Skip to Content

Tuesday, March 19th, 2024
ئەو دوومنداڵەى بەفر كردنى بەپەیكەرى شارێك….هەردى شەفیق

ئەو دوومنداڵەى بەفر كردنى بەپەیكەرى شارێك….هەردى شەفیق

Closed
by January 26, 2009 گشتی

 ئەو دوومنداڵەى بەفر كردنى بەپەیكەرى شارێك
 هەردى شەفیق

 7/1/2009حەڤدەساڵ بەسەر كارەساتى جەرگبڕى هەردوو فریشتە سپیەكە (چنارو هێمن)د ا تێپەڕى .ئەودوومنداڵەى لەشەوێكدا كەبەفرێكى زۆر دەبارى ،لەشەوێكى سپى وەك ڕۆحى خۆیان و ڕەش وەك بەختى خۆیاندا، شەوى 7/8/1/1992 لەشەوێكى سەرماو كڕێوەدا ڕەق بوونەوەو  بۆ هەتا هەتایە ماڵئاواییان لەو دایكە ڕەشپۆشەیانكرد هێشتا پۆشاكى هاوسەرە شەهیدەكەى كەبەدەستى ِژێمى بەعس شەهید بوو تازە كردبووە بەرى .ئەو دوومنداڵەى  لەدەروازەى قەزاى (سەید ێادق)دا هێشتا وەك دوو فریشتەى سپى پەیكەرەكەیان سەیرى ئەو مناڵە جوانكیلانە ئەكەن پۆل پۆل ڕو لەقوتابخانە ئەكەن و دەڵێن (بخوێنن چونكە خوێندن بۆ دیفاعى تیغى دوژمنتان /هەموو ئان وزەمانێك عەینى قەڵغان وتیغى سوپەرتانە).
 (چنارو هێمن )كێن ؟چنار –هێن ناێحعلى ئەو خوشك وبریەن كەڕۆڵەى شەهیدێكى ئەم خاكەن .دوو مناڵى دەربازبوو لەدەست گورگى كارە ساتى ڕەشى ئەنفال بوون ،ئەوان نەیان ئەویست كەڵبەو گەدەى برسى ێەگە ڕەشەكانى عەرعەرو ێەحراكانى عێراق پڕبكەنەوە .ئەوان لەگەڵ چاو هەڵهێناندا لەبرى نازى دەستى باوك وێنەى شەهیدێكیان بەدیوارى ماڵە ساردو سڕەكەیانەوە بینى .ئەگەرچى ئێواران پیاوانى شاریان ئەبینى بەنوقڵەوە دەگەڕانەوەو مناڵەكانیان پێشوازیان لێئەكردن بەبىَ ئەوەى ڕۆژێك لەڕۆژان شهید ى هونەرمەند (كاروان ى جوانەمەرگ)یان لەدەورو زەمانێكى تردا دیبىَ و گوێبیستى دەنگى بووبن هەموو ئێوارەیەك بەگۆرانیەكەى ئەو (بابە زووبوو بۆجێت هێشتین )ماڵئاواییان لەئێوارەى هەموو ڕۆژێك ئەكرد. نەیان دەزانى سەرەنجام لەدەڤەرەكەى كاروەاندا دەبن بەدوو فریشتەى سپى بەئاسمانى شارەوە و بۆ هەتاهەتایە پەیكەرەكەیان ئەو  چیرۆكەدڵتەزێنە بۆ ڕێبواران  ئەگێڕێتەوە دوومناڵ لەشەوێكى تەنیاو بێكەس و بەستەڵەكدا (چۆن ڕەق بوونەوە)دوومنداڵ بەیانیەك دەیان ویست شێرە بەفرینەیەك دروست بكەن و شەو و بەفر نەیان هێشت تەواوى بكەن و بەفر ئەوانى كرد بەپەیكەرى شارێك .
 ئێوارەى (8/1 )ئێوارەى ئەو كارەساتە دڵتەزێنە بوو بەفرە سپیەكە پۆشاكى ڕەشى كرد بە بەر ڕاگەیاندنە كوردیەكاناو ماتەمینى بردە سەر سفرەى ماڵەكانى كوردستان.
 دواى كارەساتى ڕەشى ئەنفال ئەو دوو فریشتە سپیە بۆ یەكەمجار ئازادبوونى كەركوك دەبینن بەڵام بەختى ڕەشى كورد وەك هەمیشە درێژە ناكێشىَ تاچیتر سێبەرى جەلادەكانى باوكیان ونەتەوەكەیان بەسەریانەوە نەبێت و ئەو شارە هەمیشەشەڵاڵ بوو بەخوێنە جارێكى تر كەوتەوە ژێر پۆساڵە خوێناویەكانى بەعس و ماڵە خنجیلانەكەى (شەهید ناێح)كەلە چواركەس پێك هاتبوون (دایكیان (ئاهو)كچەدەساڵەنەكەیان (چنار)و كوڕە هەشت ساڵانەكەیان (هێمن )و كچە چوار ساڵانەكەیان (چیا)بەسەرماو برسێتى وەك ملێونان كەسى ترى كورد بەسەرماو برسێتى لەترسى خوێنڕێژى دەسەڵاتى بەعس (كەهەڕەشەى سەربڕینى مناڵى سەر بێشكەشى ئەكرد)و دووبارە بوونەوەى جارێكى ترى ئەنفال وهەڵەبجە ڕودەكەنە سەر سنورەكان و لەشارۆچكەى سەیدێادق ئەگیرسێنەوە .