Skip to Content

Wednesday, October 27th, 2021

سه‌ركرده‌ی ماویه‌كانی عێراق:سه‌لیم پۆڵس‌

Comment
by September 10, 2010 گشتی

سه‌ركرده‌ی ماویه‌كانی عێراق:
ئێمه‌و خه‌ڵک هه‌موو شاخ و شاره‌کانی عێراق له‌ده‌سه‌ڵاته‌کانی عیراق و  باكوری عێراق ده‌که‌ینه‌ بورکان و ده‌یانته‌قینینه‌وه به‌ڕویاندا
ژن و پیاوه‌ ماویه‌کان پێکه‌وه‌ شه‌ری ئه‌لقاعیده‌و شیعه‌کانی سه‌رحوکمی عێراق و پارتی “بارزانی”ان  کردووه‌ شه‌هیدیشمان هه‌یه
حزبی شیوعی عێراق و کوردستان بڕواو فکره‌ی شیوعیه‌تیان ئیختیساب و ته‌زویر کردووه‌ ئێمه‌ وه‌ك فه‌وزالیزمه‌کان لێیانده‌ڕوانین حسابی كه‌روێشكێكیان بۆ ناكه‌ین
ئه‌وانه‌ كه‌خۆیان ناو ناوه‌ شیوعی له‌ عێراق و كوردستان ناتوانن هیچ داکۆکییه‌ک له‌خۆیان بکه‌ن کاتی خۆشی مه‌لا مسته‌فا داکۆکی لێده‌کردن له‌ عێراقدا
مه‌سولینی کورد به‌هۆی هه‌ستکردن به‌بۆنی هه‌بونی ماویه‌کان و بێزاری خه‌ڵک حاڵیان حاڵی مشکه‌ و ناتوانن خۆیان رابگرن
به‌نسبه‌ت ئێمه‌ له‌ جنوب تا شیمال هه‌موو خه‌ڵک موشته‌ره‌کن له‌ عێراق بێ مه‌شاکیلی جوگرافی

  ڕزگار ره‌زا چوچانی/ ستۆكهۆڵم
www.nwche.net

گروپێک به‌ناوی ماویه‌کانی عێراقه‌وه‌ کار ده‌که‌ن و جارو بار به‌یاننامه‌ی خۆیان راده‌گه‌یه‌نن. ئه‌وان له‌ژێر ناوی” كۆمه‌ڵه‌ی ماوییه‌كانی عێراق” کار ده‌که‌ن، له‌ڕێی هاورێیه‌کم “نیاز باران” له‌ستۆکهۆڵم ئه‌دره‌سی قائیدی ماویه‌کانی عێراقم ده‌ستکه‌وت، که‌ناوی سه‌لیم پۆڵسه‌ و دواتریش توانیمان هه‌رچۆن بێت ده‌رفه‌تی ئه‌م دیمانه‌ی له‌گه‌ڵ بخولقێنین. سه‌لیم پۆڵس خه‌ڵکی هه‌ولێره‌ و رابه‌رایه‌تی ماویه‌کانی عێراق ده‌کات, له‌هه‌مان کات پێێ خۆش نییه‌ به‌ قائید ناوی بهێنرێت، چونکه‌”من خزمه‌تکاری کرێکار و هه‌ژارم” ئه‌و ئاشکرای ده‌کات ماویه‌کانی عێراق شه‌ڕیان له‌دژی ده‌سه‌ڵاتی ئێستای عێراق کردووه‌ و شۆڕشی چه‌کداریان راگه‌یاندووه،‌ ئه‌وه‌ش ده‌ڵێت که‌ جیاوازی له‌نێوان هیچ به‌شێکی عێراق ناکه‌ن هه‌موو لایه‌ک به‌عێراق ده‌زانن به‌ کوردستانیشه‌وه.‌ له‌م دیمانه‌دا پۆڵس زیاتر له‌ کۆمه‌ڵه‌ی ماوی و په‌یوه‌ندی و کارو تێڕوانینه‌کانیان ده‌دوێت.
رزگار رەزا چوچانی/ وه‌ک راتانگه‌یاندووه‌ ماویه‌کانی عێراق ته‌جه‌مموعێکتان دروستکردووه ده‌کرێت له‌مه‌به‌ستی له‌ دروستکردنی ئه‌و ته‌جه‌موعه‌ بدوێن؟‌
سەلیم پۆڵس/ ئه‌و ته‌جه‌موعه‌مان دامه‌زراند وه‌ک رێکخراو، چونکه‌ ئه‌مه‌لێک نه‌بوو له‌کۆنه‌کان ئه‌وانه‌ی به‌ناوی ڕزگاری خه‌ڵکی عێراق کار ده‌که‌ن شتێکی تازه‌ دروست ببێت، له‌گه‌ڵ ئه‌وه‌ش ئێستا له‌ته‌واوی دنیا حه‌ره‌که‌ی تازه‌ دروستکراوه‌ دژی ته‌نزیماتی کۆنه‌پرستی ته‌حریفی و سه‌رمایه‌داری له‌سه‌رانسه‌ری دنیا شۆڕشێک دژی ئه‌وانه‌ راگه‌یه‌نراوه‌ ئێمه‌ش ده‌ستمان به‌و شۆڕشه‌کردووه‌ و به‌یاننامه‌یه‌کی خۆراگه‌یاندنمان بڵاوکردوه‌و له‌لایه‌ن چینی چه‌وساوه‌ پێشوازی لێکرا، به‌ڵام ئه‌و ستراتیژیه‌ته‌ی راگه‌یه‌نراوه‌ ستراتیژی یه‌ک ده‌وڵه‌ت نییه‌ ستراتیژی سه‌رانسه‌ری حه‌ره‌که‌کانی پرۆلیتاری ماوی دنیایه‌ و ئێمه‌ش یه‌ک له‌و حه‌ره‌که‌ پرۆلیتاریانه‌ین.
