Skip to Content

Tuesday, October 26th, 2021

زیندانیکردنی شیعرو جاسوسیکردن بۆ دوژمن

Be First!
by January 16, 2011 گشتی

هیچ لەوە کارەساتتر نیە وڵاتێك کە خەون بە ئازادییەوە ببینێت و لەو پێناوەدا هەزارەها گەنج خۆیان کردە قوربانی و ئەو هەناسەی ئازادییەی ئێستا لە کوردستان هەیە بەرهەمی خوێنی ئەوانە، کەچی کۆمەڵە خەڵکێك بەناوی ئاینەوە دەست بنێنە بینا قاقای ئازادییەکەیەوەو بیخنکێنن.
ئەو نیمچە ئازادییەی کوردستان فەتوای مەلاکان دروستی نەکردوە، یەکێتی زانایانی ئاینی دروستی نەکردوە، ئیسلامییە توندڕەوەکان دروستیان نەکردوە، ئەوە خوێنی لاوە ئازادیخوازەکانی کورد دروستی کردوە، کە ئەمڕۆ کەسانێك لە کونی دیوارەوە دێنە دەرێ و بەناوی ئاینەوە رێگە لە هەموو ئازادییەکانمان دەگرن، ئەو پێشمەرگانەی خۆیان بە کوشتدا لەپێناو کوردستان، ئەگەر بیانزانیبا مەلا دەبێتە دەمراستی کوردو حوکمی حاکمیش دەدەن، هەرگیز فیشەکێکیان نە دەتەقاند بۆ ئەو شۆڕشە، چونکە لای هەموو خەڵکی کوردستان ئاشکرایە رۆڵە قارەمانەکان و دیارەکانی نێو خەباتی شاخ ئیسلامی نەبوون و بگرە هەندێکیان مارکسی بوون، ئێستا لە سایەی خوێنی ئەواندا مەلای ناحاڵی و حکومەتی عەشایەریی دێت و وشەو شیعر زیندانی دەکات.
شیعری قوبادی جەلیزادە لە هەموو کورسییەکانی حکومەت گەورەترە، لە مینبەری هەموو مزگەوتەکان پیرۆزترە، لە قیڕە قیڕەی هەموو مەلاو کۆلکە مەلاکان بەڕێزترە، ئێوە ناتوانن بەو پێنوسە چرۆکەی ئیمزای حوکمێك دەکەن لەسەر کتێبی شیعرەکانی قوباد گەورەتر بن، ئێوەیەك کە دەبێت هەموو بۆ تێگەیشتن لە ژیان لە ئەلف و بێوە دەست پێبکەن، دەتوانن بەو حوکمە نا عادیلەتان چ شەکرێکی بێ تام بشکێنن، قوباد موڵکی میللەتێکە باوەڕی بە ئازادییە، قوباد وشەی بۆ دوژمنەکانی کورد نانوسێت، قوباد بە کوردی دەنوسێت، بە کوردی بیر دەکاتەوە، بە کوردی شیعرەکانی دەگرینە سینەوە، ئێوەیش ئەی یەکێتی بەناو زانایان ی ئاینی بڕۆن خۆتان و فەتواتان هەر خزمەت بە عەقڵی عەرەب بکەن، ئاینی ئیسلام موڵکی عەرەبەو هەرکەس خۆی بەوە فریو بدات کە بۆ هەموو ئینسانییەتە ئەوە لەوپەڕی نەزانیدا دەژێت.
ئەو مەلاو خوتبەچیانە ئەگەر هێندەی تۆسقاڵێك شەهامەتیان هەیە دەبوو کاتێك لاوەکانی کورد سەردەبڕن بە ناوی دینەوە فەتوایەکیان بدابا، نەوەك بۆ گیان وشەی جوانی کوردی شێر بن و بۆ وەڵامی ئیسلامییە خوێنڕێژەکانیش سەر نەوی بکەن و ورتەیەکیان لێوە نەیات، هەر دوێنی بوو .. سێ لاوی کوردی خەڵکی ناوچەی بادینان بە دەستی ئیسلامە خوێنخۆرەکان وەکو کار سەربڕان و وەکو عیبرەتێك بۆ هەموو کورد فلمەکەیان بڵاو کردەوە، یەك مەلا نقەی لێوە نەهات، یەك زانای ئاینی نەیتوانی بڵێت کورد مەکوژن، چۆن دەڵێن؟!! نەخێر دەستخۆشیش دەکەن، چونکە هەرچی بەناوی مەلاو زانای ئاینەوە فەتوای دژ بە ئازادی دەدات، ئەوە هەموو بەکرێگیراوی وڵاتانی کەنداون، هەر بۆیە بۆ رێگەگردن لە داهێنان و بەردەوامی ئازادی گاڵە گاڵیانە دژ ە شیعرو وشەی بەرزی شاعیرە بەڕێزەکانی کورد، ئەو قەڵەمە جوانانە دەشکێنن کە هێندەی مێزەری هەموو مەلاکان پیرۆزن و هێندەی عەقڵی هەموو مەلا ناحاڵییەکان فکر لەپشتی نوسینیانەوە.
