Skip to Content

Thursday, March 28th, 2024
ده‌نگ به‌ کێ ده‌ده‌ی ؟…..دڵشاد تاقانه

ده‌نگ به‌ کێ ده‌ده‌ی ؟…..دڵشاد تاقانه

Closed
by July 19, 2009 گشتی

گوزاره‌ی نه‌وه‌ی دووه‌می کورد له‌ هه‌نده‌ران …
ده‌نگ به‌ کێ ده‌ده‌ی ؟

خۆشگۆی په‌یوه‌ندیه‌کی ته‌له‌فۆنی ڕاسته‌وخۆی باوکه‌بوو هه‌واڵی کوڕه‌ کورده‌ هه‌نده‌رانی یه ‌ژیان چوارده‌ نه‌ورۆزه‌که‌ی ده‌پرسی ، حه‌زی ده‌کرد ئه‌وه‌نده‌ی بکرێ هه‌ستی غه‌ریبی کردنی جگه‌رگۆشه‌که‌ی ده‌ربڕێ له‌م که‌لێنی بیسه‌ری ته‌له‌فۆنه ‌بێ گیانه‌وه‌ گه‌رمترین سۆزی خۆشه‌ویستی باوکانه‌ی پێ ببه‌خشێ . دیاره لاوکه‌ بۆ سه‌ردانی خزمان له‌گه‌ڵ ته‌نیا خوشکی گه‌ڕا‌بۆوه‌ کوردستان … ها کوڕی بابه‌‌ چۆنی ؟ ده‌نگوباست ؟ کوردستان خۆشه‌ ؟ بێزار نه‌بووی ؟ بیرم ناکه‌ی ؟ کوڕه‌ش به‌ زمانێكی کوردی ڕه‌وانتر له‌جاران وه‌ڵامی باوکه‌ی ده‌دایه‌وه‌ ، به‌هاوار هاواری هه‌ردوولایان ده‌وروبه‌ریان هه‌راسان کردبوو . باوکه‌ به‌ده‌م گوێ گرتنی قسه‌کان و به‌کارهێنانی وشه‌ سیاسیه‌کان له‌لایه‌ن کوڕه‌که‌یه‌وه‌ وه‌ک کۆبونه‌وه‌ ، چووینه‌ ئاهه‌نگی پشتیوانی ، لیستی فڵان و وتاری فڵان …. بروسکه‌ی کورته‌ خه‌یاڵێک له‌ چاو تروکانێکدا بردیه‌وه‌ ئه‌و ڕۆژه‌ی له‌ هه‌نده‌ران کوڕه‌که‌ی له‌سه‌ریه‌ک پرسیاری لێ ده‌کرد : بابه‌ مام جه‌لال چی یه‌ ؟ بابیش گۆتی : سه‌رۆکی کۆماری عێراقه‌ و سکرتێری یه‌کێتی یه‌ . کوڕه‌ ووتی : یه‌کێتی چی یه‌ ؟ باوکه‌ گوتی : پارتایه‌کی سیاسی کوردستانه‌ . ئه‌دی کاک مه‌سعود چی یه‌ ؟ ئه‌ویش سه‌رۆکی هه‌رێمی کوردستانه‌ و سه‌رۆکی پارتی یه‌ . ئه‌ی پارتی چی یه‌ ؟ پارتیش حیزبێکی تری کوردستانه‌ و ئه‌وانه‌ هه‌مووی پێشمه‌رگه‌بوون هه‌روه‌ها منیش پێشمه‌رگه‌ بووم . ئا ئه‌دی پێشمه‌رگه‌ چی یه‌ ؟ پێشمه‌رگه‌ وه‌ک سه‌ربازی ئازایه‌‌ و پارێزه‌ری کوردستانه ‌. ئینجا تۆ ئازا بووی ؟ باوکه‌ پێکه‌نی و  سه‌ری بادا ئێستا بڵێم چی خۆ ناکرێ خۆم هه‌ڵکێشم ! شه‌هید چی یه‌ ؟ شه‌هید ئه‌و که‌سه‌یه‌ له‌ پێناو گه‌ل و نیشتمانه‌که‌ی گیانی ده‌به‌خشێ . چه‌ندین وشه‌ ناوی تریش وه‌ک شۆڕش چی یه‌ ؟ جاش چی یه‌ ؟ په‌رله‌مان چی یه‌ ؟ حکومه‌تی هه‌رێم ، هه‌ڵبژاردن …. پرسیارڕێزی ده‌مه‌ته‌قێیه‌که‌یان بوو دیاربوو کۆتایی پێ نه‌ده‌هینا و چیڕه‌ی ده‌دایه‌ ، باوکه‌ش بێزار بوو پێ ی گۆت : خۆ حه‌کایه‌تی مێشێ نی یه‌ ؟ به‌سه‌ کوڕی خۆم . کوڕه‌ ناحه‌قی نه‌بوو له‌ ته‌مه‌نی دوو سێ ساڵی گه‌یشتبووه‌ هه‌نده‌ران زانیاری ته‌واوی له‌سه‌ر ئه‌و وشه‌ و زاراوانه‌ نه‌بوو ئه‌وه‌ی گوێ بیستی ببوو له‌ که‌ناڵه‌ ته‌له‌فزیۆنیه‌ کوردیه‌کان یا له‌ قسه‌ و باسی میوان و ماڵه‌وه‌یان ده‌یویست له‌ باوکی بپرسێ ، بابه‌ بۆی که‌شکۆڵی فه‌رهه‌نگ و زانیاریه‌کان بوو . ده‌نگ و دوانی ناو ته‌له‌فۆنه‌که‌ به‌رده‌وام بوو کوڕه‌ وه‌ک پرسه‌‌ گه‌رمه‌که‌ی ناو که‌شی ئێستای هه‌ڵبژاردنی کوردستان ووتی : ڕاوه‌سته‌ ڕاوه‌سته و ‌پرسی : بابه‌ ده‌نگ به‌ کێ ده‌ده‌ی ؟ کوڕم لیستی گۆڕان و کاک نه‌وشیروان . کوڕه‌ گۆتی : حه‌یف ! بابی ده‌ستی به‌ پێکه‌نین کرد و پرسیه‌وه‌ لۆ حه‌یف ؟ ئه‌ی تۆ ده‌نگ به‌ کێ ده‌ده‌ی ؟ کوڕه‌ : بابه‌ لیستی کوردستانی ؟ باوکه‌ پرسیاری خێرا و کورتی کرد بۆ ؟ له‌به‌ر خاتری کاک کۆسره‌ت و خاڵم ، بابه‌ چاومانی .

    دڵشاد تاقانه
                                        ‌
  Dlshadtakana@yahoo.com                                 

Previous
Next
This site is registered on wpml.org as a development site.