Skip to Content

Friday, March 29th, 2024
گوناهەكانى عیشق و..نیشتیمانى خۆڵەمێش…سەرهەنگ خامۆش

گوناهەكانى عیشق و..نیشتیمانى خۆڵەمێش…سەرهەنگ خامۆش

Closed
by January 29, 2008 ئەدەب

   كاتەكان لە یەك دەچن
 ڕۆژترین شەو لەگەڵ تۆدا
 شەوترین ڕۆژیش لەگەڵ ئەو
 ژیان ئاڵۆزترین سادەیى یە
 زەمەنێكە لە هاتنەوەى
 سوڵتانەكانى عیشقەوە دەست پىَ دەكا
 من والى مەملەكەتى عیشقم
 كورسیەكەم باوەشى یارە
 دیوانەكەشم دڵى ئەو,
 من لە مەنفاوە هاتووم
 عەباكەم خەڵتانى خوێنە
 تابوتم جەستەى ئەنفالە
 ساباتیشم پرچى خۆڵەمێشى هەڵەبجەیە
 دەلۆ..لۆ هایىَ هایىَ ىَ ىَ ىَ ىَ
 مارشى دەسپێكى ژیانم
 هەر سەردولكەى مەرگ بووە
 حەیرانیشم
 (هەر لۆ بسك و باخەرى
 كیژۆرە ئەسمەرىَ بووە)
 پێنج فەرزەى نوێژیشم
 هەر بۆ خواى عاشقان بووە
 خودایە
 خوداى عیشق و ئەنفالستان
 لەوەتەى هەم تەمەن بەئازارى ناساندووم
 كەچى تۆش دەمخەیتە قوڵایى دۆزەخەوە,
 من لەنزیكترین خاڵى قەدەرەوە هاتوم
 لەگەڵ ئەشكەنجەو كۆژانەكانم ڕاهاتووم
 لەگەڵ فیراقیش دەچمەوە…
 ئیدى كۆتایى یەكان
 سەرەتاكان دەپێچنەوە,
 ئازارەكانیش
 گوناهەكانم دەشۆنەوە
 گوناه..گوناه
 ئەى جوانترین و گوناهترین ئاگرى دۆزەخ
 بێرەو حەزەكانم یاخین لێت
 ئیدى كرنۆش بۆ كىَ بەرم؟
 دەپێم بڵىَ:
 هەڵچونى ڕووبارێك خوێن
 یا باوەشى ژنێكى پڕ تامەزرۆ
 یاخود نیشتیمانێكى ئەنفالكراو,
  كەچى ئاوێتەى لێوى
 گوڵێك و پەپولەیەك
 لە گەڵ چاوتروكانێك
 لە چۆلەكەیەكى سەرداتێلەكانى شەقام
 گوناهن…
 گوناه لەیەكەم سورەتى عیشقەوە
 دەست پىَ دەكا
 تا دەگاتە دوایین هەناسەى مەرگ
 من نە بووم تۆم خستە نێو مەراقى گوناهەوە
 بەلێوى وشكى خەمم ناساندى
 لە نێو كتێبە پیرۆزەكانى عیشقم شاردیەوە,
 بەڵام من گەورەترین گوناهم كرد
 كەتۆو نیشتیمانى خۆڵەمێشم خۆشویست..!!!
 
 
 
Xamosh_s@hotmail.com   
 

Previous
Next
This site is registered on wpml.org as a development site.