Skip to Content

152 Views

دەستنوسـێ لە دارسـێو … بۆتان لەتیف عەبدولقادر (پـایــان)

دەستنوسـێ لە دارسـێو … بۆتان لەتیف عەبدولقادر (پـایــان)

Be First!
by August 27, 2017 General, Poems
image_print

تازە زانیم
ئێرە باڵێکی ئاسمانەو
بەهەشت قوتابخانەیەو
داری گەنمیش پێنوس!..
تازە زانیم
من پەرتوکم و دڵی یاریش پەرتوکخانە!..
لەم قوربانە
ئەترسم ئەو دەست بۆ دڵی ببات
من هەڵگرێت و
ڕستەی یەکەمی پێشەکیم بخوێنێتەوە!..
لەوێ بەخەتێکی باریک وەک لێوی؛
بۆم نوسیوە: ڕۆژێ دێت دێمە لات..
نا…
نا…
نامەوێت ئیتر بنوسم، ئەو دەگریێت
نامەوێت خەم بخوێنێتەوە..
ئا…
لێرەوە؛
بۆ لەمەولا من ئەبمە تێنوسێ بۆ ئەو
لەبەژنم پێنوسێکی بۆ ئەڕوێنم
دەی وەرە تۆ وێنا بکەو بنوسە…
لێرە بەدواوە دەمەوێت
دەستنوسێک بم لەباڵای تۆ..
داهاتمەوەو تێگەیشتم
لەم بەهـەشـتە؛
پێنوس لەداری گەنمە و
دەستنوسیش دارســـێو!..

بۆتان لەتیف عەبدولقادر (پـایــان)
ئیسکەندەریە.
١٤ی ١٠ی ٢٠١٣

Previous
Next

Leave a Reply