هێڵی سوور … هیوا سه‌عید
Closed
هێڵی سوور
جاران خه‌مم ئه‌و خه‌مه بوو
نه‌ده‌وێراین
هه‌ر له دوورا
له پشت چاوی هێڵی سوورا
بۆ یه‌ک ده‌د‌واین
گشت ڕازێکمان
هه‌موو باس و خوازێکمان به نامه بوو.
ئێستا جیهان
له سه‌رده‌می وا خێرادا
دوورترین شار، دوورترین دێ
بۆته یه‌ک ماڵ
سوورترین هێڵ که‌وته ژێر پێ
له‌به‌ر مایک و کامێرادا
ئێمه هێشتا
هه‌ر له‌ودیوی هێڵی سوورین
دوور له چاوی یه‌کتر ده‌دوێین
له‌و ماڵه‌شدا له دوو ژوورین.
هیوا سه‌عید- هه‌ولێر
