Skip to Content

Friday, March 29th, 2024
نابینا ….. به‌ندی عه‌لی

نابینا ….. به‌ندی عه‌لی

Closed
by April 13, 2013 هۆنراوە

 

 

 

 

مه‌رج نیه دیده‌ ڕوونه‌کان

هه‌موو کاتێ

زه‌فه‌ر به‌دیداری مورغی ڕاستی به‌رن

ئه‌وه‌ هه‌ر نابیناکانن ، به‌دیده‌ی دڵ

به‌دیده‌ی میهری بێ ڕتووش

به‌دیده‌ی روحێکی په‌یوه‌ست

به‌به‌رامی گوڵه‌مێخه‌کی

باخچه‌ هه‌ڵواسراوه‌کانی ویژدانه‌وه‌

له‌زه‌نگیانه‌ وورده‌کانی حه‌ق ئه‌ڕوانن

ئاخر زۆرجار

دیده جامێکی سوتاوه‌ ، به‌ئاخی دڵ

………………………

(خۆم ده‌زانم)

 

ڕۆژێ به‌ده‌ست گه‌مژه‌ترین

که‌سی دونیا ده‌کوژرێم و

ئه‌ژنۆی خامه‌که‌شم ده‌شکێ

ئاخر گوڵم ، ئه‌وه‌ ته‌نیا گه‌مژه‌کانن

به‌بیستنی ناوی عیشق و

ناوی شیعرو ناوی جوانی

فێیان لێدێ

………………..

(به‌هانه‌)

 

ئه‌وه‌ کریستاڵی وردوخاشی

عیزه‌تی نه‌فسه‌ ، گه‌ره‌کمه‌

به‌نرخی زه‌رفێکی نایلۆن کۆیکه‌مه‌وه‌

تف له‌سیمات ئه‌ی زه‌مانه‌

له‌م پاییزی ته‌مه‌نه‌دا

چیم لێ ده‌گری .. به‌ به‌هانه‌

پیاوێکی ڕیش چه‌رمووی نایلۆن فرۆش

له‌قه‌راخ شه‌قامێکی ئاپۆڕه‌یا

به‌شێوه‌زاری نیگا ، ئه‌مه‌ی درکاند

………………..

(نۆی چوار)

 

له‌ڕۆژێکی وه‌ک ئه‌مڕۆدا

لوتی دڕکێکی پیر شکاو

دوایین دڵۆپ له‌تێزابی

لاکی ئه‌هریمه‌نێ تکاو

پشتی مۆته‌که‌یه‌ک پساو

هێلکه‌ خه‌ونێ ، درزی تێبوو

وه‌لێ یاران .. هێنده‌ی نه‌برد

ده‌یان دڕک و

ئه‌هریمه‌ن و مۆته‌که‌ ، زان

جوجه‌ڵه‌ی نێو هێلکه‌ خه‌ونیش

به‌زگماکی .. فجوقی کرد

به‌ره‌و ئاسمان 

 

 

 

به‌ندی عه‌لی .. 2013


Previous
Next
This site is registered on wpml.org as a development site.