Skip to Content

125 Views

من و كه‌ركوك له‌ خه‌می دیلبوونی یه‌كتر ئه‌خۆینه‌وه‌ … چنوور نامیق

من و كه‌ركوك له‌ خه‌می دیلبوونی یه‌كتر ئه‌خۆینه‌وه‌ … چنوور نامیق

Be First!
by January 7, 2018 General, Poems
image_print

حه‌ڤده‌ رۆی و من و كه‌ركوك په‌ڕۆی
سووری سه‌رئێشه‌مان به‌ ته‌وێڵه‌وه‌ به‌ستووه‌
هه‌ژده‌ سه‌ره‌تاتكێیه‌تی و
من و كه‌ركوك بێ‌ نیشتیمان
من له‌ خه‌می دیلبوونی ئه‌و ئه‌خۆمه‌وه‌ و
ئه‌و له‌ عه‌شقی په‌رته‌وازه‌ی دڵی منا دائه‌گیرسێ‌
حه‌ڤده‌ رۆی و من و كه‌ركوك
دوور له‌ وڵات
نه‌فره‌ت له‌ دادوه‌ری ئه‌كه‌ین
هه‌ردوو به‌نیازین بڕۆین
وه‌لێ‌ تازه‌ دڵی من و كه‌ركوكه‌م
فرۆشراو
له‌نیشتیمان دابڕاین و
نایه‌ینه‌وه‌
حه‌ڤده‌ رۆی و هه‌شده‌ دوو دڵ و رارایه‌
من و كه‌ركوكی بێ‌ په‌ناش
دڵگه‌رمین و تاقه‌تی زه‌مه‌نمان نییه‌!
وه‌كو پێكی شكاوی دڵ
هه‌ر جاره‌و
ده‌ستی چه‌په‌ڵێك هه‌ڵمان ئه‌دا و
له‌به‌رده‌م شه‌ڕگه‌یه‌كی چۆڵكراو جێمان دێڵێ‌
حه‌ڤده‌ رۆی و تازه‌ من و كه‌ركوكه‌كه‌م
مه‌حاڵه‌ بگه‌ڕێینه‌وه‌
من له‌خه‌می دیلبوونی ئه‌و ئه‌خۆمه‌وه‌ و
ئه‌و له‌ عه‌شقه‌ ناكامه‌كه‌ی دڵی گه‌رمم دائه‌گیرسێ‌!

31-12-2017

Previous
Next

Leave a Reply