Skip to Content

Friday, March 29th, 2024
به‌لێوان ….  دڵشاد تاقانه‌

به‌لێوان …. دڵشاد تاقانه‌

Closed
by November 2, 2008 ئەدەب

            به‌لێوان ….
 ساقی لێوان هه‌ر به‌لێوان بێنه‌ لێو لێوانێ ‌که‌م
 مه‌زه‌و مه‌ی تا‌می لێوان‌ کاس ده‌کاتن که‌لله‌مان
 توبی به‌شقی عشقی پاکت بیکه‌‌وه ‌لێم لایه‌که‌م
 بارگاویم که‌ به ‌چاوت مه‌ستم که‌‌ هه‌ر به‌لێوان
 
 خه‌نده‌‌ته‌ حه‌ز بزوێنه‌ بیڕشێنه‌ تـای خه‌مه‌که‌م
 ساردکه‌‌ ‌بۆ‌ تاوه‌ ساتێ جه‌سته‌ی گڕداگرتوومان
 با قومێک بێ و له‌ لێوان بهێنه‌ره‌ ‌دی ته‌ماکه‌م
 شه‌رم و شوره ‌به‌لانێ‌‌ نۆشه‌ مرچه‌ی دوو لێوان
 
 ‌به‌ جووته‌ی‌ لێوان وه‌ره‌‌ مۆرکه په‌ڕه‌ی دڵه‌که‌م
 لێوان گوڵدانی که‌فگوڵه‌ با هه‌ڵڕژێ به ‌ڕوومان
 به‌م ژوانه‌ بمڕفێنه‌ خواستی سنگت بۆ واڵاکه‌م
 ته‌زی ‌مه‌ستی‌ بسره‌وێنێ ترپه‌ی دڵه‌خورپه‌مان
 
                                                         دڵشاد تاقانه‌
                                                                 
 

Previous
Next
This site is registered on wpml.org as a development site.