Skip to Content

Wednesday, December 8th, 2021

خودا بێزارە لە تەنیایی بە دوای ژنێكدا ئەگەڕێت

Be First!
by February 5, 2011 ئەدەب

 

1. خودا بێزارە لە تەنیایی بە دوای ژنێكدا ئەگەڕێت
 
ژنێك درۆی كرد
درۆی ژنێك ..
ئەكاتە توڕەبوونی خودا
لە ئینسان

2. من و خودا لە خاڵی ژندا بەیەك دەگەین

خودا شكێكە
ژن لە دڵی پیاودا
ئەیچێنێ .. و
خودا شەڕێكە
پیاو لە درۆی ژندا
ئەیفرۆشێ

3. پیاوێك لە تاوی گریاندا تاسا و ژنێكیش بە تەنیشتیەوە ژیری ئەكردەوە

ژنێك درۆی كرد
درۆی ژنێك ..
پیاوێكی فێری گریان كرد

4.  پیاوێك لە تولە ڕێی ووردە ماچەكانەوە ڕۆشت و كەوتە ناو چاڵی ژنێكەوە

درۆ و ژنێك ..
ژن و فێلێك ..
بە ھەرسێكیانەوە
پیاوێكیان گرت و
خەساندیان

5.  ژنێك پیاوێكی لە لقەكەی كردەوە و ھەڵیوەراند

ژنێك درۆی كرد
درۆی ژنێك ..
ئەسپێكی گلاند و
پیاوێكی فلیقاندەوە
ئەو پیاوەی
لە دڵیدا چڵێ گوڵی سور
پەشۆكا بوو

6.  ژنێكی بێ دڵ خۆشەویستی وون كردووە و بە دوای بەختەوەریدا ئەگەڕێت

ژنێك ..
دڵی پیاوێكی دەرھێنا و
بە درۆیەكی تیژ
لەتی كرد
لە ناویدا دڵی خۆی
دۆزیەوە

 
 7.  گەورە ئاو ئەڕژێت و بچوك پێی تێئەخات

ئیڤا درۆی كرد
درۆی ئیڤا ..
ئاسمان و زەوی لەیەك كردەوە
ئیڤا ..  
خودای لە ئادەم تووڕە كرد و
لە ئاسمانەوە خستیە خوارەوە
عەیامێكە پیاو ..
لە درۆی ژن ئەترسێت

8. نامەی گیرفانی سەربازێكی وون تێیدا نوسرا بوو .. ( كە تۆ ھەبیت مردن چ مانایەكی ھەیە )

پیاوێك لەسەر شان
شاخێكی بەردینی ھێنا و
بۆ سێبەری ژنێك
لە بەر پێیدا خستی
ئەویش بە فێڵێك
شاخەكەی بەسەردا
ڕوخاند

9.  من فێڵێكم لە خودا و درۆیەكم لەگەڵ ئینسان و شەڕێكم لە ناو سروشت كرد تا ملم خستە بەر مەقسەلەی دڵتەوە

پیاو درۆی كرد
تا ژنی دۆزیەوە
ژنیش درۆی كرد
تا پیاوی ڕووت كردەوە
ڕووت كردنەوە لە ھەموو
شتێك

Simkan97@hotmail.de

 

Previous
Next

Leave a Reply