Skip to Content

39 Views

بەجێماو..!! … چالاک ئـاغجەلەری

بەجێماو..!! … چالاک ئـاغجەلەری

Be First!
by January 2, 2018 General, Poems
image_print

لە کۆتایی ساڵدا
باخێک .. چەند دارێکی
ئـاو نەدراو و ھەندێ گوڵی
ووشکەوە بووی
لێ بەجێما..!!

منداڵێک .. بە جیا لە بوکەڵە
شکاو و تیتلە کۆنەکانی
خوشکەکەی ، ئـەو قوتیلەیەی
دایکی پێیدا
لە بۆ سواڵی چۆڕە نەوتێ،
لێ بەجێما..!!

ژنەکانیش .. وەک بەردەوام
نەڕەی پیاو و سەرپۆشی
ڕەشیان
لێ بەجێما…!!

زمانحاڵی نیشتمانیش
وەک ڕاھاتوون
چارۆکەیەک پڕ لە درۆ و
ھەندێ پەڕەی بانکی
پڕ ژمارە و
شکست تێکیان
لێ بەجێما…!!

ھەرچی خۆشمە
حەسرەتێک و
یەک .. دوو ووشەم
لێ بەجێما.

٢٩/١٢/٢٠١٧
تۆرۆنتۆ

Previous
Next

Leave a Reply