Skip to Content

Thursday, March 28th, 2024
بەشى دووەم: چەند هەناسەیەكى عاشقانە…هۆشەنگ شێخ محەمەد

بەشى دووەم: چەند هەناسەیەكى عاشقانە…هۆشەنگ شێخ محەمەد

Closed
by January 31, 2008 ئەدەب

  
 بەدواى عەشقدا مەگەڕىَ، عاشقانە بگەڕىَ.
 * * * * * * * *
 بۆ دەسگیرانەكەت باسى عەشق مەكە، عاشقانە قسەى بۆ بكە.
 * * * * * * * *
 بۆ یارەكەت باسى گۆرانییە عەشقاوییەكان مەكە، عاشقانە گۆرانى بۆ بڵىَ.
 * * * * * * * *
 لە عەشقدا، بە دواى موعجیزە و شعر و گۆرانى و فەلسەفە دا مەگەڕىَ، بە دواى ئەقڵ و ئەخلاق و ئەو شتانەش مەگەڕىَ، تەنیا و تەنیا عاشقانە رێگەكان ببڕە.
 * * * * * * * *
 ئەگەر دەسگیرانە جوانەكەت شووى بە كەسێك كرد، دڵتەنگ مەبە، ئەگەر نا عەشقەكەى لەدەست ئەدەیت و دڵتەنگییەكەت بۆ ئەمێنێتەوە.
 * * * * * * * *
 ئەگەر یارەكەت بە جێهێشتى نائومێد مەبە، ئەگەر نا تەنیا نائومێدیت بۆ ئەمێنێتەوە و عەشق ون ئەكەیت.
 * * * * * * * *
 ئەگەر وەك هەولێرییەكان ئەڵێن "قلەكەت"، تۆى هەرزان فرۆشت و بە یەكێكى دیكەى دایت، عەشق هەڕاج مەكە. ئەگەر نا خۆت ئەكڕییەوە و عەشق هەرزان ئەفرۆشیت.
 * * * * * * * *
 ئەگەر یارەكەت لە جێژوان دواكەوت، توڕەمەبە و جێژوانەكە بە جێمێڵە، ئەگەر نا حێژوانەكە هەر ئەمێنێت و عەشق كۆچ ئەكات.
 * * * * * * * *
 ئەگەر بە یارەكەت گووت " كچىَ لێگەڕىَ با ماچت كەم" و ئەویش گووتى "نەیكەى شەرم ئەكەم" پێى بڵىَ : عەشق بۆ من و شەرمەكە بۆ تۆ و یەكسەر لێوانى بگرە!
 * * * * * * * *
 ئەگەر بە دەسگیرانەكەت گووت ئێوارىَ لە باخچەكە چاوەڕێت ئەكەم، ئەگەر گووتى نایەم، دایكم لێناگەڕىَ، پێى بڵىَ هەموو باخچەكان بۆ دایكت و من و تۆش بۆ یەك.
 * * * * * * * *
 ئەگەر نازدارەكەت پێى گووتى: كوڕە تیم دایكت گووتوویەتى من جوان نیم ، تۆ پێى بڵىَ: با هەموو جوانییەكان بۆ دایكم بن و تۆش بۆ من !
 * * * * * * * *
 ئەگەر حەیرانەكەت پێى گووتى: نەیێتە خوازبێنیم شوو بە ئامۆزاكەم ئەكەم!، پێى بڵىَ ژنایەتیت بۆ ئامۆزاكەت و عەشقت بۆ من!
 * * * * * * * *
 ئەگەر بە شیرینەكەى خۆتت وت، ئەمشەو دێمە ماڵتان و لە فرسەتێكدا ماچت ئەكەم، ئەگەر گووتى نەكەى هەتیم براكەم ئەمانكوژىَ، "براكەت بۆ كوشتن و ئێمەش بۆ عەشق."
 * * * * * * * *
 عەشق سەفەر ناكات، بەڵام پڕە لەسەفەر.
 * * * * * * * *
 عەشق دەریا نیە، بەڵام پڕە لە شەپۆڵ.
 * * * * * * * *
 عەشق پیرۆز نیە، بەڵام پڕە لە خودا.
 * * * * * * * *
 عەشق شار نیە، بەڵام پڕە لە رێگا.
 * * * * * * * *
 عەشق چیا نیە، بەڵام پڕە لە بەرزایى.
 * * * * * * * *
 عەشق باخچە نیە، بەڵام پڕە لە رەنگ و بۆن.
 * * * * * * * *
 عەشق سۆزانحانە نیە، بەڵام پڕە لە ماچ و ئاه و تێكەڵاوبوون.
