Skip to Content

Tuesday, October 26th, 2021

پێشکه‌شه‌ به‌ (ئــه‌و) ….. هێمن بابان

Be First!
by January 2, 2011 هۆنراوە

 له‌سه‌ره‌تای وه‌رزی به‌هار 
له‌سه‌فه‌ری یه‌که‌م دیدار
بۆ شارێکی تا بڵێی دوور
بۆ به‌زاندنی دوو سنوور
له‌ نوقمی خه‌یاڵی رێگا
له‌ ترسانی کوشته‌ی نیگا
رێگای ژوانم گرته‌به‌ر
خۆم خسته‌ ناو له‌پی قه‌ده‌ر
تیری پرسیاری بێ ووچان
خه‌یاڵمیان کرده‌ نیشان
به‌ ئێواره‌ و زه‌رده‌په‌ڕا
له‌چاوه‌ڕوانی دولبه‌را
بیرم که‌وته‌ ووڵاتی خۆم
سه‌رنجم دا
له‌ بێکه‌سی و له‌ هاتووچۆم
له‌گه‌وره‌بوون، له‌ مناڵیم
له‌پڕ بینیم چاو که‌ژاڵێ
هات و ته‌نیایی ڕاماڵیم
*       *       *
ئه‌ی سه‌ر شێتی په‌ری ئاسا
منی لێوه،‌
بێ ئاگا له‌ ده‌نگ و باسا
نه‌مده‌زانی به‌بینینت
ده‌بمه‌ به‌فری به‌ر خۆره‌تاو
نه‌مده‌زانی ده‌توێمه‌وه‌ و
له‌به‌ر پێتا ده‌بم به‌ ئاو
بڕوام نه‌بوو هێنده‌ گه‌رم
ئامێزت بۆم بکه‌یته‌وه‌
نه‌مده‌زانی ده‌ست گوشینێک
جه‌سته‌م ده‌حه‌سێنێته‌وه‌
*       *       *
ئه‌ی ئاواتی له‌مێژینه‌م
ئه‌ی میوانی دڵی سینه‌م
ئێستا به‌ڵێننامه‌ی عه‌شق
ده‌که‌م به‌ ده‌ستپێکی شعرم
بۆ ئه‌و عه‌شقه‌ی ته‌مه‌نێکه‌
هه‌ر ئه‌سرینی بۆ ده‌سڕم
به‌ڵێن ده‌ده‌م:
یادگاری یه‌که‌م ژوانمان بپارێزم
هه‌مووی وه‌ک تۆ
به‌ گوڕ بگرم له‌ ئامێزم
به‌ڵێن ده‌ده‌م بۆ هه‌میشه‌
عه‌شقت له‌ خوێنما بگه‌ڕێ
به‌ڵێن بێ لوتکه‌ی توڕه‌ییم
له‌به‌ر پێتا بکه‌م به‌ (ڕێ)
به‌ڵێن ده‌ده‌م هه‌تا مردن
له‌ناو ژووری خۆشه‌ویستی
هه‌موو په‌نجه‌ره‌کان داخه‌م
ته‌نیا بیکه‌م تۆ په‌رستی
ده‌ تۆش جارێک به‌ڵین بده‌ و
مه‌ستم بکه‌ وه‌ک ماچی ته‌ڕ..
به‌ڵێن بده‌
هه‌مو وبه‌رگێک دابماڵین
به‌رگی عه‌شق بکه‌ینه‌ به‌ر…

Previous
Next

Leave a Reply