شیعری قوباد زیندانی مەکەن، عەقڵی کۆنەپەرستی و بەکرێگیراوی وەدەرنێن لەناومان، مەلاکان بنێرنەوە ماڵەوە تا تەمەنیان هەیە نوێژ بۆ(اللە) بکەن، چونکە هەرگیز خواو(اللە) یەك نین، عەرەب باوەڕی بەوە نیە کە غەیری وشەی(اللە) بەکار بێت بۆ ناوی خوا، ئێمەیش میللەتی کورد دەڵێین خوا، واتا لێمان وەرنەگیراوەو هەرگیز لێمان قبوڵ ناکرێت، کە وایش بوو ئەو مەلاو زانا نەزانانەی ئاینی ئیسلامی لە کوردستان، جگە لە خزمەت بە زمانی بێگانە هیچی دیکە ناکەن، دەبێت کورد هەست بەو راستییە بکات کە بەناوی ئاینەوە دەیانەوێت کوردستان بگەڕێننەوە باوەشی عێراقی عەرەبی و جارێکی دیکە ژێردەستەمان بکەنەوە، ئەگەر شۆڕش و راپەڕینێك دژ بە مەلاو بەناو زانا ئاینییەکانی ئیسلام لە کوردستان نەکرێت. ئەوە زۆر بە ئاسانی کورد دەفرۆشن، ئەوەتا حەرامکردنی وشەی کوردی پێم ناڵێن خزمەت بە کێ دەکات؟ مەلاو شیعر کوجا مەرحەبا؟!! ئێوە بڕۆن جارێ لەو قورئانە عەرەبییە تێبگەن دواتر وەرنەوە باسی ئەحکامەکانی بکەن، هەڵە حاڵیبوونە، خاکی کوردان کوردستانە، ئەو فەتوایە بۆ عەرەبستانی سعودییە هاتوە، کورد پێوستی بە ئێوە نیە، کورد ئازادی خۆی بە شانی کوردپەروەرەکانی بەدەستهێناوە، بە فەتوای نا مەنتیقی ئێوە نەبووە، ئەو دەمەی پێشمەرگە خەباتی دەکرد مەلاکان فەتوایان دژ بە کورد دەداو پێشمەرگەیان بە کافرو دژ بە دین و خوا و دەوڵەت لەقەلەم دەدا، ئێستایش هاتوون لەسەر خوانی خوێنی ئەو شەهیدە سیکۆلاریزمانە فەتواکانیان دووبارە دەکەنەوە، ئەمجارە لەڕێی رێگەگرتن لە ئەدەبیاتی کوردی، ئەو دەمەی قوبادی جەلیزادە کتێبە شیعرییەکانی دەخستە بازاڕەوەو منداڵی کوردی هان دەدا بەردەوام بێت لەسەر کوردی نوسین و خوێندنەوە ئیوە لە کوێ بوون ئەی یەکێتی بەناو زانایان؟ بەڵێ دەزانم ئێوە لەحوجرەی مەلا خزمەتکارەکانی عەرەب ئەو وانانەتان دەخوێند کە ئەمڕۆ جێبەجێی دەکەن.
خواپەرستی ئەوە نیە کە ئێوە دەیکەن، تەقوا ئەوە نیە، هەر کەس باوەڕی هەیە بە ئاین با نوێژی خۆی بکات، هەر کەس عەقڵی بەڕووی دونیا کردوەتەوە لێیگەڕێن دەست ببات لە قوڵایی گەردونەوە وشە جوانەکان راو بکات و شیعری چاو گەش بۆ ئەدەبدۆستان بنوسێتەوە.
ئەگەر ئێوە دەست لەم فەتواو تەکفیرکردنە هەڵنەگرن، دڵنیابن ئەو نەوە نارازییەی بەعسی روخاند ئەمڕۆ نەوەکانی ئەوان و هەڤاڵانیان ئێوەو ئەوانەیش دەهێنێتە لەرزە کە دەستیان گرتوە بە پشتانەوەو قسەی بێ مانا دەکەن، ئێوە جارێ ماوتانە فێری کوردی بن چوزانن نووسەری کورد چی دەنوسێت و باسی چی دەکات، هیچ مەلایەك هەقی ئەوەی نیە بێت و لەسەر نووسینی کوردی قسە بکات وەختێك خۆی خەریکی خزمەتە بە نەحو سەرفی زمانی عەرەبی و ئاینی عەرەبەکان.
هەموو داوای ئازادی بکەن بۆ کتێبەکەی قوبادی جەلیزادە و ماڵی ئەو مەلاو زانا ئاینیانە بەردباران بکەن، شار بە دەریان بکەن، بیانێرنەوە دیوەخانی ئاغاکانیان، ئەوانە جگە لە بەکرێگیراوی دوژمنانی کورد هیچی دیکە نین، گەنجی کورد کەی ئەوەندە دەستەوەستان بووە دوژمنی بەرۆژی نیوەڕۆ بیەوێت جاشەکانی بەربداتە ناو کۆمەڵگەو خەریکی جاسوسیکردن بن بەناوی ئاینەوە.
هەر کەس ببێتە رێگر لە نووسینی کوردی و کتێبی کوردی و شیعری کورد، بێ شك بن ئەوە عەرەبپەرستە، جاسوسی عەرەبن و رۆژگار دەیسەلمێنێت.
مەهێڵن ئەو جۆرە کەسانە لەژێر جبەی مەلایەتییەوەو بەناوی ئاینەوە خزمەت بە دوژمنانی کورد دەکەن لەوە زیاتر پێبدرێژ بکەن، پێویستە سنورێك بۆ زیادەرۆییەکانی ئەو مەلایان دابنێین کە دەیانەوێت بمانکەن بە عەرەب و تەنها بە بەیت و بالۆرەی عەرەبییەوە دێنە ناومان. وریا بن ئەی کوردینە ئەوانە جاسوسن لەژێر جبەی دینەوە خەڵك فریو دەدەن بەناوی خواوە.
 

 

Previous
Next

Leave a Reply