ناوازه……….هێمن ڕه‌ئووف
Closed
ناوازه
هێمن ڕه‌ئووف
تۆ بوکه‌شوشه‌که‌ی ده‌ستم
منیش تا خوا حه‌زکا منداڵ
بۆیه ئاوا
به‌بێگه‌ردی خۆشمئه‌وێی
به هێمنی ئه‌تدوێنم
دڵم له هه‌ر جێگایه بێ
تۆش هه‌رله‌وێی .
تۆ گۆچانێکی نه‌خشینی له ده‌ستمدا
منیش
هه‌تابڵێی پیروبه‌ساڵاچوو
بۆیه ئاوا
له هه‌ستانو له وه‌ستانا
هه‌ر پشتم به‌تۆ ئه‌به‌ستم
له‌ڕۆشتن و هه‌نگاوما
گه‌شبینم و پڕئومێدم
بۆگه‌شتنم به مه‌به‌ستم .
من شاعیرێبووم دامابووم
بۆ وشه‌یه‌کی ناوازه !
تۆش به ناز و له‌نجه‌ولارت
پۆله‌ڕسته‌ی پڕئه‌وینی ئاسمانی خه‌یاڵی من بووی
بۆیه ئێستا
به بوونت هه‌موو تێکست و شیعره‌کانم
پڕئاوازه .
www.hemnrauf.kurdblogger.com
