێکانێ

به‌دیار عیشوه‌ی سێوه‌کانی به‌هه‌شته‌وه‌

هه‌ر چاوان زه‌قه‌مان بوایه‌

له‌عیشاوه‌ .. تا شێوانێ 

سوپاس بۆ ژن

که‌هه‌میشه‌ وه‌بیرمانی دێنێته‌وه‌

ئێمه‌ له‌ده‌رسی ئه‌مه‌کدا

چه‌ند نه‌فامین

گه‌رچی له‌بیردۆزی لافو گه‌زافیشدا

شۆڕه‌سواری نه‌به‌زیوی گۆڕه‌پانین

سوپاس بۆ ژن

که‌خۆمانی .. پێناسانین

  2013

Previous
Next
This site is registered on wpml.org as a development site.