Skip to Content

Tuesday, December 7th, 2021

گفتوگۆیه‌ک له‌گه‌ڵ ئاسایش….. جه‌بار حه‌مه‌د

Be First!
by January 20, 2009 ئەدەب

  گفتوگۆیه‌ک له‌گه‌ڵ ئاسایش…ببورن کونه‌ڕه‌ش    
    جه‌بار حه‌مه‌د
 
 
              له‌ سه‌ر تۆپبارانی خه‌ڵک ئه‌مانگرن ؟                            
 ئه‌ی چۆن ناتانگرین؟ ئێوه‌ گێره‌ شێوێنن.ئێوه‌ خه‌ریکه‌ دۆسته‌کانمان لێ زویر ئه‌که‌ن.                                                                           
 دۆست؟ کێ دۆسته‌تانه‌؟ئه‌ی ئێمه‌ چین؟                                
 ئێوه‌ ده‌متان داخه‌نو کڕڕ بن.                                                   
 کڕر بین؟!!! له‌سه‌ر تۆپبارانمان،له‌سه‌ر کوشتنمان،له‌سه‌ر ئاواره‌بونمان؟       
 کڕڕ بن باشتره‌،ئه‌گینا!!!                                                         
 ئه‌گینا چی؟
  ئه‌تانخه‌ینه‌ کونه‌ ره‌شه‌وه‌.                                          
 کونه‌ڕه‌ش کۆێیه‌؟                                                               
 تۆ کونه‌ڕه‌ش نازانی له‌ کوێیه‌،،بۆیه‌ وا ده‌مت گه‌رمه‌.                          
 بۆ نابێ که‌ نازانم کونه‌ڕش کوێیه‌؟                                            
 ئه‌بێ ،،،ئه‌بێ،،،نازانم ڕه‌حه‌تی گیانم.                                           
 ئه‌مه‌ چیه‌؟                                                                      
 نه‌زانی زۆر باشه‌و سه‌ریه‌شه‌ بۆخۆت مه‌سازێنه‌.                             
 سه‌ریه‌شه‌ی چی؟                                                               
 سه‌ریه‌شه‌ی کۆنه‌ڕه‌ش.                                                         
 ئه‌م کونه‌ڕه‌شه‌ زۆر ترسناک دیاره‌؟!!!!                                         
 زۆررررررررر                                                                  
 له‌ تۆپبارانو کوشتنو ئاواره‌بونیش؟                                            
 به‌ڵێ!!                                                                            
 چۆن؟                                                                           
 کۆنه‌ڕه‌ش تیا ئه‌چیتو که‌س ناتبینێته‌وه‌.                                       
 ئه‌ی ئه‌وخه‌ڵکه‌؟                                                                
 تۆ خه‌می خۆت بێت،چیتداوه‌ له‌سه‌ر خه‌ڵک؟                                   
