Skip to Content

60 Views

دۆزه‌خه‌ ژن … ستار ئه‌حمه‌د

دۆزه‌خه‌ ژن … ستار ئه‌حمه‌د

Be First!
by April 28, 2018 General, Poems
image_print

بڕۆ له‌گۆشه‌ی ترسه‌وه‌
جلی خۆ كوشتن بپۆشه‌
گومان له‌ته‌وقی سه‌رت بده‌
له‌رێڕه‌وه‌كانه‌وه‌
له‌هاوجووتی خۆت بڕوانه‌
هه‌تا ده‌توێیته‌وه‌
له‌ژێر پێڵاوو
پاژنه‌ی سه‌رسمی خه‌ڵكا
بمره‌ ..به‌تاسه‌وه‌
له‌چێژی ئه‌وین بێبه‌شبه‌
پێسته‌ی مرۆڤبوون فڕێده‌
له‌گه‌ڵ گاشه‌به‌ردی رێگاو
نسرمی چیاكان جووت به‌
سه‌رت بۆچییه‌
كه‌بیرێكی رووناكی تیا نه‌بێت
ئه‌ندامه‌كانی له‌شت هه‌مووی زیادن
كه‌تۆ به‌كاریان ناهێنی و
هیچ نابیستی
تۆ په‌یكه‌رێكی رووخاوی
تابلۆیه‌كی
له‌كینه‌
گومان
ترس و
خۆپه‌رستی
ئه‌وه‌ تۆی
جگه‌ له‌گیرفانێك پاره‌
هه‌ستێك نییه‌
رۆحت به‌ به‌رابكا
دڵت كراسێكی چڵكنه
ویژدانت
بنمیچی گرتووخانه‌یه‌
زارت تووله‌ مارێك سڕه‌
نیشتمانت دۆزه‌خێكه‌
له‌ژانو سۆی داڕمان و
گڕی داوێن
ده‌رچووی ئه‌زموونی زیندانی
بڕوانامه‌ی خۆكوشتن و
خوێن مژینت وه‌رگرتووه‌
هه‌رچی بكه‌ی
ناتوانی له‌په‌یوه‌ستی سته‌م و
ئینسان سه‌ربڕین
بچیته‌ ده‌رێ
تۆ ئالووده‌و
به‌رده‌بازی بۆ په‌یكه‌رێ

Previous
Next

Leave a Reply