هەرلەم كاتەدا ڕێكخراوى خێر خوازى UNCHRخەڵكى دەڤەرى گەرمیان و مەینەتیەكانیان لەبەر سەرماى ساردى ئەو ساڵەدا درك پێدەكات وكابینەو كۆمەڵێك پیداویستى سەرەتاییان  بۆ دابین ئەكات وەك (زۆپاو كابینە) لە شوێنى گوندى شانەدەرى تازەى ئێستادا نیشتە جێیان ئەكات .بەڵام سە مەخابن  یەكەمین ئێوارەى بەفرە شومەكە هەواڵى دیار نەمانى ئەو دوومناڵەو نەگەڕانەوەیان تەواوى كۆمەڵگاكە دەهەژێنىَ و بەیانى  هەمان ڕۆژ لەدواى گەڕانێكى بێهودە لەخەڵكى ماڵە ئاوارەكان و دەورو بەرى ڕاوچیەك دور لەڕێگى قوتابخانەى ئەو دوومنداڵە، تەرمى ئەو دوومنداڵە ئەدۆزێتەوە بەهۆى ئەوى ڕێگایان هەڵە كردەوە بەهەمان شێوەى پەیكەرەكەى ئێستایان بوون بەیەك پارچە سەهۆڵ.
 خودایە چەند سەختە دوومنداڵ ئابەو تەمەنە بچوكەوە بەفر بەلێشاو ئەبارىَ و لەسوپاى بەعس دڕندە ترە بۆ كوشتنى مرۆڤ ،چەند سەختە لەشەوێكى تەنیاو بێكەسدا ڕێگا هەڵەبكەیت و خێرا خوایەك نەبێت ویژدانى بجوڵێت و سەیارەكەى ڕاگرێت وبتگەیەنێتە ماڵ،چەند سەختە لەشەوێكى ڕەش وەك بەختى خۆت وسپى وەك ڕۆحى مناڵیتا و بێدەنگ وكپ وەك ئەو هاوارانەى تەنانەت نەگانە دایكە جگەر سوتاوەكەشت بەفر جەستەى خنجیلانەت بەدیارچاوى خوشكە چكۆلانەكەت ،یا بەبەر چاوى برا چكۆلانەكەت ،نابەبەر چاوى یەكترە وە بتانكات بەسەهۆڵ و هەردووكتان ببەنە قەڵغانى سەرماى یەكترى وفایدەى نەبێت!!خودایە چەند سەختە!
 چەند سەختە لەشەوێكى بەفرو بەستە ڵەكدا چاوەڕوانى فریاد ڕەسێك بكەیت دوومنداڵى  بەنازت لەژێر شەختەى بەفر دەربێنێى و كەسێك نەبێت دەستى پێیان بگات،دوودەستى میهرەبان ئەو دووپاساریەت گەرم كەنەوە سەرما بڕستى لێبڕیون وئەو دوو دەستە لەتۆ قاتى بێت ،خودایە چى لەوە سەختترە مەرگ نوقتە بۆكۆتایی ئەو چاوەڕوانیەت دابنىَو بەیەكجارى مناڵەكانت لەو بلۆكە ساردو سڕانە دور بخاتەوە ڕۆژانە مناڵەكانت دەبوو (3)كیلۆمەتر ببڕن بۆ ئەوەى لەسەرى دابنیشن وئەلف وبێ كەى مامۆستا باڵدار فێربن !چى لەو سەختترە ژنێكى تەنیا بەدیار یادگارى مناڵە شەهیدەكانى و یادگارى وێنەى هاوسەر شەهیدەكەیەوە (وەك وپیرە مێردو زەریاكەى ئێرنیست هێمنگواى  )لەبەرو بوومى تەقەلاكانى ئێسقانى ماسیەك نا بەڵكو گۆڕى مناڵەكانى بباتەوە !
