Skip to Content

Wednesday, June 23rd, 2021

بیرەوەرییەکانی موسافیرێک

Be First!
by February 14, 2013 ئەدەب

 

 

 

هێشتا بۆنی 

سێوی لێ دێ 

شارەکەی من. 

‌هێشتا خوربەت 

ئەیهەژێنێ 

تەمەنی من. 

من و شار 

هەر لەیەک دەچین 

ئەو سێو…. 

مەراقی داوەتێ 

منیش تۆ

 

***********

 

قەول بوو 

ئەمڕۆ،

من و تۆ 

پێکەوە بین. 

من گوڵیکی سوور 

تۆش قۆخێکی گەیوو 

بدەینە یەک.

بەڵام هێشتا 

ڕۆژ هەڵنەهاتووە

 

*************

 

ئێوە هەورە ئاوسەکان 

بەچێم بێڵن 

با تەنها بم. 

چیدی نامەوێ 

بە تەنها… 

پیاسەیەک 

بەدیار بارانەوە 

تەواو بکەم

 

*******************

 

گوڵە جوانەکانی 

باخچەکەم هەڵوەرین. 

دەرگای ماڵەکەم 

تەواو داخرا. 

حەرف بە حەرفی شیعر 

عاجز بوون. 

لەبەر ئەوەی 

تۆ لێرە 

منت تەنها ،

جێهێشتوە.

 

****************

 

جاوانێکم هەبوو ،

بۆ ڕوانین. 

کە تۆ وون بووی 

نا بینا بووم

 

********************

 

تاقە ماڵێکم شک ئەبرد 

لە بێ تۆیدا 

ڕما بوو 

بە گۆڕستان

 

****************

 

تاقە دڵێکم شک دەبرد 

بەدووی تۆدا… 

مەراق کووشتی

 

******************

 

سبەی قەرار نیە ،

من تۆ ببینم. 

سبەی قیامەت دێ

من تەنهام، 

بە سوتاووی 

لە ناوو کورە ئاگرینەکان دام

 

******************

 

خودایە…. 

کەنگێ ئەم شەوە 

دەبەیتەوە بۆ خۆت 

تاقەتم چوو بەدیاریەوە. 

بێجگە لەتۆ 

کێ بەرگەی 

عومری تەنیایی دەگرێ

 

 

Previous
Next

Leave a Reply