Skip to Content

216 Views

گه‌ڕانه‌وه‌ بۆ لای یه‌ك … سه‌ردار جاف

گه‌ڕانه‌وه‌ بۆ لای یه‌ك … سه‌ردار جاف

Be First!
by November 5, 2017 General, Poems
image_print

له‌ گوڵدانی بوغزه‌كانما
تۆپه‌ لۆكه‌ی تۆیه‌ تیایدا چرۆ ده‌كه‌ن
له‌ نێو سه‌فه‌ر و غوربه‌تی یاداشته‌كان
له‌ فڕگه‌خانه‌ی چاوه‌كانما
باڵه‌كانت ده‌كرێنه‌وه‌
له‌ كه‌ناری په‌نجه‌ شه‌قار بووه‌كانما
هه‌ناسه‌ی تۆن گه‌رمگه‌رم دایده‌پۆشن
له‌ سه‌رانسه‌ری لیوه‌ ره‌نگ قاوه‌تاڵ نیشتووه‌كانما
ده‌نگی لێوی هه‌نگوینی تۆن به‌ سه‌ریانا خڕ بۆته‌وه‌
له‌ سه‌ر سینگه‌ چیمه‌نییه‌كه‌م
جوتێ به‌ی ناسك رۆنیشتوون
له‌ چه‌قی دڵی بیًبه‌زیی و پڕ ڕكا
دڵی په‌شمه‌كینی تۆن تواونه‌ته‌وه‌
له‌ گڵێنه‌ی چاوه‌ مۆڕ بووه‌كان
ئه‌شكی په‌شیمانی دوێنێی تۆی گرتووه‌
له‌ قۆڵبه‌ندی تێكئاڵانی باڵه‌كانما
له‌ ئاوێزانی ئامێزتا خۆ ده‌بینم
له‌ره‌ی جووتێ مه‌مكی سرتن
له‌ نێو له‌پم هه‌ر به‌ سانا نیشتۆته‌وه‌

Deutschland – Limburg
3- 11 – 2017

Previous
Next

Leave a Reply