Skip to Content

Thursday, March 28th, 2024
هه‌ڵه‌بجه‌و یادی 16/3…..عه‌لی که‌رکوکی

هه‌ڵه‌بجه‌و یادی 16/3…..عه‌لی که‌رکوکی

Closed
by March 15, 2013 هۆنراوە

 

 

                             هه‌موو ساڵێک 

    له‌م ڕۆژه‌دا … له‌ یادی کاره‌ساتی هه‌ڵه‌بجه !!!!!‌

چاوه‌کانم …بۆ ماوه‌یه‌ک ده‌نووقێنم .

سه‌رم داده‌خه‌م و ده‌گریم

تاکوو 5000  فرمێسکی خوێن …

بۆشه‌هیدان … ببا‌رێنم .

 

*    *    *

 

ده‌چمه‌ ناو دونیای خه‌یاڵ و …

جه‌سته‌م … ده‌که‌م به‌ باڵدارێ

ده‌فڕم و ده‌فڕم و ده‌فڕم

تاکوو  ده‌گه‌مه‌ هه‌ڵه‌بجه‌و …

لای شه‌هیدان … دێمه‌ خوارێ

 

*    *    *

 

ئه‌و  کاته‌ی چاوی خه‌یاڵ …

گۆڕی به‌ کۆمه‌ڵی وان ده‌بینێ !!!

زمانم دێنێته‌ گۆ و .. ویژدانیشم ده‌جووڵێنێ .

پڕ به‌ ده‌نگم هاوار ده‌که‌م و .. ده‌گریم . 

تا هاوارم …

ئاگا … به‌ڕووحی پاکی ئه‌وان دێنێ .

 

*    *    *

 

له‌ ڕووحیاندا … 

چاوی پڕ خۆزگه‌و ئاواتیان ده‌مدوێنێ .

جه‌سته‌ی شه‌که‌ت و ماندویان ده‌مهاژێنێ .

ئه‌و کاته‌ی چاوی منیش .. له‌چاویاندا

ترس و هاوارو گریان ده‌بینێ .

ئه‌وسا .. خه‌یاڵی منیش ده‌پچڕێ و …

بۆ جیهانی  پڕ ئه‌شکه‌نجه‌ .. ئاگام دێنێ !!! .

 

*    *    *

 

 

Previous
Next
This site is registered on wpml.org as a development site.