Skip to Content

Sunday, October 17th, 2021

لەتبوونی سێو…..فەرهاد کەریم

Be First!
by August 13, 2010 ئەدەب

   

سێبەرێکم لە منالی
تارمایەکم لە بوون  
رووی سێو گوناه
نینۆکەکانم کورت
خواستم بێ کۆتایی
 2 
رووتبوومەوە وەک منالیم
ناولەپم پرکرد لە دانەوێلە
بالندەکان دانیان نەخوارد
دەستمیان کوونکردو
هەردە پەنجەمیان قرتاند
3
گلۆپەکان کوژانەوە
چوومەوە ناو خۆم
مومێکم پر لە حەسرەت
تەنیایی دەمتوێنێتەوە
دەرفەتی شیعرم نەدا
بمگەرێنێتەوە قەلەبالغی
 4
هاتنەدەر لە ئاوێنە
گوناهبوون لە شیر
لەتێ سێو رێگا

پالتۆیەک گۆر
کرم لە ماچی دا
           5
هەموو تەمەن دوورکەوتنەوەیە لە سێو
نیشتمان سێو نەبوو
بۆ بووبە سێو
         6
لە وونبوونما دەگەرێم
دیسانەوە دەبێ سێوێ بخۆم
تا ببمەوە خۆم

Previous
Next

Leave a Reply