Skip to Content

Wednesday, October 27th, 2021

وه‌ره‌وه‌ ،گوێ له‌دڵم بگره ….. ‌ مارف عمرگوڵ

Comment
by January 4, 2011 ئەدەب

بڕۆ… له‌هیچ ڕێگه‌و مه‌نزڵێكا ڕامه‌وه‌سته‌
نه‌مانگه‌شه‌و ..نه‌تاریكه‌ شه‌و ،پرس به‌هیچیان مه‌كه‌
نه‌ڕێگرو نه‌جێگرو نه‌فه‌رمانده‌و نه‌به‌رپرسیار
هیچیان به‌رپرسیاری تۆنین ،
تۆ ته‌نها یه‌ك به‌رپرسیارت هه‌یه‌ ، من ده‌یناسم ،
هه‌رمن ده‌زانم ،
كێ ده‌توانێت ڕێگات لێ بگرێ و كۆت و پێوه‌ندت بكات
ئه‌گه‌ر نازانی ،
له‌ئه‌ستێره‌ بپرسه‌ : كێ شه‌یدای جریوه‌ته‌ ؟
له‌مانگ بپرسه‌ : كێ سه‌وداسه‌ری تیشكه‌كانته‌ ؟
له‌چه‌م بپرسه‌ : كێ عه‌وداڵی هاژه‌ته‌؟
 له‌كانی بپرسه‌ :كێ ئه‌وه‌نده‌ی مانگ تۆی خۆشده‌وێ‌ ؟
ئه‌گه‌ر هیچیان نه‌هاتنه‌  وه‌ڵام ،
ئه‌وسا  وه‌ره‌وه‌ بۆلای دڵه‌ سه‌وداسه‌ره‌كه‌ی خۆم
ئیتر هیچت پێناڵێم وگوێ بگره‌…

سلێمانی
17/10/2009

Previous
Next

Leave a Reply