رزگار رەزا چوچانی/ له‌راگه‌یاندنی خۆتان باسی شۆڕشی چه‌کداری ده‌که‌ن بۆ؟
سەلیم پۆڵس/به‌ڵێ به‌ڵام ده‌مانه‌وێت شۆڕشێکی سه‌قافی درست بکه‌ین به‌هۆی ئه‌وه‌ی زۆر مه‌سائیلی کۆن و ته‌قلیدی و خراپ له‌ کۆمه‌ڵگه‌ی ئێمه‌ بونی هه‌یه‌ ناروخێت و ناگۆڕێت ئه‌گه‌ر به‌ شۆڕشێکی رۆشنبیری و ئیعلامی نه‌بێت له‌ په‌نای ئه‌و شۆڕشه‌ چه‌کداریه‌‌ی ڕامان گه‌یاندووه‌, ده‌شتوانین ئه‌و کۆنه‌ په‌رست و ته‌حریفیانه‌ی به‌هاوکاری ئه‌مریکا ده‌ستیان به‌سه‌ر عێراق گرتووه‌ بڕوخێنین، چونکه‌ ئه‌وانه‌ مه‌جموعه‌یه‌کی بازرگانن وه‌ک توجاری جه‌نگ و نه‌وت، وازحه‌ ئه‌وانه‌ کێن. ئه‌وانه‌ هیچیان نییه‌ خۆیانی پێ بنیات بنێن ته‌نها جوڵاندنی ته‌عاتوفی خه‌ڵک نه‌بێت. به‌مه‌سائیلی ژنان و قه‌ومیه‌ت و جوگرافیا و ئه‌و لایه‌نانه‌ بۆ ئه‌وه‌ی به‌دوایان بکه‌ون، حزبیان دروستکردووه‌ بۆخزمه‌تی چه‌ند که‌سێکی به‌ناو قیاده‌ ته‌نزیمیشیان بۆ خزمه‌تی خۆیان دروستکردووه‌ و به‌ناو قیاده‌که‌شیان بۆ خزمه‌تی ته‌به‌قاتی سه‌رمایه‌دارو رجال دین کارده‌که‌ن که‌خۆشیان هه‌ر له‌وانن، بۆیه‌ ئه‌و کۆنه‌ په‌رستانه‌ پێکه‌وه‌ کاریان کردوو ئێستا به‌ناو حکومه‌تێکیان ته‌شکیل کردووه‌ به‌سه‌رۆکایه‌تی ئیمپریالی, ئێمه‌ شۆڕش ده‌که‌ین بۆ ئه‌وه‌ی ئه‌و ته‌حریفیانه‌ی عێراق به‌گشتی له‌کۆڵ خه‌ڵکی ئه‌و وڵاته‌ بکه‌ینه‌وه‌.
رزگار رەزا چوچانی/واته‌ ده‌ته‌وێت بڵێی خه‌ڵک له‌ده‌ور‌تان کۆبۆته‌وه‌ و ئێستا له‌ عێراق ته‌نزیمتان هه‌یه‌؟
سەلیم پۆڵس/ ئه‌و سوئاله‌ زۆر له‌ئێمه‌ کراوه‌و له‌ڕێی ئه‌نته‌رنێته‌وه‌ زۆر له‌باره‌یه‌وه‌ نوسراوه‌ و له‌حیوار موته‌مه‌دین پیاوانی ئیمپریالی به‌ ئاره‌زوی خۆیان له‌وباره‌یه‌وه‌ قسه‌یان کردووه‌، به‌ڵام کاتێک ده‌ڵێین شۆڕشی پرۆلیتاری عێراق ته‌واوی ئه‌وانه‌ له‌گه‌ڵن که‌ دژی ده‌سه‌ڵاتی سه‌رمایه‌دارو زۆردارو ده‌سه‌ڵاتی عه‌سکه‌رتارن. ئێمه‌ به‌خه‌ڵکمان وتووه‌ و ده‌ڵێین ئه‌و خه‌ته‌ هه‌یه‌ ده‌تان بات  بۆڕزگار بوون و مافی خۆتان. خه‌ڵک خۆیان ته‌نزیم کردووه‌ و ده‌که‌ن بروایان به‌ ته‌نزیمێک هه‌یه‌ که‌ رێکیان بخات و ته‌وجیهیان بکات بۆ شۆڕش، چونکه‌ ده‌بێت هێزێک هه‌بێت بۆ روخاندنی ئه‌قه‌لیه‌تێکی زاڵم که‌ هه‌موو شتیان قۆرغ کردووه‌.
بۆیه‌ خه‌ڵک متمانه‌ی به‌ ئێمه‌یه‌ بۆ ئه‌و لایه‌نه‌ ئێمه‌ ته‌نزیماتمان هه‌یه‌ و مه‌جموعاتی منه‌زه‌مه‌ی ماویش هه‌یه‌ له‌ عێراق سه‌رانسه‌ر په‌یوه‌ندیان له‌گه‌ڵ یه‌ک هه‌یه‌ کار ده‌که‌ن. که‌ داهاتوو دامه‌زراندنی حزبێکی گه‌وره‌ رابگه‌یه‌نن.
رزگار رەزا چوچانی/ وه‌ک راتان گه‌یاندووه‌ کار ده‌که‌ن بۆ ئازادکردنی عێراق واته‌ به‌گشتی کار بۆ عێراق ده‌که‌ن؟ ئه‌ی ئه‌گه‌ر ده‌سه‌ڵاتتان گرته‌ ده‌ست برواتان به‌وڵاتێک ده‌بێت به‌ناوی کوردستان؟
سەلیم پۆڵس/ له‌ عێراق خه‌ڵک پێکه‌وه‌ ده‌ژی و جوگرافیا جوگرافیای خه‌ڵکه،‌ موشکیله‌ی ته‌به‌قیات هه‌بووه‌ موشکیله‌ی جوگرافیا نه‌بوه‌ چه‌ند ساڵه‌ زاڵمه‌کان خه‌ڵک به‌ناوی جیاوازی قه‌ومی کوردی عه‌ره‌بی ئاشوری تورکمانی فریوده‌ده‌ن جوگرافیاشیان به‌شکردوه‌، وه‌ک خۆیان ده‌ڵێن ئازادیشیان کرد، به‌ڵام هه‌مان ده‌سه‌ڵاتی دیکتاتۆری و عه‌سکه‌ری جاران ده‌به‌ن به‌ڕێوه,‌ دیسان هه‌مان مه‌شاکیلی ته‌به‌قاتی خه‌ڵک له‌گه‌ڵ سه‌رانی ئه‌و رژێمانه‌ بونی هه‌یه.‌ به‌نسبه‌ت ئێمه‌ له‌ جنوب تا شیمال هه‌موو خه‌ڵک موشته‌ره‌کن له‌ عێراق بێ مه‌شاکیلی جوگرافی وه‌ک چۆن له‌ رابردوو خه‌ڵکی عێراق پێکه‌وه‌ ده‌ژیان و بێ مشکیله‌ هه‌موو هاوکارو برای یه‌ک بوون و یارمه‌تی یه‌کیان ده‌دا. ئه‌گه‌ر که‌سێک له‌هه‌ولێر زه‌ره‌ری لێده‌که‌وت خه‌ڵکی به‌سره‌ بۆی ده‌گریاو بۆ خه‌ڵکی به‌سره‌ش هه‌ولێر به‌هه‌مان شێوه،‌ ئێستا که‌باس له‌ جیاوازی ده‌کرێت حکومه‌تێک به‌وبۆنه‌یه‌وه‌ دامه‌زرا به‌ناوی حکومه‌تی کوردستان چی جیاواز تریان کرد له‌و حکومه‌ته‌ی ده‌یان ویست بیگۆڕن، نه‌ک شتێکیان نه‌کرد ته‌واوی خه‌ڵکی کرێکارو هه‌ژارو که‌م ده‌رامه‌ت له‌سایه‌یدا چه‌وساوه‌ بوون زیندانیان ده‌که‌ن و زوڵمیان لێده‌که‌ن و بێبه‌شیان ده‌که‌ن، له‌نێوان خۆشیان هه‌مان جیاوازی که‌ ئه‌وان ده‌یان ویست ئێستا دروستیان کردووه‌ته‌وه‌‌ به‌ناوی ئه‌وه‌ی ئه‌وه‌ ئاشوریه‌ ئه‌وه‌ تورکمانه‌ ئه‌وه‌ کورده‌ ئه‌وه‌ فڵانه،‌ ‌مه‌به‌ستیان له‌مه‌ش ئه‌وه‌یه‌ دوژمنایه‌تی قه‌ومی دروستبکه‌ن و خه‌ڵک پارچه‌ پارچه‌ بکه‌ن، تا بێ هێزبن و به‌ئاسانی به‌سه‌ریاندا باشتر زاڵ بن و تاڵانی و کاری خۆیان بکه‌ن و زیاتر سود به‌خۆیان و سه‌رمایه‌داری دنیا بگه‌یه‌نن که‌ شه‌ریکن له‌زۆربه‌ی شه‌ریکاتی دنیا. ئه‌وانی به‌غداش به‌هه‌مان شێوه بۆیه‌ ئێمه‌ بروامان به‌و دابه‌شکارییه‌ نییه‌ ناکرێت به‌و کوردانه‌ی له‌ به‌غدا ده‌ژین یان به‌و عه‌ره‌ب و ئاشوری و تورکمانانه‌ی له‌ هه‌ولێر ده‌ژین بڵێین بڕۆن ئه‌وه‌ وڵاتی ئێوه‌ نییه,‌ وڵات وڵاتی هه‌موو خه‌ڵکه‌ به‌هاوبه‌شی. ئه‌وه‌شمان له‌بیر نه‌چێت ئیشی ئێمه‌ دیاری کردنی جوگرافی نییه‌ ئیشی ئێمه‌ ته‌وعیه‌و ئاراسته‌کردنی خه‌ڵکه‌ چۆن شۆڕش بکه‌ن و خۆیان ئازاد بکه‌ن له‌و رژێمانه‌ له‌و ئه‌قه‌لیه‌تانه‌ی حوکمیان ده‌که‌ن و زوڵمیان لێده‌که‌ن. ئه‌وه ی ‌ له‌ ئه‌وله‌ویه‌تی ئێمه‌یه‌ کار کردنه‌ بۆ نه‌هێشتنی ته‌به‌قیات‌.
رزگار رەزا چوچانی/وتمان ئه‌گه‌ر کرێکاران و جوتیارانی کوردستان داوای ده‌وڵه‌تی خۆیان کرد جیا له‌ عێراق؟
سەلیم پۆڵس/ که‌ ئه‌و مه‌شاکیله‌ ته‌به‌قییه‌ نه‌ما خه‌ڵک هه‌موی یه‌که‌و ئه‌و داواکاریه‌یا‌ن نابێت. ئێستا ئێمه‌ له‌ عێراق کار ده‌که‌ین و له‌هه‌موو قه‌ومیه‌ته‌کانیش له‌گه‌ڵمانن، ژن هه‌یه‌ قیاده‌ی سه‌ربازیمان بۆ ده‌کات و کورده‌ به‌هه‌مان شێوه‌ له‌قه‌ومیه‌ته‌کانی دیکه‌ش سه‌رکرده‌مان هه‌یه.‌ ئێمه‌ وه‌ک عێراقییه‌کان پێکه‌وه‌ کارده‌که‌ین ده‌ست له‌ناو ده‌ست هه‌وڵده‌ده‌ین بۆ ئازادکردنی عێراق له‌ده‌ست ئه‌و زوڵم و تاڵانییه‌ی ئێستا ده‌کرێت له‌ میلله‌ت که‌ له‌مێژودا شتی وا نه‌بووه‌.
رزگار رەزا چوچانی/ ئێوه‌ له‌گه‌ڵ  ئه‌و ده‌سه‌ڵاته‌ی که‌ ئێستا له‌ عێراق هه‌یه‌ و ته‌واو دژایه‌تیتان بۆ ڕاگه‌یاندووه‌ به‌نیازی شۆڕشی چه‌کدارین؟
سەلیم پۆڵس/ دیاره‌ ئێوه‌ باش ئاگادار نین هاوڕێیانی ئێمه‌ له‌ عێراق ماویه‌کان شۆڕشی چه‌کدارییان ده‌ست پێکردووه‌ و عه‌مه‌لیاتی عه‌سکه‌ریان کردووه،‌ له‌ به‌غداو موسه‌یب و که‌رکوک و خانه‌قین و زۆر مه‌ناتیقی تر زۆر چالاک بوون و به‌شانازیه‌وه‌ ژن و پیاوه‌ ماویه‌کان پێکه‌وه‌ شه‌ری ئه‌لقاعیده‌و شیعه‌کانی سه‌رحوکمی عێراق و پارتی “بارزانی”ان  کردووه‌  زۆر شه‌هیدیشمان هه‌یه،‌ به‌ڵام ئه‌و شه‌هیدانه‌ وای کردووه‌ ستراتیژیه‌تی تازه‌ی خۆمان دابڕێژینه‌وه‌.  ئێستا به‌شیوه‌یه‌کی تر سه‌رقاڵی به‌رپاکردنی شۆڕشێکی شه‌عبی مه‌زنین له‌ لادێکانه‌وه‌ ده‌ست پێده‌که‌ین به‌ره‌و شاره‌کان و له‌هه‌موو ناوچه‌کانی عێراقیش ده‌ست به‌کارین.
رزگار رەزا چوچانی/ ئه‌ی له‌کوردستان؟
سەلیم پۆڵس/ من پێم وتی به‌نسبه‌ت ئێمه‌وه‌ جیاوازی نییه‌ هه‌مولا عێراقه‌. نازانم تۆ بۆ ئه‌م دابه‌شکاریه‌ باس ده‌که‌ی که‌ وه‌ڵامت وه‌رگرت، خۆ نەکەوتونەتە ژێر تائسیری تەحریفیەکان؟ بۆ ئێمه‌ هه‌موو شاخه‌کانی عێراق بورکانه‌ و به‌سه‌ر ئه‌وانه‌ی ئه‌مرۆ ناوی خۆیان ناوه‌ ده‌سه‌ڵات ده‌یانته‌قێنینه‌وه‌، ئیدی چیای سه‌فینه‌ کێوه‌ ڕه‌شه‌ زۆگه‌ هه‌ندرێنه‌ حه‌مرینه‌ به‌مۆیه‌ هه‌موو ئه‌و شاخانه‌ به‌نسبه‌ت شۆڕشی ئێمه‌وه‌ بورکانن. ئه‌مڕۆنا سبه‌ی هه‌موو به‌رویاندا ده‌ته‌قێته‌وه‌ خه‌ڵکیش به‌هه‌مان شێوه‌ی شاخه‌کان بورکان ئاسا ده‌بن و ده‌ته‌قنه‌وه‌، خه‌ڵک ئاماده‌ی شۆڕشه‌ و ته‌نها رۆشنبیرکردنه‌وه‌ی ده‌وێت و ئێمه‌ش به‌و کاره‌ هه‌ستاوین، بۆیه‌ ئه‌مرۆ یان سبه‌ی ئێمه‌و خه‌ڵک هه‌موو شاخ و شاره‌کانی عێراق له‌ده‌سه‌ڵاته‌کانی عیراق و ئه‌وانه‌ی باكوری عێراق ده‌که‌ینه‌ بورکان و ده‌یانته‌قیَنینه‌وه‌ به‌رویاندا. ئێمه‌ ده‌زانین خه‌ڵک بێزاره‌ له‌وانه‌ی ئیمپریالیان له‌پشته, ئه‌وان‌ تا دوێنی چوار حزب بوون له‌ عێراق ئه‌مرۆ به‌ پشتیوانی ئیمپریالیزم بونه‌ته‌ 500 حزب و فه‌وزایه‌کی زۆر گه‌وره‌یان له‌ عێراق به‌رپا کردووه‌، که‌له‌ناو ئه‌وانه‌دا چلو دوو حزب زیاتریان کوردن. بۆیه‌ش خه‌ڵک بێزاره‌ له‌و فه‌وزاو ده‌زانێت ئه‌مه‌ ئیمپریالی بۆ مه‌ستکردنی خه‌ڵک ئه‌م فه‌وزای دروستکردووه‌ بۆ ئه‌وه‌ی به‌یه‌که‌وه‌ سه‌رقاڵیان بکات و ئه‌و ئه‌وتاڵانکردنه‌ی وڵات نه‌بینن .به‌ڵام خه‌ڵکی عێراق ئه‌وه‌ ده‌زانن بۆیه‌ ئاماده‌ی شۆڕشن ئه‌مڕۆیان سبه‌ی وه‌ک بورکان ده‌ته‌قنه‌وه و شۆڕشی خه‌ڵک و ماویه‌کانی عێراق نزیکی سه‌ركه‌وتنه‌‌.
رزگار رەزا چوچانی/ واته‌ ئێوه‌ له‌کوردساتنیش ته‌نزیماتتان هه‌یه‌ و سه‌رقاڵی ئاماده‌کاری شۆڕشه‌که‌ن؟
سەلیم پۆڵس/ به‌ته‌ئکید ئێمه‌ ته‌نزیماتمان هه‌یه‌ و خه‌ڵک له‌گه‌ڵمانه‌ ‌ جه‌ماعه‌تی بارزانی و تاڵه‌بانیش ئه‌م راستیه‌‌ ده‌زانن ده‌شترسن. ئه‌گه‌ر نه‌ترسن ئه‌وه‌نده‌ پاره‌ خه‌رج ناکه‌ن بۆ کڕینی خه‌ڵکی رۆژنامه‌نوس و نوسه‌رو رۆشنبیره‌کان. بزانه‌ کابرایه‌کی موسه‌قه‌ف چوار قسه‌ ده‌کات لێی ده‌ده‌ن، چونکه‌ ده‌ترسن, زۆربه‌ی مه‌سولینی کورد به‌هۆی هه‌ستکردن به‌بۆنی هه‌بونی ماویه‌کان و بێزاری خه‌ڵک حاڵیان حاڵی مشکه‌ و ناتوانن خۆیان رابگرن له‌ هیچ جێیه‌ک, هه‌وڵه‌کانی شۆڕش و ئاماده‌کارییه‌کان له‌ عێراق به‌گشتی رۆژبه‌رۆژ سه‌رکه‌وتوتر و به‌رفروانتر ده‌بێت. بۆیه‌ به‌رپرسانی ئێستای عێراق خه‌ڵكێکی زۆریان به‌پاره‌ گرتووه‌ ده‌یانه‌وێت خه‌ڵک به‌پاره‌ بکه‌نه‌ عه‌سکه‌رو حه‌ره‌سیاتی ماڵ و مناڵ و ئه‌و سه‌ره‌وه‌ته‌یان پێبکه‌ن که‌ له‌میله‌تیان دزیوه‌ بیان که‌نه‌ حه‌ره‌سی قه‌سرو ڤیلاو ئه‌و زه‌ویانه‌ی له‌خه‌ڵکیان داگیر کردووه‌. به‌ڵام پاره‌ ناخوات ئه‌گه‌ر کاتیش بکڕن ناتوانن ئیراده‌ی خه‌ڵک بکڕن، ئێمه‌ په‌یوه‌ندی و ژیانی ته‌به‌قیمان هه‌یه‌ له‌گه‌ڵ ئه‌و خه‌ڵکه‌ و زۆر نزیکن له‌ئێمه,‌ ئه‌وه‌ی به‌زمان قسه‌ ناکات دڵی پڕه ‌له‌ بێزاری و هه‌موو ئاماده‌ی شۆڕشه‌که‌ن, خه‌ڵک ده‌زانێت ئه‌وانه‌ له‌ حه‌فتاکانه‌وه‌ کار ده‌که‌ن به‌ئه‌وه‌نده‌ی دوو سه‌عاتی ئێمه‌ نه‌چونه‌ته‌ ناو خه‌ڵک و کاریان له‌گه‌ڵ خه‌ڵک نه‌کردووه.‌ بۆیه‌ ئاماده‌ی خه‌باتن له‌گه‌ڵمان ئێمه‌ له‌گه‌ڵ خه‌ڵکین و ئه‌وانیش له‌گه‌ڵ ئێمه‌ن‌.
رزگار رەزا چوچانی/ واته‌ بۆ ئێوه‌ جیاوازی له‌ نێوان سیسته‌می سیاسی و ده‌سه‌ڵات له‌کوردستان و عێراق نییه‌ شۆڕش له‌دژی هه‌ردوو لا ده‌که‌ن؟
سەلیم پۆڵس/ ئێمه‌ وه‌ک یه‌ک لێیان ده‌روانین و پارچه‌یه‌کن له‌یه‌ک. له‌رابردو پێکه‌وه‌بون و ئێستاش پێکه‌وه‌ کارده‌که‌ن، بۆیه‌ پێیان ده‌ڵێین “به‌ره‌ی فاشی و جه‌نگ” ئه‌و به‌ره‌ فاشییه‌ی که‌ به‌ ئینقیلابی عه‌سکه‌ری ئه‌مریکی ده‌ستیان به‌سه‌ر حکومه‌تدا گرتووه،‌ ئێمه‌ واده‌بینین که‌ ئه‌مریکا پیاوێکی خۆی روخاند بۆ ئه‌وه‌ی جێی چه‌ند پیاوێکی خۆی بکاته‌وه‌. بۆیه‌‌ ئه‌وه‌ قبوڵناکه‌ین خه‌ڵکی عێراقیش له‌گه‌ڵ ئێمه‌یه‌‌ کاتی خۆشی من له‌وه‌ڵامی رۆژنامه‌یه‌کی بیانی له‌باره‌ی ئه‌وه‌ی بۆچی به‌نیازی مقاوه‌مه‌ین؟ به‌یه‌ک پرسیار وه‌ستاندم وتم باشه‌ تۆ کاتێک له‌پێش چاو‌ت ماڵه‌که‌ت تاڵان بکه‌ن و هیچ یاسایه‌ک نه‌بێت داکۆکیت لێ بکات مقاوه‌مه‌ ده‌که‌ی یان ته‌ماشا ده‌که‌یت؟ بۆیه‌ ئێمه‌ به‌رانبه‌ر ئه‌و ته‌حریفیانه‌ یه‌ک جۆر حسابات ده‌که‌ین.
رزگار رەزا چوچانی/ تۆ وتت خه‌ڵکی زۆرمان له‌گه‌ڵه‌ وتت خه‌ڵک هه‌موی بێزاره‌. به‌ڵام تۆ ئه‌بینی شێوه‌یه‌کی تر له‌ خه‌بات بۆ گۆڕینی سیسته‌م هه‌یه‌ پێی ده‌ڵێن شۆڕشی سپی که‌ به‌بێ خوێن رشتن گۆڕان ده‌خولقێنێت وه‌ک هه‌ڵبژاردن بۆچی ئێوه‌ ئه‌و جۆره‌ شۆڕشه‌ ناکه‌ن و بیرتان له‌ شۆڕشی چه‌کداری کردۆته‌وه‌ که‌ خوێن ڕشتنی به‌دوادێت؟
سەلیم پۆڵس/ ئه‌سڵه‌ن شۆڕشی سپی خورافاته‌. نه‌ده‌بوو ئێوه‌مانان باسی شتی وابکه‌ن! چونکه‌ ده‌زانن حکومه‌ت و هێزی عه‌سکه‌رو ئه‌جهه‌زه‌ی موخابه‌راتی هه‌یه.‌ بڕواو هێزی عه‌سکه‌رتاری هه‌یه‌، هه‌رکه‌سێک بیه‌وێت بێته‌ سه‌رحوکم و له‌گه‌ڵ ئه‌و ستراتیژه‌ نه‌گونجێ که‌ داڕێژراوه‌ ئه‌و ئیباده‌یان ده‌کات، له‌هه‌موو دنیاش یه‌ک رژێمی سه‌رمایه‌داری به‌ هه‌ڵبژاردن نه‌روخاوه‌و نه‌گۆڕاوه‌ ته‌نها ده‌مو چاوه‌کانیان ده‌گۆڕێت هه‌موو ئه‌وانه‌ی له‌ دنیا به‌ هه‌ڵبژاردن دێنه‌ سه‌ر حوکم ته‌نها ده‌موچاویان گۆڕاوه‌ ئه‌گه‌رنا یه‌ک ستراتیژی نوسراوه‌ جێ به‌جێ ده‌که‌ن. هه‌ریه‌که‌و به‌ بۆچون و به‌شیوه‌ی خۆی، ئه‌سڵه‌ن شتێک نییه‌ به‌ناوی شۆڕش له‌دنیا و ناوی شۆڕشی سپی بێت ئه‌وه‌ ناوێکه‌و وه‌کو واقیع وجودی نییه‌ ته‌نها شۆڕشی چه‌کداری چاره‌سه‌ره‌ شه‌ڕی میلی ستراتیژی ماوسیتۆیه‌ ماو کابرایه‌کی مارکسی لینی و واقیع بین و شیوعی بووه‌ ئه‌وه‌ بڕوای ئێمه‌شه‌ که‌ هێز هێز ده‌روخێنێت.
رزگار رەزا چوچانی/ ئێوه‌ به‌ناوی شیوعیه‌ته‌وه کار ده‌که‌ن و داوای شۆڕشی چه‌کداری ده‌که‌ن، به‌ڵام ئه‌وه‌ حزبی شیوعی عێراق و کوردستان هه‌ن و به‌شداری ئه‌و ده‌سه‌ڵاتانه‌ن که‌ تۆ به‌و شێوه‌ باسی ده‌که‌یت رات له‌و باره‌وه‌ چییه‌؟
سەلیم پۆڵس/ ئه‌زانی له‌گه‌ڵ ئیحترامم بۆ خوێنه‌ره‌کانتان کاتێک مرۆڤ دایک و خوشکی ئیختیساب ده‌کرێت دیفاع له‌شه‌ره‌فی خۆی ده‌کات و به‌ده‌نگ دێت، به‌هه‌مان شێوه‌ که‌ ئیختیسابی بیروبڕواکه‌شی کرا ده‌بێت داکۆکی بکات ئه‌وانه‌ی تۆ ناوت بردن ‌به‌ حزبی شیوعی عێراق و کوردستان بڕواو فکره‌ی شیوعیه‌تیان ئیختیساب و ته‌زویر کردووه‌ ناکرێت، خه‌ڵک به‌وانه‌ بڵێ شیوعی و رێگه‌شیان پێ بدرێت بڵێن شیوعین ناکرێت. ئێمه‌ش و خه‌ڵکیش قبوڵ بکه‌ین عه‌مه‌لییه‌ی ئیختیساب بۆ عیلم و فکر و که‌رامه‌ت و مه‌بادیئی خه‌ڵک و ئایدۆلۆژیه‌تی مارکسی به‌رپا بکرێت که‌ ئه‌وانه‌ ئیختیسابی ئه‌و لایه‌نانه‌ی بروای شیوعیه‌تیان کردووه‌. وایان کرد لای هه‌ندێک ئه‌و بڕوایان کردوه‌ته‌‌ حه‌ره‌که‌تێکی لیبرالی که‌ لیبرالی به‌فه‌ره‌نسی واته‌ پاسه‌وانی و به‌رده‌وامی سه‌رمایه‌داری”حراسه‌ و ره‌ئسمالی” که‌وایه‌ ئه‌وانه‌ لیبرالی پێکدێن له‌گه‌ڵ هه‌رحه‌ره‌که‌یه‌کی سه‌رمایه‌داری. ئه‌وانه‌ بونه‌ته‌ ئه‌قه‌لیه‌تێک و ئێمه‌ وه‌ك فه‌وزالیزمه‌کان لێیان ده‌ڕوانین و پارچه‌یه‌کن له‌و به‌ناو حکومه‌تانه‌ی عێراق و باكوری عێراق  له‌گه‌ڵ روخانی ئه‌وان ئه‌وانیش ده‌ڕوخێن، و بۆخۆشیان ئه‌مه‌ ده‌زانن بۆیه‌ کار له‌گه‌ڵ ئه‌و حکومه‌تانه‌ ده‌که‌ن و ده‌زانن ژیان و مه‌سیریان له‌گه‌ڵ ژیان و مه‌سیری ئه‌و حکومه‌تانه‌‌یه‌ ئه‌گه‌رنا روخاون و له‌ناو خه‌ڵک نه‌ماون. ئه‌وه‌شی که‌ له‌گه‌ڵیانه‌ به‌راستی وه‌کو فکر له‌گه‌ڵ ئه‌وانه‌ نییه‌ بۆ مه‌ساڵحێکی ژیانه‌ ئه‌وانیش به‌ بونی ئه‌و خه‌ڵکه‌ی بۆمه‌ساڵحی ژیان دوایان که‌وتووه‌ بازرگانی ده‌که‌ن و ره‌شوه‌ وه‌رده‌گرن.
رزگار رەزا چوچانی/واته‌ ئه‌گه‌ر ئێوه‌ شۆڕشه‌که‌تان به‌رپا کرد و سیسته‌مێکی شیوعی ماویتان له‌ عێراق دروست کرد حزبه‌ شیوعیه‌کانی عێراق و کوردستان جێیان نابێته‌وه‌ ؟ به‌ڵام ئه‌وانیش شیوعین و فکره‌تان یه‌که‌ ئه‌گه‌ر ئه‌وکات ئه‌وانیش داکۆکیان له‌خۆیان کرد؟
سەلیم پۆڵس/ ئه‌وانه‌ كه‌خۆیان ناوه‌ شیوعی له‌ عێراق و كوردستان ناتوانن هیچ داکۆکییه‌ک له‌خۆیان بکه‌ن روخاون و بونیان نه‌ماوه‌ کاتی خۆشی مه‌لا مسته‌فا داکۆکی لێده‌کردن له‌ عێراقدا، تۆ بروانه‌ ئه‌وان شیوعی بن پیاوێکی دینی داکۆکیان لێ بکات ئه‌وه‌ ئه‌ساسی ئه‌وانه‌ بووه‌ من وتم ئه‌وان شیوعی نین بروای شێوعیه‌تیان ئیختیساب و ته‌زویر کردووه‌، بۆیه‌ ئێمه‌ له‌گه‌ڵ ئه‌و حکومه‌ته‌ حسابیان بۆ ده‌که‌ین وه‌ک داکۆکی له‌ خۆشیان حسابی که‌روێشکێکیان بۆ ناکه‌ین.
رزگار رەزا چوچانی/ بۆ ئه‌و شۆڕشه‌ی باسی ده‌که‌ی كادرتان به‌پێی پێویست هه‌یه‌؟
سەلیم پۆڵس/ به‌ڵێ ئێمه‌ قیاده‌ی زۆر باشمان هه‌یه‌ راسته‌ خه‌ڵکی قیادیمان هه‌بووه‌ روخان و دورکه‌وتنه‌وه‌ باسیان ناکه‌ین، ره‌نگه‌ ئه‌وانه‌ هه‌ندێک ره‌شوه‌یان وه‌رگرتبێت به‌ڵام ئێستاش له‌ژن و پیاو قیاده‌ی قاره‌مانمان هه‌یه‌و خه‌بات ده‌که‌ن له‌ گۆڕه‌پانه‌که‌.
رزگار رەزا چوچانی/ شۆڕش به‌ په‌یوه‌ندی به‌رفروان و پشتگیری ده‌کرێت ئێوه‌ وه‌ک ماویه‌کانی عێراق په‌یوه‌ندیتان به‌کوێوه‌ هه‌یه‌؟
سەلیم پۆڵس/ ئێمه‌عیلاقاتی زۆر به‌هێزو به‌رفرا‌وانمان هه‌یه‌ له‌گه‌ڵ هه‌موو حه‌ره‌که‌ ماوییه‌کانی دنیا، چۆن ته‌حریفیه‌کان عیلاقه‌یان له‌گه‌ڵ ئیمپریالی هه‌یه‌ ئێمه‌ په‌یوه‌ندی به‌هێزمان له‌گه‌ڵ حزبی شیوعی ماوی ئه‌مریکا هه‌یه‌ که‌ سه‌رۆکی حزبی ماویستی ئه‌مریکا چه‌ندین کتێبی له‌سه‌ر چۆنیه‌تی حه‌ربی شه‌عبی نوسیووه‌ که‌چۆن شۆڕش و حه‌ربی شه‌عبی ده‌کرێت. ئێمه‌ په‌یوه‌ندیمان له‌گه‌ڵ ئه‌و دوژمنه‌ به‌هێزه‌ی ده‌سه‌ڵاتی ئیمپریالی ئه‌مریکا هه‌یه‌ که‌له‌ناو ئه‌مریکا خه‌بات ده‌که‌ن، به‌ڵام ده‌بینی ته‌حریفییه‌کان له‌ عێراق به‌ پێچه‌وانه‌ی ئێمه‌وه‌ په‌یوه‌ندیان له‌گه‌ڵ ده‌سه‌ڵاتی ئیمپریالی رژێمی ئه‌مریکا هه‌یه‌ و چه‌پڵه‌یان لێده‌دا بۆ داگیرکردنی وڵاته‌که‌یان “عێراق” من به‌ناوی ماویه‌کانی عێراق به‌شداربووم له‌ چه‌ندین کۆنگره‌ی جیهانی شۆڕشگێران و چه‌ندین دیدار له‌نێوانمان دروست بووه‌و له‌گه‌ڵ ماوییه‌کانی دنیا په‌یوه‌ندی باشمان هه‌یه‌ له‌گه‌ڵ ماوییه‌کانی نیپاڵ نێوانمان باشه‌ که‌دوای 10 ساڵ  شه‌ڕی میللی “شه‌عبی”گه‌شتنه‌ ده‌سه‌ڵات له‌گه‌ڵ بزوتنه‌وه‌ی ماوی له‌ په‌یوندیمان هه‌یه‌‌ که‌ نزیکه‌ی 22000 بیست و دوو هه‌زار گه‌ریلای شه‌ڕکه‌ریان هه‌یه‌ و له‌ناوچه‌یه‌ک له‌ناوچه‌کان شێوه‌یه‌ک له‌ حکومه‌تیان دروستکردووه‌.  له‌فلیپین هه‌ندێک له‌ناوچه‌ شاخاوییه‌کان به‌ده‌ستی ماوییه‌کان ئازاد کراون که‌ په‌یوه‌ندیان له‌گه‌ڵ ئێمه‌ هه‌یه‌ له‌ پیرۆ خه‌باتی ماویه‌کان و له‌دوای ده‌ستگیر کردنی “کۆنسالۆ” سه‌رۆکی حزبی شیوعی ماویستی پیرۆ من له‌لیژنه‌ی داکۆکی له‌ژیانی ئه‌و به‌شداربووم و چه‌ندین کۆبونه‌وه‌و دیدارم له‌گه‌ڵ ئه‌و لیژنه‌یه‌ ئه‌نجامدا که‌ ئه‌ندامی 34 وڵات به‌شداربون تێیدا. ‌ئێستا ئه‌و له‌زیندانه‌ دوای ئه‌و “خۆنسێ” هات بزوتنه‌وه‌ی ماوی ڕێکخسته‌وه‌ و ئیعاده‌ ته‌نزیمی کرد ئێستا به‌شێوه‌یه‌کی به‌رفره‌وان به‌شێوه‌ی جوڵاو پارتیزانی شه‌ڕی شه‌عبیان له‌دژی ده‌سه‌ڵات به‌رپا کردووه‌ ،به‌ڵام له‌جێیه‌کی دیاری کراو نامێننه‌وه‌ تا به‌تۆپ و ته‌یاره‌ لێیان بدرێت و زیانیان پێ بگه‌یه‌نرێت ،به‌ڵام به‌شێوه‌یه‌کی کاریگه‌ر خه‌بات ده‌که‌ن و سه‌رۆکی ئه‌و وڵاته‌ بۆخۆی چه‌ندین جار دانی به‌وه‌دا ناوه‌ وتویه‌تی, ماویه‌کان زۆر خه‌ته‌رن له‌سه‌ر ئاینده‌ی ئێمه‌ هه‌روه‌ها په‌یوه‌ندیمان له‌گه‌ڵ بزوتنه‌وه‌ی به‌هێزی ماویستی کۆڵۆمبیا هه‌یه‌ و له‌گه‌ڵ ماویه‌کانی تورکیه‌ش په‌یوه‌ندیمان هه‌یه‌ که‌ سه‌رۆکه‌که‌یان له‌ساڵی 1973 له‌لایه‌ن رژێمی تورکیه‌وه‌ ده‌ستگیر کراو له‌زیندان, کردیان به‌ شه‌ش پارچه‌وه‌, ئێستا ئه‌و بزوتنه‌وه‌ش هێزی چه‌کداریان هه‌یه‌.
رزگار رەزا چوچانی/ تۆ به‌نیازی رابه‌رایه‌تی ئه‌م شۆڕشه‌یت, ده‌کرێت زیاتر له‌وه‌ی هه‌یه‌ خۆت بناسێنیت بزانین رابه‌ری ئه‌م شۆڕشه‌ ماویه‌ کێیه‌؟
سەلیم پۆڵس/ من ناڵێم قائیدم من خزمه‌تکاری کرێکاری ده‌که‌م خزمه‌تکاری ئه‌و که‌سانه‌ ده‌که‌م که‌ ده‌یانه‌وێت خۆیان ئازاد بکه‌ن. کرێکارو جوتیار بۆخۆیان قیاده‌ی خۆیان ده‌که‌ن ئێمه‌ ته‌نها ته‌وجیهیان ده‌که‌ین.
 من کابرایه‌کی مارکسی لینینی ماوی بووم  به‌ڵام له‌گه‌ڵ ئه‌و مه‌جموعانه‌ نه‌بووم که‌ شیوعیه‌تیان ته‌زویر کردوه‌ بۆناوی خۆیان به‌رده‌وام له‌ دژیان بووم, کاتێکیش زیاتر له‌راستی گه‌شتین وتمان ده‌بێت حه‌ره‌که‌یه‌کی مارکسی لینینی ماوی راسته‌قینه‌ دابمه‌زرێت.
ساڵی 1949 له‌ خێزانێکی جوتیار له‌ عه‌نکاوه‌ی هه‌ولێر له‌دایک بووم,‌ تا قۆناغی دوای ناوه‌ندم له‌ عێراق خوێندوه‌ و دواتر خوێندنم له‌ده‌ره‌وه‌ی وڵات ته‌واو کردووه,‌ خاوه‌نی خێزانێکی شه‌هیدم‌‌ دایک و باوکو خوشکه‌کانم به‌ته‌واوی به‌عس له‌سێداره‌ی داون و برایه‌کم که‌ پیاوێکی قاره‌مانی مارکسی بوو, له‌ساڵی 1988 به‌ده‌ستی تاقمێکی تاڵه‌بانی و به‌ بریاری سه‌دام شه‌هید کرا خه‌ڵکی هه‌ولێر ئه‌و راستیه‌ ده‌زانن كه‌ ناوی شه‌هید سۆرانه‌.
له‌ساڵی 1985  دکتۆر که‌مال خۆشناو و کۆمه‌ڵێکی تر هاتنه‌ لام, وتیان جه‌لال تاڵه‌بانی ده‌ڵێت نابێت لێره‌ بمێنێت چونکه‌ ده‌کوژرێت. منیش عێراقم جێهێشت و چومه‌ ئێران, له‌ ئێرانیش له‌مه‌نیتیقه‌ی “خۆی” من رابه‌رایه‌تی ته‌نزیمێکم کرد له‌دژی حکومه‌تی ئێران حکومه‌تی مه‌لاکان که‌زوڵمیان له‌ په‌ناهه‌نده‌کان ده‌کرد به‌شێکی مه‌عسکه‌ره‌که‌مان سوتاند له‌وێ له‌ئێرانیش ژیانم له‌خه‌ته‌ربوو ده‌یان وت ئه‌و کابرا مولحیده‌و ناهێڵێت خه‌ڵک نوێژ بکات. دکتۆر مه‌حمود سۆرانی یارمه‌تی دام له‌وێش به‌ره‌و سوریا ده‌رچوم له‌سوریاش عه‌لی حه‌وێز و دیسان دکتۆر که‌مال و ئه‌و براده‌رانه‌ هاتن وتیان ئێره‌ش جێ بهێڵه‌ چونکه‌ لێره‌ش حزبی به‌عس هه‌یه‌و بزرت ده‌که‌ن, له‌وێش له‌ حزبه‌ فاشییه‌کان په‌ساپۆرتم به‌پاره‌ کڕی و ئه‌وێشم به‌جێ هێشت و له‌وكاته‌وه‌ له‌ ئه‌وروپام.

 

Previous
Next

Leave a Reply