با یاده‌وه‌رییه‌كانی جینۆسایدی گه‌له‌كه‌مان دوور بگرین له ململانێ سیاسییه‌كان
ئێمه رێكخراوه‌كانی فدراسیۆنی دژ به جینۆساید له كوردستان ,كه نوێنه‌رایه‌تی قوربانیانی نزیك به سه‌رجه‌م ناوچه جیاجیاكان و دۆسیه‌كانی جینۆسایدی خه‌ڵكی كوردستان ده‌كه‌ین , داواكارین له لایه‌نه په‌یوه‌ندیداره‌كان له كوردستان , پابه‌ند بن به داواكارییه‌كه‌مان له‌وه‌ی یاداوه‌ری تاوانه‌كانی جینۆساید له ده‌ڤه‌ره‌كانی تاوانه‌كان , ته‌نها رێكخراوه‌كانی كه‌سوكاری قوربانیان به هاوكاری وزاره‌تی شه‌هیدان و كاروباری ئه‌نفالكراوان پێی هه‌ڵبستین .
بۆ ئه‌وه‌ی یاداوه‌رییه‌كانی ئێمه تێكه‌ڵ به ململانێ و كێشمه‌كێشی لایه‌نه سیاسییه‌كان نه‌كرێت , له نیوان ئیستغلالكردن و بایكۆتكردندا ,كه ده‌بێته هۆی ئه‌وه‌ی یاداوه‌رییه‌كانمان هه‌یبه‌تی خۆی له ده‌ست ده‌دات .
تاوانه‌كانی جینۆساید ئه‌وه‌نده مه‌زنن , هه‌موو لایه‌نه‌كان به هه‌موو ره‌نگه‌كانه‌وه ده‌توانین به ته‌نها و به كۆمه‌ڵ كاری له‌سه‌ر بكه‌ین .
فدراسیۆنی رێكخراوه‌كانی دژه جینۆساید له كوردستان
كوردستان- هةوليَر
1-4-2012
رێكخراوه‌كانی ئه‌ندامی فیدراسیۆن:
1. كۆمه‌ڵه‌ی داكۆكی له قوربانیان و كه‌سوكاری ئه‌نفالكراوانی گه‌رمیان
2. كۆمه‌ڵه‌ی قوربانیانی كیمیابارانی هه‌ڵه‌بجه
3. رێكخراوی فه‌ژین بۆ قوربانیانی جینۆسایدی بارزانیان
4. ناوه‌ندی رێگا بۆ پرسی ئه‌نفال و كیمیاباران – دوكان
5. كۆمه‌ڵه‌ی زیندانیانی ئه‌نفالكراوانی كوردستان
6. رێكخراوی هه‌ڵوێست بۆ داكۆكی له قوربانیانی ئه‌نفال
7. رێكخراوی شه‌هید ئارام
8. رێكخراوی ژیانی نوێ بۆ ژنانی ئه‌نفال
9. سه‌نته‌ری ئه‌نفال یا بارزانیان
10. رێكخراوی كیمیاباران و ئه‌نفالكراوانی بالیسان و ده‌وروبه‌ری
11. رێكخراوی كار بۆ ئه‌نفال
12. ناوه‌ندی داكۆكیكردن له زیان لێكه‌وتوان و ئاوه‌دانی پشده‌ر
13. ده‌زگای مۆنمێنتی هه‌ڵه‌بجه له هۆڵه‌نده
14. رێكخراوی كارا بۆ داكۆكیكردن له كه‌س و كاری قوربانیانی ئه‌نفال
15. چاودێری كوردۆساید-چاك
16. رێكخراوی ئه‌نفاله‌كانی كوردستان
17. سه‌نته‌ری ئه‌نفال
18. سه‌نته‌ری ئه‌نفال-دهۆك
