Skip to Content

Friday, October 22nd, 2021

زۆر ده‌ترسم …. هیوا سه‌عید

Comments
by December 23, 2010 هۆنراوە

 

ده‌ڵێی: زه‌رده‌ی
خۆره‌تاوم زۆر خۆشده‌وه‌ێ
به‌ڵام وه‌ختێ
خۆر زه‌رده‌ی دا
بۆ سێبه‌رێ
چاو ده‌گێڕی له‌ دره‌ختێ.

ده‌ڵێی: بارانم خۆشده‌وێ
به‌س هه‌ر کاتێ باران داکا
زوو چه‌تره‌که‌ت هه‌ڵده‌که‌یت و
لێناگه‌ڕێی هیچ جێت ته‌ڕکا.

ده‌ڵێی: به‌فرم زۆر خۆشده‌وێ
که‌ به‌فریش بوو.. ئۆقره‌ ناگری
خۆت ده‌ده‌یته‌ به‌ر ئاگر و‌
ڕوو له‌ پشکۆ، پشت له‌ به‌فری.

بۆیه بڵێی: تۆم خۆشده‌وێ
زۆر ده‌ترسم .. وا به‌ وێڵی
وه‌ک خۆره‌تاو،
وه‌کو باران، وه‌کو به‌فر
هه‌ر قسه‌ بێ و
ڕۆژێک دابێ به‌جێم بێڵی.

                   هیوا سه‌عید- هه‌ولێر

Previous
Next

Leave a Reply