بوونى رێكخراوە حیزبیەكان لەناوەندەكانى خوێندن، …… !

 بوونى رێكخراوە حیزبیەكان لەناوەندەكانى خوێندن، پەروەردە هێندەى تر بەرە و لاوازى دەبات !
  شوان سدیق
 پەروەردە وبنیاتنانى كۆمەڵ لەوڵاتێكەوە بۆ وڵاتێك لەكۆمەڵگا یەكەوە بۆ كۆمەڵگایەك، لەناوچەیەكەوە بۆ ناوەچەیەكى دى جیاوازە و بەپێى پەروەردە و یاساو كولتوور تایبەت مەندى خۆیان هەیە، كوردستان  بەو عێراقەى ئەمرۆش كەسەرانى كورد بەفیدراڵى ناوزەند دەكەن وعەرەبیش بەوەتەنى واحید وێنا دەكات، سیستمى پەروەردەى خوێندن قوتابخانە تایبەت مەندى خۆى هەیە، سیستمى خوێند لەم وڵاتە ئاوێتەیە لەگەڵ سیستمى حیزب ئەو كۆرو كۆبوونەوانەى لە بارەگا حیزبیەكان ئەنجام دەرێت، لە زانكۆ و پەیمانگاكانیش بەهەمان شێوە، هۆكارەكەشى روون وئاشكرایە، دەیان ساڵە هەموو ئیش وكارێكت بەواسیتەى حیزبێكەوە بۆ ئەنجام دەدەن، ئەگەر حیزبیى نەبیت ناتوانیت بەخۆى بژیت، حیزب لەم وڵاتە پانتاییەكى تەواوى داگیر كردووە، ژیانی مرۆڤەكانیان وا لێكردووە، گەر تەسكیەكى حیزبیت نەبێت كارت بۆ مەیسەر نابێت، بەتایبەتى ئەمڕۆ ولەم وەرزەدا كاتى كردنەوەى دەرگاى خوێندنگاكانە ڕێكخراوە حیزبیەكانیش مشەخۆرانە خۆیان كۆ كردوەتەوە، بۆ ئەوەى لەرێگاى ناوەندى خوێندنەوە، سەرنجى خەڵك بۆ لاى حیزبەكانیان ڕابكێشن ولەو ڕێگایەوە، پەرە بەكارەكانى خۆیان بدەن، هەرچەندە پارەتە كوردیەكانى ئەمڕۆ بەهەردوو باڵى ناسیۆنالیزم و ئیسلام گەریەكانیشەوە متمانەى خۆیان لاى هاووڵاتیان دۆڕاندووە، ناكرى و ناگوترىَ شیوعیەكان بەكۆمۆنیست لەقەڵەم بدەین، چونكە مەنهەجى كۆمۆنیست جیاوازترە، لەگەڵ ناسیۆنالیست و ئیسلامیست، ئەگەر شیوعیەكان خۆیان بە كۆمۆنیست بزانن و پەیڕەوپرۆگرامەكانى ماركسیسیەتیان لا پەسەندە، هاوپەیمانیەتى لەگەڵ ناسیۆنالیزم و حیزبى مەزهەبیدا ئیمزا ناكەن، بەبۆچوونى من بوونى دەزگاو دامەزراوە حیزبەكان بەهەموویانەوە، ئەوەندەى تر خوێندن لە قوتابخانەكاندا دوا دەخەن، حیزبێك كەمتمانەى خۆى لاى گەل دۆڕاند وسیقەى نەما ئیتر چۆن دەتوانێت پەرە بە پەروەردەیەكى تەندروست بدات و كۆمەڵ سوودى لىَ وەربگرێت،  حیزبێك كە لەسەر ئایدۆلۆژیایەك بنیاتنرابێت و نەتوانێت پێڕەوى بكات، ئیتر چۆن قوتابیەك سودى لىَ وەردەگرێت، لەكاتێكدا خۆى باوەڕى پێ نیە، جا بۆ ئەوەى خۆمان لەتاعوونى ئەوحیزبانە، دوور بخەینەوە چاكتر وایە ڕێگایەكى راست بگرینە بەر، بە بیركردنەوەیەكى تازەوە بێینە مەیدانەوە، هەركەس لەئاستێك و بەپێى تواناى خۆى كار بۆ گۆڕینى شووناسى  خۆى و وسیستمى وڵات بكات، چیتر باوەڕ بەو ئەحزابانە نەكەین، لێك دانەویەك مان بۆ ڕابر دووی حەڤدە ساڵەیان هەبێت، بۆ مەنهەجەكانیان كە ناتوانن خۆیان پێڕەوەى بكەن ودەیانەوێت ئەم نەوەیەى پێهەڵ بخەڵەتێنن،  ئیتر چۆن دەتوانن گۆران بكەن؟، بۆیە ئێستا دەیانەوێت لەرێگاى ڕێكخراوە لۆكاڵیەكانیانەوە خۆیان بخزێننە نێو ئەم نەوە تازەیەوە، ئەركمانە هەموومان وشیار بین ئەگینا ئایندەمان تارك دەبێت ومێژووش نەفرەتمان لى َدەكات !
  shwansdiq@yahoo.com