 * * * * * * * *
 عەشق ماڵ نیە، بەڵام پڕە لە دەرگا.
 * * * * * * * *
 عەشق ئاسمان نیە، بەڵام پڕە لە باران.
 * * * * * * * *
 عەشق باران نیە، بەڵام پڕە لە تەڕایى.
 * * * * * * * *
 عەشق هەور نیە، بەڵام هەمیشە ئاوسە.
 * * * * * * * *
 عەشق فەلسەفە نیە، بەڵام تژى پرسیارە.
 * * * * * * * *
 عەشق جەنگ نیە ، بەڵام پڕە لە شەڕ.
 * * * * * * * *
 عەشق سیدى نیە، بەڵام پڕە لە گۆرانى.
 * * * * * * * *
 عەشق وێستگە نیە، بەڵام پڕە لە رێبوار.
 * * * * * * * *
 عەشق ساڵ نیە، بەڵام پڕە لە وەرز.
 * * * * * * * *
 عەشق كات نیە، بەڵام پڕە لە شەو و رۆژ.
 * * * * * * * *
 عەشق دنیا نیە، بەڵام پڕە لە ژیان.
 * * * * * * * *
 عەشق كتێب نیە، بەڵام پڕە لە شعر.
 * * * * * * * *
 عەشق شعر نیە، بەڵام پڕە لە وێنە.
 * * * * * * * *
 عەشق موعجیزە نیە، بەڵام پڕە لە ئەفسانە.
 * * * * * * * *
 عەشق ئەفسانە نیە، بەڵام پڕە لە خەیاڵ.
 * * * * * * * *
 عەشق خەیاڵ نیە، بەڵام پڕە لە بڕوا.
 * * * * * * * *
 عەشق بڕوا نیە، بەڵام پڕە لە وەڵام.
 * * * * * * * *
 عەشق وەڵام نیە، بەڵام پڕە لە راستى.
 * * * * * * * *
 عەشق راستى نیە، بەڵام پڕە لە ئازادى.
 * * * * * * * *
 عەشق ئازادى نیە، بەڵام هەقیقەتە.
 * * * * * * * *
 عەشق هەقیقەت نیە، بەڵام پڕە لە ئیمان.
 * * * * * * * *
 عەشق ئیمان نیە، بەڵام خواوەندییەتى تێدایە.
 * * * * * * * *
 عەشق خواوەندییەتى نیە، بەڵام پڕە لە پەیام.
 * * * * * * * *
 عەشق پەیام نیە، بەڵام پڕە لە مرۆڤایەتى.
 * * * * * * * *
 عەشق مرۆڤایەتى نیە، بەڵام پڕە لە ماف.
 * * * * * * * *
 عەشق ماف نیە، بەڵام پڕە لە دەستوور.
 * * * * * * * *
 عەشق دەستوور نیە، بەڵام پڕە لە هەنگاو.
 * * * * * * * *
 عەشق هەنگاو نیە، بەڵام پڕە لە دروشم.
 * * * * * * * *
 عەشق دروشم نیە، بەڵام پڕە لە جەنگاوەر.
 * * * * * * * *
 عاشق جەنگاوەر نیە، بەڵام پڕە لە شادى.
 * * * * * * * *
 عەشق شادى نیە، بەڵام پڕە لە چێژ.
 * * * * * * * *
 عەشق چێژ نیە، بەڵام پڕە لە خۆشى.
 * * * * * * * *
 عەشق خۆشى نیە، بەڵام پڕە لە بەختەوەرى.
 * * * * * * * *
 عەشق بەختەوەرى نیە، بەڵام پڕە لە مەستبوون.
 * * * * * * * *
 عەشق مەستبوون نیە، بەڵام پڕە لە تلیاك.
 * * * * * * * *
 عەشق تلیاك نیە، بەڵام پڕە لە بێهۆشى.
 * * * * * * * *
 عەشق بێهۆشى نیە، بەڵام پڕە لە بزربوون.
 * * * * * * * *
 عەشق بزربوون نیە، بەڵام پڕە لە ونبوون.
 * * * * * * * *
 عەشق ونبوون نیە، بەڵام پڕە لە گەڕان.
 * * * * * * * *
 عەشق گەڕان نیە، بەڵام پڕە لە دۆزینەوە.
 * * * * * * * *
 عەشق دۆزینەوە نیە، بەڵام پڕە لە خەون.
 * * * * * * * *
 عەشق خەون نیە، بەڵام پڕە لە فڕین.
 * * * * * * * *
 عەشق فڕین نیە،بەڵام پڕە لە ئاسمان.
 * * * * * * * *
 عەشق ئاسمان نیە، بەڵام پڕە لە شینایى.
