ئامێزی خه‌یاڵ …. عه‌لی حه‌مه‌ڕه‌شید به‌رزنجی

چه‌ند خۆشه‌ ئه‌و كاتانه‌ی

له‌ ئامێزی خه‌یاڵام

له‌و دنیا به‌رینه‌دا 

كه‌سێكم به‌رزه‌ باڵام

* * *

چه‌ند خۆزگه‌ و هیوام هه‌یه‌ 

ده‌یانگه‌مێ بێ كێشه‌

له‌ یه‌كێكیان تێر نه‌بووم

یه‌كێكی تر له‌ پێشه‌ 

* * *

دنیایه‌كه‌ ڕه‌نگاوڕه‌نگ

سه‌ربه‌ست تیا دێم و ده‌چم

به‌ زوویی و به‌ ئاسانی

چیم بوێت پێی شاد ده‌بم

* * *

خۆزگه‌ ئه‌م جیهانه‌شمان

وه‌كو جیهانی خه‌یاڵ

بۆ خۆزگه‌ و هیواكانمان 

ئاسمانێك ده‌بوو ســــــــــــــاماڵ

13/6/2010