Skip to Content

Thursday, March 28th, 2024
مه‌گه‌ر نه‌مووت؟ !…. ئارام ئه‌حمه‌د علی

مه‌گه‌ر نه‌مووت؟ !…. ئارام ئه‌حمه‌د علی

Closed
by September 6, 2010 ئەدەب

                                                

هه‌واڵه‌که‌ی هێنا؟!                                                         
چووزانی، به‌ چیا؟
به‌ بارانێکی ڕێڕێدا
ڕێی ده‌کرد،شه‌قاوێک به‌ کۆڵه‌وه‌
                       کوڕ گه‌ل!.  
بازچنه‌،حه‌وت فووی شمشاڵێک به‌ نیگاوه‌
ڕوخساری خه‌ت خه‌ت،جا زه‌حمه‌ته؟!‌
                    باوه‌ڕ که‌ تینی هاتێ
                    تا ترۆپکی په‌ت.
نێ و؟
خۆی به‌ نیگادا هه‌ڵواسیووه‌،وه‌ک سوار
به‌سه‌ر تکایه‌که‌وه‌ وای نووسی
بۆ ئه‌به‌د بێفاریزه‌و بێ،
بێ مه‌گه‌ر،به‌خاڵی
         خاڵخاڵۆکه‌یه‌کی ڕه‌نگ خۆڵیدا
                        هات،ئه‌گه‌ر!.
ئه‌لفو بای وه‌شت نییه‌ تا بڵێ
ئه‌و له‌سه‌ربان وه‌ستاوه‌و
گوێش ناگرێ،به‌خوا ده‌یووت
ده‌ست به‌ پیلانێکا نانێم نه‌یچێژێ و
           نه‌یڕێژێ،کام برسێتییه؟!
                     کوا تۆ بڵێ!.
 ئه‌وشاخه‌؟!
به‌ قیامه‌ت قه‌سه‌م، بێنوکته‌یه،‌ نه‌ سێ نه‌ چوار
خۆمان له‌سه‌ر مه‌گه‌ر نووسیمان،
باڵنده‌یه‌ک به‌ودیویانا ده‌خه‌وێت،جا کوا
         سۆفیه‌ک له‌ودیوو ته‌ریقستانه‌وه،
                         بێته‌وه‌و‌ بهاوێ. 
نه‌، تا گرتنه‌وه‌،‌تۆ بڕوانه!‌
له‌سه‌ر مه‌گه‌ر ده‌خه‌وێ،به‌ ئه‌گه‌را هه‌ڵده‌ڵێ
جا کوا هاوین بوایه‌و وه‌ک نه‌ناسێ
                           نه!‌
               وه‌ک ئه‌وه‌ی بمناسێ
              به‌ به‌فره‌وه‌ خاڵیمکا،جا کوا؟
                             سه‌ربانێک.
به‌ره‌وه‌ڵا!
ئاوی به‌کانیا ده‌نارد،خۆی بوو،وه‌ک!
                        چی بڵێم؟
چۆن تینوێتی به‌ نیگا ده‌شکێنی
                        چۆن؟
بڵێم چی، ئا بیرم که‌ووته‌وه‌
وه‌ک چۆن نووسینێک وخشته‌ی ماتماتیکێ
                          له‌به‌ر ده‌که‌ی.
                           هه‌روا ده‌ی!.
شار نووقمه‌؟!
کۆڵان خوێنی له‌به‌ر ده‌ڕوا،
                 به‌خوا
کام کۆتایی؟،با بڵێین تۆ ڕاست ناکه‌ی
 تکایه‌کم هه‌یه‌ با لێره‌وه‌ بڕۆین ،ئه‌ی کێ؟!
               کێ چوزانێ؟!
تا مردن،کانییه‌کی له‌به‌ر کردووه‌و
وه‌ک ساڵ سیا بێ،هه‌رده‌ڵێ
               شار نوقمه‌،مه‌ردومه‌کان پڕن
                               له‌ کۆتایی.
نه‌وه‌ڵا؟!
چرکه‌ساتێک نه‌بیه‌م،نه‌ کۆڵان
پیاما سه‌رده‌که‌وێ
نه‌ شار،ئه‌گه‌ر سه‌برت هه‌بێ،سه‌بر ده‌ڵێم
                                  ها!
له‌کۆتاییه‌کانا ڕاده‌کشێی،تۆ باران ته‌ڕت ناکا
من ده‌ستی خۆمم پێکا،مه‌گه‌ر نه‌منووسی؟!
به‌ مه‌گه‌را نه‌منارد بۆ ڕووخساره‌،
                  داڕنراوه‌که‌ی کۆڵانی ئێوه؟
                                 به‌ره‌وه‌ڵا.
برای من؟!
هه‌موو شه‌وێ پێتا تێده‌په‌ڕم
له‌ کوێدا ده‌گه‌ڕێیته‌وه‌،له‌وێدا
ده‌س پێده‌که‌ینه‌وه‌،تا
         ده‌زانی تا که‌ی؟ تاسێبه‌ر باران ده‌گرێ
          تا گۆرانی باڵده‌گرێ،تا کات ده‌خه‌وێ
                             من ئیتر ناخه‌وم
                                         نه‌ء
                            ئه‌گه‌ر بێی ناخه‌وم،
                                         نه‌ء.
باشه‌!سێبه‌ر له‌ژێر هه‌ورا ده‌بریسکێته‌وه‌
خۆ ئه‌گه‌ر ئێوارانیش بێت
سه‌رما له‌خشته‌یان ده‌با،مه‌گه‌ر نه‌مووت!
                  تیشکی له‌قه‌فه‌ز گیراوی ڕۆژ
                                 له‌ محاڵدا
                              ده‌تریقێته‌وه‌!.
                  با!.خه‌تات کرد خه‌تا
                              که‌نه‌دبیست!.
تکایه‌!خشت خشت
نیگاکانت له‌سه‌ر عه‌یبه‌کانم دامه‌نێ
نه‌به‌خوا،به‌هار سۆفییه‌کی وێڵه‌
به‌ئه‌سته‌م له‌به‌ر،من نه‌مزانیدا،هه‌ڵده‌ستێ،
                  مه‌گه‌رێک  ووشه‌ تێریکا
                  نه‌ ڕه‌ش ڕه‌شی پێده‌وترێ
                  نه‌ تۆ من!ئه‌ی چۆن براکه‌م
                  بنچک نابێ،قه‌د قه‌د
                          به‌،
                          سه‌روو!.
تکایه‌!کۆڵانه‌که‌ی ئه‌ودیوومان به‌ره‌
به‌کۆڵانه‌که‌ی ئه‌مدیومانا بیبه،با
باشه‌!چی له‌به‌رکه‌م ڕێڕێ بێت؟!
                      تا،بارانێکی ڕێڕێ
                        ته‌ڕم نه‌کا،ده‌زانی بۆ؟!
                        به‌چیا؟!ئاسان ئاسان
حه‌وت فووی شمشاڵێک به‌ نیگاوه،با
                       نێوو
                       خۆی به‌نیگادا هه‌ڵواسێ
                             مه‌گه‌ر نه‌مووت؟!.
                             هه‌ر ده‌بێت؟!.‌
                             هه‌رنابێت،هه‌ردووکیان؟!.

ئارام ئه‌حمه‌د علی

Previous
Next
This site is registered on wpml.org as a development site.