 چى لەوە سەختترە لەدواى مردنیان شەوانە دەرگا دانەخەیت و چاوەڕىَ دوو فریشتە بەسەهۆڵبووەكەى بەرسەرمات بكەى بەڵكو خودا موعجیزەیەك بنوێنىَ و بێنەوە ،تەنها بۆ ئەوە بخەویت لەخەودا بیان بینیتەوە !چى لەوە سەختترە لەدواى(4)ساڵ لەمەرگى فریشتە كانت  بەدیار قوتابخانەى كچە تاقانەكەى ترتەوە لەبەر بەفرو باران وخۆرەتاوا دابنیشى و ترسى مەرگ بەر دەرگاى قوتابخانەكەت پێچۆڵ نەكات !چى لەوە سەختترە لەدواى( 17)ساڵ بێتە وە سەر پەیكەرى ڕۆڵەكانت بەجلە ڕەشەكانتەوە بەسەر پەیكەرى دووفریشتەى سپیدا بگریت كەبوونەتە ڕەمزى شارێك .
 *جێگەى داخە لەدواى حەڤدە ساڵ بەسەر مەرگى ئەواندا بۆیەكەمین جار یادیان بكەینەوە .
 *جێگەى خۆیەتى سوپاسى دكتۆر (یەڵدا) بكەین گەورەیی ئەو كارەساتەى بۆ مێژوو هێشتەوەو ئەو پەیكەرەى لەدەروزاى شاردا بۆ دروستكردن  .ئەو دكتۆرە بیانەى لەسەر دەفتەرى یاداشتەكانى نوسى (هیچ كارەساتێك ئەوندە جەرگبڕنیە لەمێژوى مرۆڤایەتیدا )و هیچ كارە ساتێكیش ئەوەندە نەیگریاند
 چەند سەرنجێك دەربارەى مەراسیمەكە
 * دەربارەى مەراسیمى (ئەوودوومنداڵەى بەفركردنى بەپەیكەرى شارێك)بەندە تەقەلایەزۆرم دا لەماوەى ئەم سىَ ساڵەدا هەرچۆنێك بێت یادى ئەو منداڵە زیندوو ڕاگرین  بۆ ئەم مەبەستە چەند جارێك لەگەڵ هاوڕىَ ى ئەزیزم (جەمال جەلال)باسمان لێوەكرد بەڵام نەبوونى ئیمكانیەت ئەو خەونەى لەبار بردین لەگەڵ ئەوەشدا دەبێت ئەوە بوترێت كاك جەمال وێنەى ئەو پەیكەرەى كرد بەلۆگۆى سایتەكەى(سەیدێادق) ودواتریش ڕۆژنامەى سەیدێادق ئەم كارە جوانەیان كرد
 *وەك توانا شارەزورى ئاماژەى پێكرد جێگەى داخە مەراسیمەكە( 7/1)ەو لە( 20/1 )دا یادیان ئەكرێتەوە و ئەشڵێن ڕۆژى (17/1 )ەبەڵام من پێشتر هەر لەسەر تاوە كە پێم وتن باشتێكى لەو جۆرە بكەین و ساڵانى پێشتریش كە ئەمەم وروژاند بەداخەوە كەس ئامادە نەبوو بێتە پێشەوە بۆ یە هەقى خۆیەتى تەواوى ڕاگەیاندنەكانیش ئاگادارى ئەو هەقیقەتە بن ڕۆژى شەهید بوونى ئەو دوومنداڵە (7/1 )ەو هەر لەسەرەتاى مەراسیمەكەوە من ئاماژەم پێكرد ودواتریش نوسراوى سەر گۆڕەكەیان وپەیكەرەكەو ئەو ڕاگەیاندنەشى كەیەكەمجار هەواڵەكەى بەڵاو كردەوە جەخت لەسەر ئەو ڕاستیە دەكەنەوە. تێكڕاى ئەو كەسانەش ئامادەبوون لەكاتىكارەساتەكەدا هاوڕا بوون وئەو هەڵە ڕاست كرایەوە بۆیە ڕاگەیاندنەكانیش پێویستە ئاگادارى ئەو مێژووە بن .
 *بەداخەوە دەبوو لەڕۆژى مەراسیمەكەدا قوربانیەكان لەكورسیەكانى پێشەوە بوونایە نەك دیسان بەر پرسەكان وەك هەمیشە و دەبوومناڵى ئەنفالەكان مۆمیان دابگیرساندایە *دەبوومامۆستاكان ئێوارەى هەمان ڕۆژ دیسان ئامادەبوونایە نەك ئەوەى هۆڵەكە چۆڵبكەن كاتێك كارەكانیان تەواو بوو ئەكرێت بووترێت ئافەرین بۆ ئەو قوتابى و خوێندكارانەى مامۆستاكانیان نەهاتنەوەو ئەوان لە ماتەمى هاوڕىَ شەهیدەكانیاندا لەوىَ بوون!!!!!!!!!!!
 *ئەوە جێگەى دڵخۆشى بوو ڕێزو تەقدیرى خەڵكى شارە كەبوو بۆ بنەماڵەى (چنارو هێمن )وهەروەكو لەكاتى گەڕانەوەیاندا وتیان ئێمەڕێزى ئەو خەڵكە لەبیر ناكەین .
 JGARSOZ8181@YAHOO.COM
 
 

Previous
Next
This site is registered on wpml.org as a development site.