Skip to Content

216 Views

بارزانى لەسەر ئەم 10 خاڵە متمانەى لەدەستداوە…. جەلال هۆرێنى

بارزانى لەسەر ئەم 10 خاڵە متمانەى لەدەستداوە…. جەلال هۆرێنى

Be First!
by August 14, 2017 General
image_print

کاتێک کەسێک سەرکردەى وەڵاتێک دەبێت پێش هەموو دەست کەوتە دبلۆماسیى و سیاسیەکان ، هەوڵى متمانە لە نێو گەلەکەى خۆى دەدات ،ئەگەر سەرکردە متمانەى گەلى لەدەستدا ، ئەوا نیشانەى نا ئارامى لە ووڵاتە یان ناوچەکە بوونى هەیە.
مسعود بارزانى کەماوەى زیاتر لە 12 ساڵە سەرۆکى هەرێمى کوردستانە نەیتوانیوە ،ببێتە پردێک لە نێوان خەڵک و دەسەڵات، ئەم پیاوە هەوڵى نەداوە پۆستەکەى بۆ خزمەتى گشتى بەکاربهێنیت و باوەڕ بە تاکى کورد بکات ، کە ئەم سەرۆکە هى حزبێک نیە ، موڵکى هەموو میللەتە.
ئەوەى ئەمرۆ لە کوردستا روودەدات ،هۆکارەکەى سیاسەتى هەڵەى بارزانیە ،هەڵە بەماناى دژایەتیکرنى بنەماڵەکەى نا ، بەڵکو بەماناى نەبوونى شارەزایى لە سیستەمى بەرێوەبردن ، بەداخەوە راوێژکارەکانى بارزانیش زۆر جار ئەم پیاوەیان بە هەڵە بردووە.
لەوە دڵنیام هەموو میللەتى کورد بنەماڵەى بارزانى و بارزانیەکان کە تووشى جینیۆساید بوون بەمۆلکى خۆیان دەزانن بەڵام مسعود بارزانى نەیتوانیوە لەو رێگایەوە هەست و نەستى خەڵک بجوڵێنێت و متمانەى هەموو کوردستان پەیدا بکات.
چونکە مسعود بارزانى لە ماوەى سەرۆکایەتیەکەیدا ئەوەنە پارتیانە هەڵسوکەوتى کردوە ، نیو ئەوەندە وەک سەرۆکى کوردستان هەڵسوکەوتى نەکردووە، تەنانەت ئەم هەڵسوکەوتەى لە سەفەر و دیدارەکانى بەدەرەکەوێت.
بەرزانى دەیتوانى لەو کاتەى وەک سەرۆک دەست بەکاربووە هەوڵبدات هەموو لایەنەکان لەخۆى کۆبکاتەوە ، بێ جیاوازى کاربکات ،بەڵام نەیکرد ، ئەوەندە پارتیانە کارى کرد و نیوە ئەوەندە وەک سەرۆکێک نەیتوانى ئەرکەکانى جێ بەجێ بکات.
لەدنیا وابووە سەرۆک نوێنەرى گەل بووە، بەڵام لە کوردستان بەرزانى نوێنەرى حزبێک بووە ئەگەر ویستویەتى وانەکات بەڵام لە هەڵسوکەوتى وابووە.
بابەتى ریفراندۆم یەکێکە لەو بابەتە نشتیمانیانەى کە موڵکى گەلێکە، پیویستە هەموو کورد پێکەوە بریار لەسەر ئەو ئەرکە نیشتمانیە بدەن،نەک بارزانى لەپێناو ئەوە بۆ مێژوو بڵێن ئەو کردی گەلیک برسى بکات.
ڕەنگە لە مێژووى ژیانى سیاسى بارزانى اوەروانى ئەوەى نەکردبێت رۆژێک لەسەر سەربەخۆى کوردستان بەتایبەت دانانى کات بۆ ریفراندم کەمپینى دژ بکرێت ،راگەیاندنى ئەهلى لەبەرامبەرى ریکلام بۆ نەخێر بکات.

چونکە بارزانى شکستى هێنا لە :

1- وەک سەرۆکى میللەتێک سەرۆکایەتى بکات ، بگرە ئەو وەک نوێنەرى حزبێک بوو.
2- لەسەردان و بەسەرکردنەوەکاندا ئەوەندەى بنەماڵەکەى بە لاوە گرنگ بوو ئەوەندە گرنگى بەلایەنە سیاسیەکانى نەداوە.
3- نەیتوانى ژیانى تاک فەراهم بکات و برسێتى رووى لە کوردستان کرد بەهۆى سیاسەتى ناشەفافى لە نەوت و داهاتەکان.
4- نەیتوانیوە گەندەڵکاران بداتە دادگا ، چونکە بەشێکى زۆرى لەکەس وکارى خۆیەتى .
5- یەدواداچوونى بۆ پرۆژەکانى حکومەت نەبوو ، پشتى بە کەسەکانى خۆى بەستووە کە تیوەگلاون لەگەندەڵى.
6- بارزانى هەمیشە رقى هەڵگرتووە لە بەرامبەرەکەى رقەکەى وەک کەسیتى بووە ، ئەم پیاوە رقى سیاسى و کەسێتى تێکەڵ کردوە.
7- بەشێکى زۆرى پۆستە گرنگەکانى حکومەتى بۆ بنەماڵەکەى بووە ، متمانەى بەخەڵکى تر نەبوو، بۆیە خەڵکیش متمانەى بەو نیە.
8- حزبەکەى لەسەربنەماى پارە وەستاوە دڵسۆزى تێدا بووەتە پارەپێدان ئەمەش کۆتایى دێت .
9- باوەڕ و متمانەى بە سەرکردەى حزبەکانى تر نەبووە ، ئەوەندەى باوەڕ ومتمانەى بە دوڵەتانى بیگانە و دراوسێ هەبووە.
10-سیستەمى بەرێوەبردن لاى بارزانى سیستەمێکى بنەماڵەیى بووە نەک ئیدارى دانراو.

Previous
Next

Leave a Reply