Skip to Content

Friday, March 29th, 2024
دنیایه‌کی سه‌یره‌ گووڵم!…. یوسف کانی مارانی

دنیایه‌کی سه‌یره‌ گووڵم!…. یوسف کانی مارانی

Closed
by January 26, 2009 گشتی

 دنیایه‌کی سه‌یره‌ گووڵم!…. یوسف کانی مارانی
 یوسف کانی مارانی/ فه‌ڕه‌نسا                   
 25.01.2009

 دوابه‌دوای ئه‌م هه‌موو هات وهاوارو دێته‌وه‌ونایه‌ته‌وه‌ی براده‌رانی خۆمان بۆ مام جه‌لالی ئه‌ندازیاری چاکسازی له‌ کۆتاییدا هاته‌وه‌و پڕۆژه‌ی (بیرۆکه‌ی) جیاکردنه‌وه‌ی حزب وحوکمه‌تی کرد به‌ده‌سته‌ گوڵی چاکسازی وپاکسازی ئه‌و چاکسازیه‌ی که‌ سه‌ده‌ها که‌سی ناو یه‌کێتیه‌که‌ی خۆمان پێشنیارو پڕۆژه‌ی بۆ خسته‌ ڕووبه‌ڵام به‌قودره‌تی قادیر هه‌ر ئه‌وه‌ی به‌ڕێزیان دیاره‌و خرایه‌ بواری عه‌مه‌لیه‌وه‌ ، زۆر له‌ سیاسیان و ڕۆشنبیرانی کورد ڕه‌خنه‌وگلله‌ییان له‌ کرچ وکاڵی پڕۆژه‌که‌ هه‌بووزۆرانێکیش پێی دڵخۆش بوون وده‌هۆڵی بۆ ئه‌کووتن،براده‌رێکی سه‌رکردایه‌تی به‌زۆری زۆرداری ئه‌یسه‌پێنێ به‌سه‌رمانداو ئه‌ڵیت:( که‌س نیه‌ به‌ پڕۆژه‌که‌ی مام جه‌لال قایل نه‌بێت) ، من به‌ش به‌حاڵی خۆم وه‌ک هه‌ر له‌سه‌ره‌تاوه‌ ووتم ئه‌مه‌ هه‌نگاوێکی باشه‌ بۆ چاکسازی ئه‌گه‌ر کاری پێبکرێت، که‌مێک هه‌ڵوێسته‌م هه‌بوو له‌سه‌ر لیژنه‌کان،شتێکیشم هێشتبۆوه‌ بۆ هه‌نگاوه‌کانی داهاتوو..                        
 جیاکردنه‌وه‌ی حزب له‌ حوکمه‌ت کارێکی باشه‌و چاره‌سه‌ری هه‌ندێک له‌ کێشه‌کان ئه‌کات، به‌ڵام خۆ گه‌نده‌ڵ بوونی سه‌رکرده‌کانی ناو حیزب په‌یوه‌ندی به‌حوکمه‌ته‌وه‌نیه‌، کادیرێک یان لێپرسراوکۆمیته‌یه‌ک یان به‌رپرسی یه‌کێک له‌ مه‌کته‌بی په‌یوه‌ندیه‌کان له‌ده‌ره‌وه‌ی وڵات که‌ گه‌نده‌ڵه‌و ده‌ست ئه‌خاته‌ ناوکاروبارێک که‌هیچ په‌یوه‌ندیه‌کی به‌وه‌وه‌ نه‌بێت وگه‌نده‌ڵی که‌سایه‌تیه‌کی داڕزاوی لێ دروست کردووه‌ چ په‌یوه‌ندیه‌کی به‌ حوکمه‌ته‌وه‌ هه‌یه‌؟                     
