من وون بووم …. لۆركا سبیتی حیدر

من وون بووم.

بە دایكم بڵێن:

بۆ باوكم بنووسن.

پێیان بڵێن: كچەكەیان لەم هەزارەی سێهەمەدا

لە ناو شارێكدا، بەناوی ژیانەوە.

لەبیر كراووە.

بە براكانم بڵێن:

خوشكەكەتان هەر شەوی یەكێك دەیبات.

هەرشەوی یەكێك دەی چەشێت.

پێیان بڵێت: عەرەب، كوا غیرەتان؟.

بە عەشیرەتەكان بڵێن:

سوارەكانیان بخەنە رێ‌،

وەرن بمگرن. 

شارەكە وێران كەن.

ماڵەكانیان بسوتێنن.

رویان رەشكەن.

من وون بووم.

نام دۆزنەوە،  

لە شارێكی ئەم سەردەمەدام 

كە دوورە لە بیابانەوە!.  

                             ” وەرگێڕانی: نەبەز گۆران”