 * * * * * * * *
 عەشق شینایى نیە، بەڵام پڕە لە جوانى.
 * * * * * * * *
 عەشق جوانى نیە، بەڵام پڕە لە سەرسامى.
 * * * * * * * *
 عەشق سەرسامى نیە، بەڵام پڕە لە بروسكە.
 * * * * * * * *
 عەشق بروسكە نیە، بەڵام پڕە لە رووناكى.
 * * * * * * * *
 عەشق رووناكى نیە، بەڵام پڕە لە گەشانەوە.
 * * * * * * * *
 عەشق گەشانەوە نیە، بەڵام پڕە لە پڕشنگ.
 * * * * * * * *
 عەشق پرشِنگ نیە، بەڵام پڕە لە كازێوە.
 * * * * * * * *
 عەشق كازێوە نیە، بەڵام پڕە لە سپێدە.
 * * * * * * * *
 عەشق سپێدە نیە، بەڵام پڕە لە سەحەر.
 * * * * * * * *
 عەشق سەحەر نیە، بەڵام پڕە لە سروە.
 * * * * * * * *
 عەشق سروە نیە، بەڵام پڕە لە فێنكایى.
 * * * * * * * *
 عەشق فێنكایى نیە، بەڵام پڕە لە ئاسوودەیى.
 * * * * * * * *
 عەشق ئاسوودەیى نیە، بەڵام پڕە لە شادمانى.
 * * * * * * * *
 عەشق شادمانى نیە، بەڵام پڕە لە پێكەنین.
 * * * * * * * *
 عەشق پێكەنین نیە، بەڵام پڕە لە درۆ.
 * * * * * * * *
 عەشق درۆ نیە، بەڵام پڕە لە فرتوفێڵ.
 * * * * * * * *
 عەشق فرتوفێڵ نیە، بەڵام پڕە لە سوێندخواردن.
 * * * * * * * *
 عەشق سوێندخواردن نیە، بەڵام پڕە لە پەیمان.
 * * * * * * * *
 عەشق پەیمان نیە، بەڵام پڕە لە نوێژ.
 * * * * * * * *
 عەشق نوێژ نیە، بەڵام پڕە لە پاڕانەوە.
 * * * * * * * *
 عەشق پاڕانەوە نیە، بەڵام پڕە لە خۆزگە.
 * * * * * * * *
 عەشق خۆزگە نیە، بەڵام پڕە لە ویستن.
 * * * * * * * *
 عەشق ویستن نیە، بەڵام پڕە لە هێز.
 * * * * * * * *
 عەشق هێز نیە، بەڵام پڕە لە تەماهى.
 * * * * * * * *
 عەشق تەماهى نیە، بەڵام پڕە لە داگیركردن.
 * * * * * * * *
 عەشق داگیركردن نیە، بەڵام پڕە لە هێڕش.
 * * * * * * * *
 عەشق هێڕش نیە، بەڵام پڕە لە پلان.
 * * * * * * * *
 عەشق پلان نیە، بەڵام پڕە لە سیاسەت.
 * * * * * * * *
 عەشق سیاسەت نیە، بەڵام پڕە لە هونەر.
 * * * * * * * *
 عەشق هونەر نیە، بەڵام پڕە لە تێنەگەیشتن.
 * * * * * * * *
 عەشق تێنەگەیشتن نیە، بەڵام پڕە لە لێكدانەوە.
 * * * * * * * *
 عەشق لێكدانەوە نیە، بەڵام پڕە لە بۆسە.
 * * * * * * * *
 عەشق بۆسە نیە، بەڵام پڕە لە نزا.
 * * * * * * * *
 عەشق نزا نیە، بەڵام پڕە لە خەڵوەت.
 * * * * * * * *
 عەشق خەڵوەت نیە، بەڵام پڕە لە زیكر.
 * * * * * * * *
 عەشق زیكر نیە، بەڵام پڕە لە هاوار.
 * * * * * * * *
 عەشق هاوار نیە، بەڵام پڕە لە فریا.
 * * * * * * * *
 عەشق فریا نیە، بەڵام پڕە لە حاڵگرتن.
 * * * * * * * *
 عەشق حاڵگرتن نیە، بەڵام پڕە لە شكۆداریى.
 * * * * * * * *
 عەشق شكۆداریى نیە، بەڵام پڕە لە سەرفەرازى.
 * * * * * * * *
 عەشق سەرفەرازى نیە، بەڵام پڕە لە شانازى.
 * * * * * * * *
 عەشق شانازى نیە، بەڵام پڕە لە گەورەیى.
 * * * * * * * *
 عەشق گەورەیى نیە، بەڵام پڕە لە وزە.
