Skip to Content

Friday, March 29th, 2024
هەر ئەوەندەم ژیانە ….

هەر ئەوەندەم ژیانە ….

Closed
by December 12, 2008 ئەدەب

 هەر ئەوەندەم ژیانە
 کە لە نزیک گریانەکانی تۆوە
 
 بەرماڵی نائومێدم رادەخست
 ژیانم لە نێو زەرفێکی کراوەدا دەچوو بۆ مەنفا
 …
 ئەو هەموو حەسرەتە هەر بۆ من دەشێت
 کە تۆ ناتوانی بیبەیتەوە بۆ نێو
 ئەلبومی بێتاقەتییەکانی خۆت
 ئاخر من ئولفەتم بە خەمەکانی تۆوە گرتبوو ..
 ئیدی
 سەفەرە ناوەختەکانی من
 غوربەتە بێکەسییەکانی من ..
 گۆرانییەکی نوێ دەبن
 بۆ
 لاوانەوەی شەوەکانی تەنیایی تۆ ..
 ئەگەر مردنێکم چنگ کەوت .. بمبخەشە
 بەبێ تۆ
 دەڕۆم ..
 کە هەر ئەوەندەم ژیان بێت لەلای تۆ
 هەناسەیەک بدەم بