Skip to Content

Wednesday, October 27th, 2021

كه‌ژاوه‌ی سۆزانییه‌كی بێ‌ خودا

Be First!
by September 21, 2010 گشتی

 

 (( كه‌سێ‌ بۆ خوا كارێك ناكا.. ئه‌گه‌ر ته‌ماحێك له‌ مابه‌یندا نه‌بێت!!))

ئه‌مه‌ قسه‌ی ئافره‌تێك بوو.. ناچاری بردییه‌ به‌ر ده‌ركه‌ی ئه‌و كه‌سه‌ی بۆ خوا و مرۆڤایه‌تی نه‌یده‌ویست كۆمه‌ك و هاوكاریی بكات، به‌قه‌د ئه‌وه‌ی هه‌ڵوه‌دای خاڵیكردنه‌وه‌ی خۆی تێدا بوو.
ئه‌و گوته‌یه‌ و په‌یڤی هاوڕێكه‌ی، كه‌ سه‌رنووسه‌ری رۆژنامه‌یه‌كی لۆكاڵیی پێناساند، بۆ چاوپێكه‌وتنێكی ڤاڵا له‌ مه‌ڕ ژنبازییه‌وه‌، گش ئه‌و به‌رسڤانه‌ بخاته‌ به‌ر ده‌ستی، كه‌ شه‌رم و فه‌دی زاتی ئه‌وه‌ ناكه‌ن بیانبه‌نه‌وه‌ لای سه‌كۆیه‌كی ئازاد له‌ ڕاده‌ربڕین. شه‌رع و كراسی ئابروو تكان و حه‌زی ژێر سوخمه‌ و گڕگرتن و سووتان، بێ‌ ناو دركاندن كاره‌كه‌ی بۆ ساناكردم، ئه‌مه‌ وێڕای ئه‌وه‌ی سێ‌ گه‌ڵاشم وێدات له‌بری ئه‌و بوێرییه‌ی كه‌من ئه‌نجامی ده‌ده‌م، لێ ته‌نیا مه‌رجی ئه‌ویش ئه‌وه‌یه‌، پرسیاره‌كان به‌ڕاشكاوی و بێ پێچ و په‌نا وه‌ڵام بده‌مه‌وه‌ و هیچ شتێك وه‌رنه‌شارم. له‌ دڵی خۆمدا گوتم: خراو نییه‌! هه‌ڵبه‌ت بۆ ئه‌وه‌یه‌تی ئه‌و دیارده‌ ناشارستانی و قێزه‌ون و نه‌زۆكه‌، ڕسوا و كمنموود و به‌دناو بكات و ده‌ سۆنگه‌ی ئه‌و ئینته‌رڤیووه‌وه‌، مشته‌ری و خوێنه‌رێكی زۆرتر و زیاتر به‌ڕۆژنامه‌كه‌ی ئاشنا و فه‌راهه‌م بكات.. دوایی سێ گه‌ڵاش كه‌م نییه‌! به‌هۆی هاوڕێكه‌مه‌وه‌ سه‌رنووسه‌ره‌كه‌م دیت و، هه‌ردوو لامان له‌ سه‌ر ئینته‌رڤیووه‌كه‌ پێكهاتین. كات و ڕۆژ و شوێنه‌كه‌مان دیاری كرد، مه‌رجی ئه‌وه‌شمان دانا ڕیكۆرده‌ر و كامێرا و ڤیدیۆی تیانه‌بێت.
– OK
OK –
سه‌رنووسه‌ره‌كه‌ ئه‌ندامی باڵای لایه‌نێكی دیار و به‌رچاوی وڵات و پیاوێكی به‌دیمه‌ن، عادلیاپلی و سه‌نگین و مه‌عقول، لێوانلێو له‌ نێوبانگ و خودان ده‌م و له‌بزێكی شیرین! هه‌رچه‌نده‌ گه‌نج و پۆشته‌ و په‌رداخ نه‌بوو! لێ كه‌ ده‌په‌یڤی ڕێز و گرانی و گه‌وره‌یی و گه‌وهه‌ری لێ به‌رده‌بووه‌وه‌. منێك كه‌ بزم به‌شه‌یتانه‌وه‌ ده‌كرد و له‌ وشه‌دانی مێشكمدا واژه‌ی شه‌رم و فه‌دی و فه‌هێت به‌زگماك نه‌بوون و، ئه‌گه‌ر بووشبێتن ئه‌وا سڕابوونه‌وه‌، هه‌مبه‌ر وی له‌ شه‌رماندا زه‌نگوڵ زه‌نگوڵ عاره‌قه‌ی شین و مۆرم لێ ده‌چۆڕا. ((ئه‌ز بۆ خۆم ته‌نێ مه‌به‌ستم ئه‌وه‌یه‌، گوته‌كان له‌ زاری خۆته‌وه‌ وه‌گوێزمه‌وه‌ نێو ڕۆژنامه‌كه‌ و، چاوپێكه‌وتنه‌كه‌ ڕاستی و دروستیی زۆرتر ده‌ هه‌مێز بگرێ و، تشته‌كان وه‌كی چۆنن نمایش بكرێن. نه‌كوو دروستكراو بن و به‌خه‌یاڵ و ئه‌ندێشه‌ و فانتازیا بێنه‌ نڤیسین. مینا ئه‌وه‌ی به‌شی فره‌ی ڕۆژنامه‌كانی ئیرۆ پیاده‌ی ده‌كه‌ن و له‌سه‌ری ده‌ڕۆن! ئه‌ز ماف و حه‌قی هه‌موو تاكێكی ئه‌م كۆموڵگه‌یه‌ ده‌ده‌م، به‌ره‌ڤانی له‌ خۆی بكا و كه‌س له‌ خۆوه‌ گوناهبار و توومه‌تبار ناكه‌م، ئه‌مڕۆ زیندووین سبه‌ینێ ده‌چینه‌ چه‌ن بستۆكه‌یێك گڵه‌وه‌، هه‌ڵبه‌ته‌ تۆش هۆكار و پاساوی خۆت هه‌ن و، پێنگاڤنان و ئاوێته‌ بوونت به‌و ڕه‌وشه‌ چه‌وێڵ و ناپه‌سه‌نده‌، كۆمه‌ڵگه‌ی باوكسالاری لێی به‌رپرسیاره‌ و هه‌ر ده‌م به‌نه‌رێنیش زوانی له‌ حان ئێوه‌ی هه‌ناسه‌ سه‌ردی نیمه‌ی كۆمه‌ڵ و دایكی نیوه‌كه‌ی دی خاس نه‌گه‌ڕاوه‌. هه‌ر چۆنێك بێت لادان و ده‌رچوونت ده‌سه‌ر ڕاسته‌ شه‌قامی ئه‌و خه‌ڵكه‌! به‌ڤایرۆسێكی بڤه‌ و كاریگه‌ر و كوشنده‌ شرۆڤه‌ ده‌كرێ و وه‌شان و ته‌شه‌نه‌ بوونی ئه‌م دیاردانه‌ش واته‌: نه‌مان و سڕینه‌وه‌ و كوێركردنه‌وه‌ی به‌هاو ئارزش و جوانییه‌كانی مرۆڤایه‌تی. لێ قه‌باحه‌ته‌كه‌ له‌ وێدا به‌ده‌رده‌كه‌وێت و به‌رجه‌سته‌ ده‌بێت، كه‌ كۆمه‌ڵگه‌، تۆ و ئه‌وی كه‌ پرۆسه‌كه‌تان وێكڕا به‌ڕێوه‌ بردووه‌، قه‌ت ئه‌و تومه‌ت و تاوانه‌ سه‌خت و قه‌به‌یه‌ی به‌سه‌ر تۆدا ده‌یسه‌پێنێ و به‌ڕه‌وای ده‌بینێ، به‌به‌ژن و قه‌ڵافه‌تی ئاڵۆشاوی ئه‌ودای نابڕێ و له‌ دوو تای ترازووی هاوسه‌نگ و وه‌ك یه‌كتان دانانێ! ده‌بوو ئه‌وی دوو جاران به‌رته‌قای تۆ خه‌جاڵه‌ت و تومه‌تبار بكات، له‌به‌ر ئه‌وه‌ی ئه‌وی به‌ویست و خواست و ئاره‌زووی خۆی ئه‌و كرداره‌ ده‌گه‌ڵ تۆدا ئاكام ده‌دا. لێ له‌ گوینه‌ تۆ چه‌ند گوشارێكت له‌ سه‌ربن و چه‌ند نیازێكت له‌ پشتێوه‌ هه‌بن، مه‌به‌ستم ئه‌وه‌یه‌ دوور نییه‌ ده‌ستكورتی و كه‌مده‌رامه‌تی و قووتی ژیانی رۆژانه‌ت ئه‌وه‌ی پێ نه‌كردبیت!)). گوته‌ و فه‌رمایشته‌كانی هێند لۆژیكی و ته‌كوز و ده‌لال بوون، هه‌نگوین و گه‌زۆی خاویان لێ ده‌بووه‌وه‌. وێڕای خۆم سه‌رم باده‌دا و ده‌مه‌گوت: ئه‌گه‌ره‌كو ئه‌م میلله‌ته‌ی ئێمه‌ چوار پیاوی وا زه‌ریف و شه‌ریف و ڕه‌شیدی خاوه‌ن با، هه‌ڵبه‌ت حاڵمان ئیستێ چه‌ند به‌ژنه‌ باڵایه‌ك ده‌پێش ئیستاكانێوه‌ هه‌ڵده‌كشا! ڤێجا فه‌رمووی)) بۆ ئه‌م ئینته‌رڤیووه‌ش ئێمه‌ سێ گه‌ڵات پێ ده‌به‌خشین، هه‌ر چه‌نده‌ پاره‌كه‌ش شتێكی ره‌مزییه‌! به‌ڵانه‌كینێ بوجه‌كه‌مان هێنده‌ نییه‌ و هه‌ر ئه‌وه‌نده‌مان له‌ توانادایه‌، بۆیه‌ش به‌رۆژنامه‌نووسه‌ گه‌نجه‌كانم نه‌سپارد: پێموایه‌ هیچ یه‌كێ له‌وان، چون خۆم ئاوا به‌جوانی ناڕواننه‌ پرسه‌كه‌ و ده‌ره‌قه‌تی بابه‌ته‌كه‌ نایه‌ن، دوایه‌ش هه‌رزه‌كاری ئێسته‌، گش چه‌توون و كاڵفام و ته‌شقه‌ڵه‌چین، ترسام وێڕایان تووشی كێشه‌ و ئاریشه‌ و سه‌ریه‌شه‌ بیت! كه‌ ئه‌وه‌ش له‌ ئارمانج و مه‌رام و ته‌مای ئێمه‌وه‌ دووره‌ و ئێمه‌ش خێوی خوشك دایك و شه‌ره‌ف و نامووسین، ڕۆژنامه‌وانیش پێش هه‌موو شتێ موراڵ و ڕه‌وشت و ئه‌خلاقه‌، ئه‌خلاقیش بنه‌مای سه‌ره‌كیی ڕۆژنامه‌ڤانییه‌!)) فره‌ به‌ڕێز و ئه‌ده‌به‌وه‌ داخاوت، ئه‌گینا پێم ده‌گوت: گرفت و ئاریشه‌ی چی! زۆر زۆر بزێكی پێوه‌ ده‌كردم، یا ماچێ، یا قلێكم ده‌دایه‌، ئه‌ویش كۆڵێ پاره‌م لێ ده‌كێشایه‌وه‌. ئه‌ز له‌ ته‌مه‌نی شانزه‌ ساڵیمه‌وه‌ به‌و ئاقاره‌دا براوم. ئه‌وانه‌ی كاری وایان له‌ گه‌ڵ كردووم، هه‌ر ئه‌وانه‌ بوونه‌ كه‌ له‌ ڕێگه‌ی براده‌ری و هاوڕێكانمه‌وه‌ ئاشنایان بوومه‌ و هاتوونه‌ته‌ نێو بازنه‌ی ژیانمه‌وه‌، پاشتریش له‌ ڕێگه‌ی تیلیفۆن و مۆبایله‌وه‌ ژووانه‌كان چێ بوون و ڕۆژ و كات و شوێنه‌كان ده‌ستنیشان كراون. هه‌ر براده‌رێكیش كه‌ من ناوی نانێم مشته‌ری، چونكم دۆخ و باره‌كه‌ی من جیاواز بوو، ڕه‌نگه‌ له‌ مه‌یان چانسم بووبیت، كه‌ ناوم نه‌زڕاوه‌ و كه‌سێكیش ته‌كلیفی براده‌رێكی خۆی كردبێت ده‌ستپێك پێی كوتوم: كوڕێكی باشه‌ و ئه‌مینه‌ و من كه‌فاله‌تی ده‌كه‌م. پاش ئه‌وه‌ی مێرده‌كه‌ی پوورم كچێنیی بردم. به‌گه‌فه‌وه‌ گوتی:
_ گوڵه‌ نه‌كه‌ی لای كه‌سێكی بدركێنی به‌وه‌ڵاهی دوایی سه‌رت له‌ جه‌سته‌ت جیا ده‌كه‌مه‌وه‌.
_ به‌ڵام تۆ ئابرووت بردم.
_ من ئه‌مانه‌ نازانم وه‌لێ ئه‌گه‌ر عاقڵ بیت و باسی نه‌كه‌ی، من وا ده‌كه‌م به‌دڵی خۆت شوو به‌و كه‌سه‌ بكه‌ی وا خۆت پێت خۆشه‌.
سه‌رم دانه‌واند و دامه‌ پڕمه‌ی گریان. چون ئه‌وه‌ی له‌ یاداشتی ڕۆژانه‌مدا تۆمار بوون، دوای ئه‌و ڕووداوه‌ خۆنه‌ویسته‌ پڕ شه‌رمه‌زارییه‌، هه‌فتا و دوو پڕۆسه‌ی زایه‌ندیم ئه‌نجام داوه‌. یه‌كێكیان نه‌بێت بیست و پێنچ كه‌ڕه‌تی ده‌گه‌ڵ جووت بووم، چونكه‌ زۆری خوو و وه‌لیفه‌ت پێوه‌ گرتبووم و، پاره‌ی زۆری وێ ده‌دام و زۆری خۆشویستووم. له‌ گش ئه‌و پرۆسانه‌دا پاره‌م وه‌رگرتوون. ته‌نیا چوار پرۆسه‌ نه‌بێت،، ئه‌وانه‌ی لێڵیان ئه‌و كارانه‌م كردوون، ته‌مه‌نیان له‌ مابه‌ین سی و پێنج ساڵ تا شه‌ست ساڵ بوون، گش پیاوانی ده‌سڕۆیشتوو و خودان پله‌وپایه‌ بوون له‌ ده‌سه‌ڵات، یه‌كێكیان نه‌بێت كه‌ باسم كرد. خێزانه‌كه‌مان جگه‌ له‌ باوك و دایكم، برایه‌ك و چوار خوشك بووین. كوڕێكی پلكیشم ده‌گه‌ڵمان ده‌ژیا، ماڵیان به‌خێزانه‌وه‌ گه‌ڕابوونه‌وه‌ گونده‌كه‌یان، ئه‌و له‌ ئاماده‌یی دوا ساڵی بوو، ته‌نیا دووماهیی هه‌فته‌كان ده‌گه‌ڕایه‌وه‌ ماڵی خۆیان، كه‌سێكی هێمن و له‌سه‌رخۆ، تژی باوه‌ڕ وه‌ك خه‌ڵكی گوندیان دبێژن: سه‌ری بچووبا نوێژی نه‌ده‌چوو، هێنده‌ پڕ نوێژ و نوێژقایم، میانه‌ باڵایه‌كی ددان گڕ و، پێست ئه‌ستوورێكی گه‌نم ڕه‌نگ بوو، تا نه‌تدواندبا گوته‌ی له‌ زاره‌وه‌ نه‌ده‌هات، زۆربه‌ی كاته‌كانی به‌خوێندنه‌وه‌ی كتێبه‌ ئایینییه‌كانه‌وه‌ خه‌رج ده‌كرد، ئاكار و ڕه‌وتار وخه‌سڵه‌تی زۆر سه‌یر و ناوازه‌ بوون. به‌دزییه‌وه‌ زۆری سه‌رنج ده‌دام و لێی ده‌ڕوانیم، كه‌ نیگام ده‌كرد سه‌ری داده‌خست. خاس و خراپم بگوتبا ده‌یكوت: ڕاست ده‌كه‌ی، تێبینیی شتێكم كردبوو، گه‌لێك جاران كه‌ ده‌چووه‌ WCیه‌كه‌وه‌ دواده‌كه‌وت، هه‌ندێ جاریش له‌ ناوه‌وه‌ چاوی به‌درزی ده‌ركه‌ی WCیه‌كه‌وه‌ ده‌نا، ده‌مزانی مه‌به‌ستی منه‌، لێی كه‌وتمه‌ گومانه‌وه‌، وه‌لێ كه‌ له‌ WCیه‌كه‌ ده‌رده‌چوو هیچ پاشماوه‌ و شوێنه‌وه‌رێكی جێ نه‌ده‌هێشت، ڕۆژێك حه‌ماممان گه‌رم كردبوو، پاش ئه‌وه‌ی خۆم شۆری و خۆم هیشك كرده‌وه‌، له‌ هزرم چوو جله‌كانم له‌گه‌ڵ خۆم ببه‌م و له‌ گه‌رماوه‌كه‌ی جێ نه‌هێلم، ئه‌و چووه‌ حه‌مامه‌كه‌وه‌ تا خۆی وه‌شۆرێ، گه‌رماوه‌كه‌ دووری ژووره‌كان بوو، زۆر جاران ئه‌وه‌ نییه‌! كه‌ كه‌سێكت ده‌چێته‌ حه‌مامه‌وه‌ ده‌چیت سه‌ری لێ ده‌ده‌یت و بانگی ده‌كه‌ی نه‌كا بوورابێته‌وه‌ و له‌ هۆشی خۆی چووبێت! ده‌مهه‌ویست گازی بكه‌م دووایی ڕام گۆڕی، ده‌ركه‌ی حه‌مامه‌كه‌ كونێكی چكۆله‌ی تێدا بوو، چاوم نا به‌كونه‌كه‌وه‌ و سه‌رنجی نێو حه‌مامه‌كه‌م دا، تماشا ده‌كه‌م كوڕه‌ پوره‌كه‌م ده‌رپێ كورته‌كه‌می وه‌كی شه‌مامه‌ له‌ مشت ناوه‌ و بۆنی ده‌كا و هه‌ڵی ده‌مژێ و به‌خۆیه‌وه‌ی ده‌نووسێنێ! خۆم لێی نه‌بان و بێده‌نگ كرد. به‌ڵام هه‌ندێ شتی ترم لا چێ بوون، له‌وه‌و به‌ر چه‌ند كه‌ڕه‌تێك ده‌رپێ كورت و سوخمه‌م به‌دیار نه‌ده‌مان، كه‌ باسیشم ده‌كردن دایكم ده‌یكوت: ده‌ چوزانم! تۆ ساڵ دوانزه‌ی مانگ ئه‌وه‌نده‌ سه‌رقاڵی هه‌رامه‌كه‌شت به‌خۆته‌وه‌ نه‌با له‌ ده‌ستت ده‌دا! نه‌یده‌زانی هاوسێكه‌یم له‌ ده‌ست داوه‌ و ڕۆژانه‌ گه‌مه‌ی پێده‌كرێ و وه‌كی لاستیك ده‌كشێت و دێته‌وه‌ یه‌ك. خزمه‌كانمان چاكیان نه‌ده‌كوتین و هامووشۆیان نه‌ده‌كردین. ماڵی هه‌ردوو مامیشم له‌بزیان له‌ له‌بزمان نه‌ده‌گه‌ڕا، به‌تایبه‌تی مامه‌ گه‌وره‌م، زۆر جاران ده‌هاته‌ ماڵه‌وه‌ و باوكمی ڕه‌زیل و فه‌زیل ده‌كرد و حه‌یا و حه‌یسه‌تی ده‌برد: عه‌له‌ تۆ پیاو نیت! ئه‌گه‌ره‌كو پیاو بایت، ژن و مناڵاكانت به‌ره‌ڵڵا نه‌ده‌كردن و ئه‌مه‌نده‌ هه‌تیو و مه‌تیو هامووشۆی نه‌ده‌كردن و خه‌ڵك به‌ماڵتان نه‌ده‌هات. باوكم سه‌ری شۆڕ ده‌كرد و ده‌بوو به‌تاویار و كه‌سته‌كڵ، تا ڕۆژه‌ك ئێمه‌ به‌جوێن و قسانی ناخۆش و وه‌ پاڵنانه‌وه‌ له‌ ده‌ركه‌ی حه‌وشه‌وه‌ كرده‌مانه‌ ده‌رێ، ئیكه‌ ببڕای ببڕ نه‌هاته‌وه‌، ڕاستییه‌كه‌شی ئه‌وه‌ بوو، ئێمه‌ هه‌ژار بووین نانمان بۆ ماڵان ده‌كرد و خه‌ڵكیش هاتووچۆی ده‌كردین. براكه‌شم خوا له‌ نێو ده‌وی دات، براده‌ری زۆر بوون هاتووچۆیان ده‌كردین. له‌وه‌یه‌ بێژی: ئه‌دی بۆ باسی خۆت ناكه‌ی! هه‌ی ماكه‌ری حه‌یشه‌ری! مه‌گه‌ر كه‌مت دۆست و گانكه‌ر هه‌بوون! دۆستم هه‌بوو به‌ڵام هاتووچۆیان ناكردین. من ئێسته‌ له‌یه‌كێ له‌ وڵاتانی ئه‌وروپا ژیان ده‌كه‌م و دوو منداڵم هه‌ن و مێرده‌كه‌شم منداڵی كوردستانه‌ و بیست ساڵ له‌ پێش خۆمه‌وه‌ شاره‌كه‌ی خۆی جێهێشتووه‌، نوكه‌ كه‌ ئه‌م به‌سه‌رهاته‌م یاد دێته‌وه‌، هه‌ر په‌یڤێكی سكڵێكه‌ و به‌ڕۆحما ده‌چزێ. سه‌رنووسه‌ره‌كه‌ ئێواره‌ كورته‌ نامه‌یه‌كی بۆ ناردم و به‌ئاگای هێنامه‌وه‌، كه‌ ڕۆژی پاشتر له‌ شوێن و كاتی دیاریكراو ئاماده‌بم، وه‌ڵامه‌كه‌م به‌OK بۆ نووسییه‌وه‌ و به‌نامه‌یه‌كدا ناردم، بۆ به‌یانی چووم! ئه‌و خانووه‌ی كه‌ ئه‌وی پێی گوتبووم. چۆڵیكردبوو ته‌نیا براده‌ره‌كه‌م له‌ وێنده‌ر ڕۆنشتبوو، ده‌ پاش به‌خێرهێنان و هه‌واڵ پرسین براده‌ره‌كه‌م قووتییه‌ بیبسیی له‌ به‌رده‌م بوو، هه‌ڵیقوراند و كوتی: من به‌جێتان ده‌هێلم، مامۆستا هێنده‌ی پێیه‌ و تۆش -ئه‌نگوستی بو من درێژ كرد- خاتوون! ماشه‌ڵڵا ئه‌وه‌نده‌ قسانت به‌به‌ره‌كه‌تن، له‌وه‌ ناچێت به‌م زووانه‌ ته‌واوبن، ئه‌وی ڕۆیشت و سه‌رنووسه‌ره‌كه‌ تا پێش ده‌ركه‌ی ڕه‌وانه‌ كرد.
– Good buy
– Good buy
سه‌رنووسه‌ره‌كه‌ ده‌رگاكانی كڵۆم كردن و گه‌ڕایه‌وه‌ ژووره‌كه‌ و بێ قسان له‌ پێشم به‌چۆكدا هات، من له‌ سه‌ر قه‌نه‌فه‌كه‌ لاقم له‌ سه‌ر قولم دانابوو دانیشتبووم، قاچی واڵاكردمه‌وه‌ و سه‌ری ده‌نێوان هه‌ردوو ڕانم ڕاكرد -ته‌واومانكرد ئه‌مه‌یه‌ ئه‌خلاقی ڕۆژنامه‌نووسی- هێند هه‌ڵسوكه‌وت و ڕه‌فتاریم ناشیرین و قیزه‌ون هاته‌ پێش چاو، قێزم له‌ خۆم ده‌كرده‌وه‌ و، به‌رچاوم تاریك داهات، ده‌موده‌س پاڵێكم پێوه‌ نا و له‌ سه‌ر گازرایی پشت خستم، قیژانم به‌سه‌ریدا و كوتم: حه‌یوانی ناكه‌س به‌چه‌ی له‌ مرۆڤ نه‌چوو! تۆ پێش چه‌ند ڕۆژێك به‌ر له‌ ئیسته‌ چ شه‌كرێكت ده‌شكاند و چ ئاكارێكت ده‌فرۆت؟! هه‌ڵستایه‌وه‌ و په‌لاماری پێڵاوه‌كانی دام. به‌قوربانت بم خانمه‌ چكۆڵه‌كه‌م، له‌ ده‌ورت گه‌ڕێم په‌ریزاده‌كه‌م، به‌ساقه‌ی ئه‌و بابوجانه‌ت بم، وه‌ی كه‌ جوانن! كه‌وته‌ لستنه‌وه‌ و ماچكردنی، مێشكی مینا كۆمپیوته‌رێكی پاش فۆڕمات له‌ هه‌موو شتێك خاڵبووبووه‌، حه‌ز و ئاره‌زوو و شه‌هوه‌ت كۆنتڕۆڵ و به‌رزه‌فتی كردبوو، هه‌ر له‌ هه‌وڵی تێركردنی بن گون و نێو گه‌ڵیدا بوو، ڕه‌نگه‌ بپرسی بن گونی بۆ؟ په‌له‌ت نه‌بێ ئه‌وه‌شت لا په‌نی ده‌بێ. بۆیه‌ شه‌رم و حه‌یا و حه‌یسه‌ت له‌و پیاوه‌ سه‌لار و سه‌نگین و نه‌جیبه‌دا سڕابوونه‌وه‌، پاڵێكی ترم پێوه‌ نا، له‌ترێكی دا و مێشكی به‌ر لایه‌كی قه‌نه‌فه‌كه‌ كه‌وت و به‌سه‌ر لادا هه‌ڵاژا و بایه‌كی لێ بووه‌وه‌. ڕوخساری په‌ڕی و سه‌ری ڕووه‌ و سینه‌ی چه‌رخاند. پیاوان دنیایه‌ك سه‌مه‌ره‌ و عه‌نتیكه‌ن، كه‌ یه‌كێكیان به‌لای خۆیه‌وه‌ ره‌فتاریكی نه‌شاز و ناجۆر و ناشایسته‌ ده‌كا، ئیدی وا ده‌زانێ نڤار و داهێنانی كردووه‌ و سه‌ری شای په‌ڕاندووه‌! بێ ئاگایه‌ له‌وه‌ی هه‌موویان بۆ سێكس وڕك ده‌گرن و مناڵ ده‌بنه‌وه‌ و هه‌مان كردار و قسانی پیاوانی پێش خۆیان ده‌جوونه‌وه‌. كه‌ڕه‌تێك پیاوێكی ته‌مه‌ن سی ساڵان نێو لنگی ده‌لێسامه‌وه‌، له‌و ده‌مه‌دا سه‌ری بڵیند كرده‌وه‌ و كوتی: كه‌سێك هه‌بووه‌ به‌ر له‌وه‌ی وێڕات جووت بێت، ئێرۆكانێی ماچ كردبی؟ چاوی له‌ دوڕ چاوم نابوو چاوه‌ڕوانی به‌رسڤ بوو، شه‌په‌ڵاخێكم به‌سه‌ریدا ماڵی و پێمگوت: چاتر ده‌وی تێژه‌نه‌ ده‌ویس! نه‌ك ئه‌وێ! دواشه‌وه‌شیان هه‌ڵمژیوم، به‌وسكتی و به‌حیزێكه‌وه‌ سه‌ری نایه‌وه‌ نێو ڕانم. هه‌نار كچێكی هه‌رزه‌كاری جوانكیله‌ی هاوڕێم بوو، ماڵیان به‌ته‌نیشت ماڵمانه‌وه‌ بوو، نوێ هاتبوونه‌ ئه‌م كۆڵانه‌ی ئێمه‌، زۆر جاران پێكه‌وه‌ له‌ ماڵی ئه‌وان، كه‌ باوكی نه‌مابوو ته‌نیا خۆی و دایكێكی پیری هه‌بوو، سایته‌ خۆشه‌كانمان ده‌كرده‌وه‌، من به‌رایی كه‌ ئه‌و فیلمانه‌م ده‌دیتن زاری پڕ له‌ شیلاو ده‌كرد، هێڵنجم ده‌هاتێ و ده‌ڕشامه‌وه‌، كه‌چی هه‌نار پێی كوتم: بۆ هێڵنجت دێتێ! كارێكی نه‌كردووه‌ نه‌شایسته‌بێ! شتێكی زۆر ئاسایییه‌، سروشتی مه‌ردم وا هه‌ڵكه‌وتووه‌، ئه‌وه‌ سه‌راپا پڕۆتینه‌، جگه‌ له‌وه‌ش هه‌موو پێكهاته‌ به‌سووده‌كانی تێدا كۆبوونه‌ته‌وه‌، دوایێ تۆ ده‌ڵێیت: ته‌بیعه‌تم! به‌ڵام كوا مێینه‌ ته‌بیعه‌تی هه‌ن؟ كارێكم به‌سه‌ر سه‌رنووسه‌ره‌كه‌ هانی، ئه‌گه‌ر لۆت باس كه‌م! هه‌موو پیاوێكت له‌ پێش چاو ده‌بێت به‌سه‌گسار و مه‌یموون، نا له‌ به‌ر ئه‌وه‌ی به‌چۆكدا هات و نێولنگی لستمه‌وه‌، به‌ڵكو له‌سه‌ر ئه‌و هه‌موو فرت و فێڵ و قسه‌ زلانه‌ی كه‌وای وێنا ده‌كرد، مادام سێ گه‌ڵای وێداوم! ئیدی هه‌موو كارێك بكا بۆی ده‌چێته‌ سه‌ر و ڕێگه‌ی پێ دراوه‌. سێ گه‌ڵای دیكه‌شم لێساند پاش كۆمایێك قسانی سارد و سڕ، كه‌ له‌ زاری مارت نابا به‌گڵۆڵه‌ی ده‌كرد، ئه‌وجار ئه‌و به‌ستزمانه‌ گش هه‌وڵ و كۆششێكی فیشه‌كێكی چروك بوو. ئه‌و پیاوه‌ زه‌ریفه‌ به‌زافته‌ به‌ویقاره‌ ته‌مه‌ن هه‌ڵكشاوه‌، هێند لام بچووك بووبووه‌. بۆ ئه‌وه‌ی زێتر قنجی بكه‌مه‌وه‌ دا بۆ پشتاو پشتی ژیری كه‌م! كه‌ هه‌ڵستاین ده‌رچین په‌نجه‌یه‌كم له‌ قنگی ڕاكردوو و له‌ دواوه‌ یه‌ك شه‌قێكم تێهه‌ڵدا، كوتی: به‌سه‌! ئه‌گه‌ر عارم بێت، ده‌بێت ئیكه‌ له‌سه‌ر ده‌ستی تۆ، تۆبه‌ی نسووح بكه‌م. تۆبه‌ی گورگ مه‌رگه‌! له‌م ڕۆژانه‌دا بیستمه‌وه‌، كه‌ له‌و لایه‌نه‌ی خۆی كاری تێدا ده‌كرد به‌رز كراوه‌ته‌وه‌ و به‌سێ وێزگه‌ و دوو پرسگه‌ ئه‌وجار ده‌گه‌یه‌ كنی. ئه‌مه‌ نموونه‌ی زۆرێك له‌و خه‌ڵكه‌ وشیار و ڕۆشه‌نبیر و پیشقه‌ره‌وڵه‌ن، كه‌ سه‌ری زوان و ژێری زوبانیان مافی مرۆڤ و یه‌كسانیی كۆمه‌ڵایه‌تی و فیمینیزمه‌. دوو وه‌تاخمان به‌ده‌سته‌وه‌ بوو، شه‌وێك باوكم له‌ ماڵه‌وه‌ نه‌بوو، كوڕه‌كه‌ی پوورم له‌و ژووره‌ نووست، كه‌ ئێمه‌ لێی ده‌نووستین. هه‌ر چه‌نده‌ پێمان نابووه‌ نێو وه‌رزی بوهاره‌وه‌، به‌ڵان هێمان كه‌شوهه‌وا گه‌رم بوو، شه‌وێ بێدار بوومه‌وه‌ و به‌تیله‌ی چاو تێمڕوانی! هه‌تیوه‌كه‌ی پلكم بینی به‌تانییه‌كه‌ی تا ژێر چه‌ناگه‌ی هێناوه‌ و، قاچێكی له‌ ئه‌ژنۆیدا كردووه‌ به‌چه‌تر، تومه‌زه‌ ئه‌مه‌ نه‌نوستووه‌ و له‌ من ده‌ڕوانێ و خه‌ریكی خۆ خاڵی كردنه‌وه‌یه‌، كه‌ چاوم لێكرد زۆرم به‌زه‌یی پێیدا هاته‌وه‌، كه‌ نیگامان به‌یه‌كدا ته‌قییه‌وه‌ له‌ز به‌تانییه‌كه‌ی به‌سه‌ر و چاویدا هه‌ڵكێشا و خۆی چه‌رخاند. داماوه‌ زۆری سڵی له‌من ده‌كرده‌وه‌ و ده‌تۆقا، من به‌منداڵی فره‌ بزێو و شه‌ڕانی بووم، هه‌ر چه‌نده‌ ئه‌وی چه‌ند ساڵێكیش له‌ من هه‌راشتر بوو، لێ من ده‌سته‌مۆ و چاوترسێنم كردبوو.. ئیكه‌ خاترجه‌م بووم، ئه‌و ده‌مه‌ سه‌د ده‌ر سه‌د به‌خه‌یاڵ خۆی له‌ من به‌تاڵ كردووه‌ته‌وه‌، به‌ڵام ئه‌وی سه‌یر بوو به‌یانی وه‌كو جاران نوێژه‌كانی درێژه‌پێدا. ئه‌مه‌ بووه‌ گرێیه‌كی زه‌لام له‌ دڵمدا و كه‌وتمه‌ ئاشكرا و په‌نی كردنی ئه‌م ڕاز و نهێنییه‌ شاراوه‌یه‌! گه‌لێك جاران سۆسه‌م ده‌كرد سه‌رنجه‌ تیژ و ئاڵۆشاوییه‌كانی تێم ده‌گرێ. وه‌لێ كه‌ پێڵوی چاوه‌كانم هه‌ڵده‌بڕین، گلێنه‌ و سۆمای چاوه‌كانی ده‌سووڕاند. به‌مه‌ش بۆم په‌نی بوو، زۆری مه‌راقمه‌ و ناوێری هیچ بابه‌تێكم ده‌گه‌ڵدا بكاته‌وه‌. زۆرتریش له‌ سۆنگه‌ی ئه‌وه‌وه‌ بوو، كه‌ له‌ ماڵی ئێمه‌ زێتر لانه‌ی تری نه‌بوو. بۆیه‌ دروشمی بێده‌نگیی به‌رزه‌وه‌ كردبوو. ڕۆژه‌ك گش خۆمان گۆڕی بوو، دا بچین لۆ ماڵی میمكێكی دایكم، كوڕه‌ پووره‌كه‌م له‌ ماڵه‌وه‌ مایه‌وه‌، پاژێكی ڕێگاكه‌مان بڕیبوو سێ به‌شی مابوون، به‌بیانوو و به‌هانه‌ی به‌جێهێشتنی مۆبایله‌كه‌مه‌وه‌. به‌ته‌نێ بۆ ماڵه‌وه‌ گه‌ڕامه‌وه‌، هه‌موو نیاز و مه‌به‌ست و نییه‌تێكم ئه‌وه‌بوو، ئه‌گه‌ره‌كوو به‌و متایه‌ی پێشانی وه‌بینم، له‌ ڕای خوا و سه‌ده‌قه‌سه‌ری خۆم، یه‌كێكی بده‌مێ. به‌بێ ئه‌وه‌ی له‌ ده‌ركه‌ بده‌م به‌قامكی دۆشاومژه‌م له‌ سه‌ره‌خۆ سولگییه‌كه‌ی خواره‌وه‌م بڵند كرده‌وه‌ و ناگه‌هان و به‌پڕتاو خۆم به‌ماڵا كرد! به‌ڵام چیم بینی! ئه‌و شتانه‌ی تۆ هه‌وكه‌ بیری لێ ده‌كه‌یته‌وه‌ و چاوه‌ڕوانیت بیزانیت! هیچی ده‌رنه‌چوون! ئه‌ز لنگه‌وقووچ له‌ شته‌كان گه‌یشتبووم. بێژه‌ چۆن؟! پێشتر له‌ هه‌نار په‌یڤیتم كه‌ به‌یه‌كه‌وه‌ سایته‌ سێكسییه‌كانمان ده‌كرده‌وه‌، كه‌ڕه‌تێكیان ئه‌وه‌نده‌ سه‌رنجی كه‌ناڵه‌ ڕووته‌كانمان دا ته‌واو ورووژاین، به‌تایبه‌تی هه‌نار زۆر ڕوخساری گۆڕا، هه‌ر ئاخ و ئۆفی بوو، ناگه‌هان باوه‌شی لێدام و له‌ ئامێزی نام و كه‌وته‌ ڕامووسانم، مه‌مكی ده‌گووشیم و لێوه‌كانی هه‌ڵده‌مژیم و ده‌گه‌ڵم كه‌وتبووه‌ ده‌ستبازی، ڕاستی خۆشه‌ خۆشم وروژابووم، هه‌نكی تۆپێكی تێنس بان به‌رم هه‌ڵمسا بوو، له‌ په‌لوپۆ كه‌وتبووم، بۆیه‌ بێ هه‌ژموونیم هه‌ڵبژارد و ئه‌ویش لیبۆك ئاسا یاریی پێ ده‌كردم، دواتر به‌وانه‌وه‌ نه‌وه‌ستاو ده‌رپێكه‌ی داكه‌ندم، كه‌وته‌ لێسانه‌وه‌ی سینگ و مه‌مك و خواره‌وه‌ی ناوكم. له‌و ده‌مه‌دا بیرم له‌ سایتی مێیینه‌كان ده‌كرده‌وه‌، كه‌ چۆن خۆیان لێك هه‌ڵده‌سون و یه‌كدی خاڵی ده‌كه‌نه‌وه‌. كه‌چی ئه‌وی بۆ كوڕه‌ پوره‌كه‌م هزرم لێ ده‌كرده‌وه‌، به‌پێچه‌وانه‌وه‌، بۆ هه‌نارم چاوه‌ڕوان نه‌ده‌كرد! كوڕه‌ پووره‌كه‌م بینی كۆڕیژگه‌یه‌كی هاوته‌مه‌نی خۆی به‌بانه‌وه‌بوو. به‌ڵام هه‌نار ئه‌و كاته‌ی كه‌ وروژابووین، ده‌ستم له‌ نێو ڕانی ڕاكرد، ده‌سكه‌ ده‌ستاڕێك به‌ده‌ستمه‌وه‌ هات. سه‌ر نووسه‌ره‌كه‌ش له‌م ڕۆژانه‌دا بیستمه‌وه‌ به‌جانتایه‌كه‌وه‌ ده‌ستگیر كراوه‌، بڕێك ماده‌ی بێهۆشكه‌ر و دوو چوكی نێرینه‌ی ده‌ستكردی تێدابووه‌.
دنیا له‌به‌ر چاومدا وه‌ك لای ئێواران تاریك ده‌بووه‌وه‌، هه‌ستم كرد قسه‌ی ئه‌و پیاوه‌ زۆر ڕاسته‌ كه‌ وتی:
((پیاو ژن خه‌راو ده‌كات نه‌ك ژن به‌دره‌فه‌..!!))

حه‌مه‌ سه‌عید زه‌نگنه‌ / كه‌ركووك
Hamatal_z@yahoo.com

Previous
Next

Leave a Reply