Skip to Content

Thursday, March 28th, 2024
حەرەمەكانى دەریا

حەرەمەكانى دەریا

Closed
by July 30, 2008 ئەدەب

    
    
 1.ئاو
 ژنێكى باڵا بەرزو
 لەش لوسە
 هەرجارەو
 باوەش لە جەستەیەك دەگرىَ
 لەكەنارى دەریا جێى دەهێڵىَ…
 
 2.هەور
 دەزگیرانى (با)یە
 بۆ هەر لایەك گوزەر بكا
 پرچى دەكاتە ڕەشماڵى
 كاروانسەراى ئەوینى دەریا…
 
 3.بەفر
 دۆستى ئازیزى شەختەیە
 هاوڕێى گیانى بەگیانى بارانە
 بەیەكەوە
 سەر لە ماڵى دەریا دەدەن…
 
 4.كانى
 دەستەخوشكى ڕووبارە
 لەباوەشى دۆڵێكدا یاخییە
 بەڕەسەن كچى دەریایە…
 
 5.باران
 كوڕى زەویە
 ماڵى گەورەى
 لەباوەشى دەریادایە…
 Xamosh_s@hotmail.com
 

Previous
Next
This site is registered on wpml.org as a development site.