 * * * * * * * *
 عەشق وزە نیە، بەڵام پڕە لە رۆح.
 * * * * * * * *
 عەشق رۆح نیە، بەڵام پڕە لە سەرمایە.
 * * * * * * * *
 عەشق سەرمایە نیە، بەڵام پڕە لە دەوڵەمەندى.
 * * * * * * * *
 عەشق دەوڵەمەندى نیە، بەڵام پڕە لە گەنجینە.
 * * * * * * * *
 عەشق گەنجینە نیە، بەڵام پڕە لە زێڕ.
 * * * * * * * *
 عەشق زێڕ نیە، بەڵام پڕە لە بریسكانەوە.
 * * * * * * * *
 عەشق بریسكانەوە نیە، بەڵام پڕە لە رۆشنایى.
 * * * * * * * *
 عەشق رۆشنایى نیە، بەڵام پڕە لە نیگا.
 * * * * * * * *
 عەشق نیگا نیە، بەڵام پڕە لە سحر.
 * * * * * * * *
 عەشق سحر نیە، بەڵام پڕە لە ئەفسوون.
 * * * * * * * *
 عەشق ئەفسوون نیە، بەڵام پڕە لە جادوو.
 * * * * * * * *
 عەشق جادوو نیە، بەڵام پڕە لە كاریگەرى.
 * * * * * * * *
 عەشق كاریگەرى نیە، بەڵام پڕە لە هێز.
 * * * * * * * *
 عەشق هێز نیە، بەڵام پڕە لە بزاف.
 * * * * * * * *
 عەشق بزاف نیە، بەڵام پڕە لە جوڵە.
 * * * * * * * *
 عەشق جولە نیە، بەڵام پڕە لە نەوەستان.
 * * * * * * * *
 عەشق نەوەستان نیە، بەڵام پڕە لە چاوەڕىَ بوون.
 * * * * * * * *
 عەشق چاوەڕىَ بوون نیە، بەڵام پڕە لە وێستگە.
 * * * * * * * *
 عەشق وێستگە نیە، بەڵام پڕە لە سەفەر.
 * * * * * * * *
 عەشق سەفەر نیە، بەڵام پڕە لە گەڕان .
 * * * * * * * *
 عەشق گەڕان نیە، بەڵام پڕە لە نوێبوونەوە.
 * * * * * * * *
 عەشق نوێبوونەوە نیە، بەڵام پڕە لە تازەیى.
 * * * * * * * *
 عەشق تازەیى نیە، بەڵام كۆن نابێت.
 * * * * * * * *
 عەشق كۆن نابێت نیە، بەڵام پڕە لە لەیادچوونەوە.
 * * * * * * * *
 عەشق لە یادچوونەوە نیە، بەڵام پڕە لە لێبووردن.
 * * * * * * * *
 عەشق لێبووردن نیە، بەڵام پڕە لە میهرەبانى.
 * * * * * * * *
 عەشق میهرەبانى نیە، بەڵام پڕە لە بەخشندەیى.
 * * * * * * * *
 عەشق بەخشندەیى نیە، بەڵام پڕە لە سۆز.
 * * * * * * * *
 عەشق سۆز نیە، بەڵام پڕە لە حەز.
 * * * * * * * *
 عەشق حەز نیە، بەڵام پڕە لە كودەتا.
 * * * * * * * *
 عەشق كودەتا نیە، بەڵام پڕە لە عەرش.
 * * * * * * * *
 عەشق عەرش نیە، بەڵام پڕە لە دەسەڵات.
 * * * * * * * *
 عەشق دەسەڵات نیە، بەڵام پڕە لە وڵات.
 * * * * * * * *
 عەشق وڵات نیە، بەڵام پڕە لە شۆڕش.
 * * * * * * * *
 عەشق شۆڕش نیە، بەڵام پڕە لە شەهید.
 * * * * * * * *
 عەشق شەهید نیە، بەڵام پڕە لەمردن.
 * * * * * * * *
 عەشق مردن نیە. بەڵام پڕە لە فەنابوون.
 * * * * * * * *
 عەشق فەنابوون نیە، بەڵام پڕە لە هەنیسك
 * * * * * * * *
 عەشق هەنیسك نیە، بەڵام پڕە لە هەناسە
 * * * * * * * *
 عەشق هەناسە نیە، بەڵام پڕە لە هەڵمژین.
 * * * * * * * *
 عەشق هەڵمژین نیە، بەڵام پڕە لە ئاوێتەبوون.
 * * * * * * * *
 عەشق ئاوێتەبوونە، ئاوێتە بوون، ئاوێتە بوون.
 * * * * * * * *
 
 

Previous
Next
This site is registered on wpml.org as a development site.