 چۆن ده‌بێ؟ من خه‌ڵکمو،ئه‌وانیش منن.                                        
 ده‌ ئه‌وان ئه‌کوژرێنو تۆش بۆ کونه‌ره‌ش.                                     
  مێشکم ته‌قی..،خه‌ڵک وا ئه‌کوژرێت،،،،کونه‌ڕه‌ش کوێیه‌؟….من کوشتنی خه‌ڵکم به‌لاوه‌ گرنگتره وه‌ک له‌ وه‌ی تۆ ئه‌ یڵێیت.                                       
 بۆ به‌ته‌مای چیت؟                                                         
 هه‌مو شتێک ئه‌که‌م… ناره‌زایی ده‌ر ئه‌بڕم،،،به‌یانامه‌تان له‌سه‌ر ده‌ر ده‌که‌م‌،
 ده‌ بڕۆ بۆ کونه‌ڕه‌ش.
 کونه‌ڕه‌ش….کونه‌ڕه‌ش،،،پیمناڵییت،،،ئه‌مه‌ چیه‌؟
 ئاسایشششششش.
 ئاسایش،مانای ڕاگرتنی ژیانی خه‌ڵك،دوور له‌ ترسوودڵه‌ڕاوكێ،مانای پاراستنی ژیان. له‌ هه‌ر شوێنێکدا ئاسایش هه‌بێ،مانای وایه‌ ترس نیه‌و ژیان بێشه‌ڕ، بێتۆقاندن،بێکۆچکردنوو هه‌ڵاتنه‌.به‌ڵام به‌داخه‌وه‌ له‌ وڵاتکه‌ی ئێمه‌،به‌ پێچه‌وانه‌وه‌یه‌.ئاسایش ماناکه‌ی خۆی ون کردوه‌وه‌ دژی خۆیو کاره‌که‌ی خۆی،پراکتیس ئه‌کات.له‌کاتێکدا که‌ سه‌رو ماڵو ژیانی خه‌ڵک،له‌ مه‌ترسی تۆپبارانو کوشتندایه‌ ،چاوی نوقاندوه‌ له‌و کاره‌ی خۆیو خۆی بێ ئاگا ئه‌کات، به‌ پێچه‌وانه‌وه‌،ئه‌وانه‌ی ده‌نگ هه‌ڵئه‌بڕنو،ناره‌زایه‌تی پیشان ئه‌ده‌ن،به‌رامبه‌ر به‌ نه‌هێشتنی ئاسایش،که‌ به‌ تۆپو فڕۆکه‌ی ده‌ڤه‌رێکیتر یان وڵاتێکی تر،ئه‌نجام ئه‌درێ.ئه‌یان گرێو ره‌وانه‌ی(کونه‌ڕه‌شیان ئه‌کات).هه‌ر ئه‌م ده‌زگای ئاسایشه‌،که‌سێکی تاوانبار،که‌ سه‌رو ماڵی هه‌زاره‌ها خه‌ڵکی هه‌ڵه‌بجه‌ی،به‌فڕۆکه‌ له‌ئاسمانه‌وه‌ کیمیایی باران کردوه‌،له‌ژێر کۆنترۆڵی خۆی ون ئه‌کاو،به‌ڕاکردنی ئه‌داتو نایخاته‌ کونه‌ڕه‌شه‌وه‌.گه‌لۆ وه‌رن شیکارێکی ئاقڵانه‌،نه‌ک ئاسایشانه‌ بۆ ئه‌م کاره‌ بکه‌ن.
 # له‌ سه‌رده‌می رژێمی سه‌دامی له‌ناوچوو، له‌سلێمانی جاشه‌کان که‌ که‌سێکیان ده‌ستگیر ئه‌کرد ئه‌یانوت ئه‌تبه‌ین بۆ کونه‌ره‌شه‌که‌.
 
 تێبینی:هێشتا له‌ پاکنووسی ئه‌م چه‌ند دێره‌م نه‌بوومه‌وه‌،که‌ له‌ کونجێکی تری ئه‌و کوردوستانه‌ی تیا له‌دایک بووم،جارێکی تریش رۆژنامه‌ نوسێکو چالاکڤانێکی،وریاو چاو کراوه‌ که‌ چاوی کامێراکه‌ی،له‌ دڵو ویژدانی،ده‌سه‌ڵات،پاکتروبێخه‌وشتر،،،دیمه‌نێکی کۆمیدیای پر له‌ تراژیدیا،گرتو،خستیه‌ به‌ر چاوی ره‌خنه‌و ویژدانی زیندوو،،،به‌ بیانوی سوکایه‌تی ئه‌گیرێو،،،به‌ که‌فاله‌ت ئازادکرا…..دیاره‌ ئه‌مه‌یان بۆ ئه‌وه‌ی گیانی بپارێزن،،، نه‌یانخسته‌ کونه‌ڕه‌شه‌وه‌،،،،ببورن پاراستن.
 

Previous
Next

Leave a Reply