تە لەفۆنێک بۆخوا….. فەرهاد کەریم

قامچیەک لە با 
هەمیشە بێدار
وشتر لە بیابان
خەو بردیتیەوە
بولبوڵ  ڵۆ فشەی
لە بۆ چەقەلان گۆرانی دەڵێ و
لەمەستی دەرشێتەوە…
تاوان وسڵی لەخۆ دەرنەکرد
خوناو لە راموسان
چاوی نوقاند،،،،
دەستی خوێناوی لە نزایەو
لێبوردەیی  گوڵەبەرۆژە قرتاندن،،
فریشتە بووە شەمشەمەکوێر
خۆی هەرزان فرۆش کرد
پەپووڵە بڵیتی قاچاخ دەفرۆشێ بۆ رابواردن،،
گەر بەهەڵە نەچووبم
بەتەلەفۆن پرسێک بە خوا بکەن
گەرژمارەکەتان دەستنەکەوت
ئیمێلێک بۆ گا بکەن    |||||

 بێهوودە

خالخالۆکەیەک بە پەلکی گیا هەلدەگەرێ
گیسک بە شاخ
مێش بە ووتەی سەرکردە
قەسەر شەپقەی جامە ماست
تا لە فیکەی حەرامزادە سووکترە
ماچ لە شەقام دوورترە
ئاژەل لە مرۆڤ بە رێزترە
گەورەییم لە منالیم بچووکترە
دوا رۆژم لە رابردووم تاریکترە
نووستم و خۆم دایە با
بۆ بەردەوام بوونی تاوان_

فەرهاد کەریم
Farhad4Hamad@yahoo.com