Skip to Content

Friday, June 18th, 2021

خۆم سوێر ده‌كه‌م… توانا حه‌مه‌نوری

Be First!
by May 9, 2012 ئەدەب

 

 

زۆرجار پشت له‌خۆر ده‌كه‌م
نه‌بو گوڵێك روو له‌ من بكا
له‌نێو ئه‌و هه‌موو ئێوه‌وه‌
پێكه‌نینكه‌م دره‌ختێكی دڕكداره‌
له‌نێو ئه‌و هه‌موو ئێوه‌وه‌
گریانه‌كه‌م شیله‌یه‌
جوانیه‌كه‌شم ته‌نهایه‌
ناشرینیه‌كه‌شم له‌گه‌ڵتاندایه‌
به‌چرایه‌ك ده‌چم له‌نێوانتانا
روناكم و كه‌س ته‌ماشام ناكا
من نه‌بومه‌ كوڕی ئاسمان…
نه‌بومه‌ به‌ ئه‌ستیره‌یه‌ك
شه‌وان به‌دزی خه‌ڵكه‌وه‌
ته‌ماشای ماڵه‌كه‌ت بكه‌م
ئێستاش وه‌كو مناڵیم
كه‌ دایكم ده‌بینم ده‌ست به‌ گریان ده‌كه‌م
چمكێكی كراسه‌كه‌ی ده‌گرم و
ده‌ست بۆ مانگ درێژ ده‌كه‌م
داوای لێده‌كه‌م بۆم داگرێت
هه‌میشه‌ سه‌یری ئاسمان ده‌كه‌م
بۆیه‌ نه‌مبینی گوڵێك له‌زه‌وی…
من…
نه‌بومه‌ شاسوارێك…
نه‌بومه‌ كوڕی پادشایه‌ك…
ئه‌سپێكی سپیم نه‌بوو…
له‌ ئاهه‌نگێكدا چاوه‌ڕێی شه‌رابی خه‌ڵك بكه‌م…
مه‌ستیان كات و ده‌ستت بگرم و رابكه‌ین و
له‌نێو دارستانێكدا…
 گوڵێكت پێشكه‌ش بكه‌م
نه‌متوانی پیاوێك بكوژم…
نه‌متوانی فشه‌یه‌كیش بكه‌م…
نه‌مزانی دوو پیت به‌ دێڕیكه‌وه‌ گرێی بده‌م و بیهۆنمه‌وه‌…
نه‌مزانی سورمه‌یه‌ك له‌ وشه‌كانم بده‌م و بیبریقێنمه‌وه‌…
زۆرم هه‌وڵ دا شیرین بم… بێتام بووم…
ناچارم خوێ به‌سه‌رما بكه‌م…
تاكو تامێك بده‌م
ئه‌گه‌ر سوێریش بێت…

Previous
Next

Leave a Reply