 ئاسانه‌ بۆ هه‌رکه‌سێک ئه‌گه‌ر جورئه‌ت بکات پرۆژه‌ی گۆڕانکاری وچاکسازی هه‌بێت  ئه‌و ئه‌قڵانه‌ی کارده‌که‌ن و ئه‌توانن به‌رنامه‌ ڕێژی باشیان هه‌بێت بۆ هه‌ر پڕۆسه‌یه‌ک که‌دێته‌ پێش له‌ کوردستان ته‌نها ئه‌و ئه‌قڵانه‌نین که‌ کورکوک وبه‌شه‌داگیرکراوه‌که‌ی کوردستانیان دۆڕاند له‌ مخموره‌وه‌ تا خانه‌قین ومه‌نده‌لی،ته‌نها ئه‌و ئه‌قڵانه‌ نین که‌ خێرو بێری کوردستان وهه‌رچی دیاری پۆڵ بریمه‌ریش بوو کردیان به‌ کۆشک وباڵه‌ خانه‌ بۆ خۆیان وحه‌وت پشتیان، ئه‌قڵی کورد ته‌نها ئه‌و ئه‌قڵه‌ له‌رزۆکانه‌ نین که‌ رێکه‌وتن و پیلانی سێ قۆڵی له‌دژی شۆڕشگێڕانی به‌شه‌کانی تری کوردستان ئیمزا ئه‌که‌ن، خۆ ته‌نها ئه‌و ئه‌قڵه‌ نه‌خۆشانه‌نین که‌ پێیان وایه‌ سه‌رده‌می گیڤارا به‌سه‌رچووه‌وئه‌بێ شۆڕشی کورد له‌ به‌شه‌کانی تری کوردستان هه‌ره‌س پێبێنین،ئه‌و ئه‌قڵانه‌ی که‌ له‌ده‌وره‌وه‌وناوه‌وه‌ی وڵات به‌رنامه‌ڕێژی بۆ گۆڕانکاری وچاکسازی ئه‌که‌ن ئه‌وه‌ که‌سانێکن باش ئه‌زانن که‌ کی ئه‌توانێت چاکسازی بکات یانی لانی که‌م کێ ئه‌یه‌وێت چاکسازی بکات، پێشکه‌ش کردنی پڕۆژه‌ی چاکسازی وخستنه‌ بواری پڕاکتیکیه‌وه‌ به‌ر له‌ هه‌رشتێک ئه‌بێ متمانه‌وه‌ نیه‌ت پاکی له‌ پشته‌وه‌ بێت نه‌ک ئه‌و پڕۆسه‌یه‌ بکرێت به‌چه‌کێک وله‌ دژی ئه‌و ده‌نگه‌ دلێره‌ ڕیفۆرمخوازانه‌ به‌کار بهێنرێت، له‌لایه‌ک باس له‌ چاکسازی ئه‌که‌ن و پڕۆژه‌یان بۆی هه‌یه‌ له‌لایه‌ک هه‌ڕه‌شه‌ له‌ ئۆپۆزسیۆن بوون ئه‌که‌ن، ناوێرن هه‌ڵبژاردنی پارێزگاکان له‌کوردستان بکرێت له‌ترسی به‌شداری کردنی لیستی تازه‌و سه‌ربه‌خۆ، ئه‌ڵێن نابێت هیچ که‌سێک ده‌ستبخاته‌ ناو کاروباری حوکمه‌ته‌وه‌ به‌ڵام کارگێڕی مه‌کته‌بی سیاسی دوێنێ له‌زانکۆی سلێمانی ڕێگه‌له‌ کاری سۆڵیدارێتی خوێندکاران ئه‌گرێت وکۆمه‌ڵه‌ی خوێندکارانیش حساب بۆ سه‌رۆکی زانکۆش ناکات و ئه‌مڕۆ به‌ خه‌ڵکی جه‌باره‌وه‌ قه‌ره‌ته‌په‌ ئه‌ڵیت ملیۆنێک دۆلارمان بۆ داناون بۆ پڕۆژه‌ی خزمه‌ت گوزاری ، ئاخر گوڵم ئه‌ومژدانه‌یه‌ ئیشی سه‌رۆکی حوکمه‌ت یان جێگره‌که‌ی یان پارێزگارو قایمقایمه‌ یان هی مه‌لا چاوڕه‌شه‌که‌ی له‌مه‌ڕخۆمان؟دوێنێ شه‌ڕیان بوو له‌سه‌ر کوردستانی بوونی قه ره‌ته‌په‌وجه‌باره‌ ئه‌مڕۆش ئه‌ڵێن زۆربه‌ی دانیشتوانی ئه‌و ناوچه‌یه‌ عه‌ره‌بن!!دنیایه‌کی سه‌یره‌ گووڵم!!   http://www.pukmedia.com/kurdish/Hwal/25-01-2009/news07.html
 

Previous
Next
This site is registered on wpml.org as a development site.