Skip to Content

Friday, March 29th, 2024
لە دڵی بادا… به‌ناز فاتح

لە دڵی بادا… به‌ناز فاتح

Closed
by May 27, 2012 ئەدەب

 

لە دڵی بادا ..

بۆن و ڕەنگی خەمێکی زەرد….
لە دڵی منیشدا
 من و تۆ  هاوارێکی سپی کپکراو
لە چاوەڕوانی کاتێکی نادیاردا خۆی پەنهان داوە.
  ***
نیگای پیتەکانم ،
لە وشەیەکی ون دەگەڕێن
 لە بەردەم ئاوێنەی ژوورەکەمدا
خۆم ڕووت …ڕووت
دەکەمەوە ،
لە ناکاو ….
هەست بە نووکی پێنوسەکەم دەکەم ،
دیسانەوە
لە سەر جەستەم ،
وشەی عەشق و بوونی تۆۆۆ
 دەنووسێتەوە .
          ***
بەرە بەیانی من  بوو
کوکوختییەک ،
بە خۆی و نامە 
سپییەکەی دەنووکییەوە
شەونمی گەڵا و
نەسیمی 
تۆی بۆ هێنام
               ***
  ویستم پیاسەیەک لەگەڵ
سێبەری خۆمدا بکەم
کە چی شوێن پێیەک
لە شێوەی دڵی تۆۆ
دەستپێکی
ڕێگاکەی گرتەبەر
    ****
ئەگەر خەیاڵەکان لێ گەڕێن
پەرتبوونی خۆم  کۆبکەمەوە
لە تۆوە   دەستپێدەکەم .
          ***

فوارەیەک لە پشتی شەوێکی تاریکەوە 
سەما دەکات 
دوو دیوی یەک ڕەنگ،
 لە ڕەنگی ئاو
 نامۆیی یەکتر دەلاوێننەوە .
        ****
  لە بێدەنگی کات و دەستپێکی کۆتایی ڕێگاکاندا،
دڵێک لەو بەری شەقامەکەوە
هاتە نێو بێدەنگترین ژووری دڵمەوە……

                    9ى 2011

Previous
Next
This site is registered on wpml.org as a development site.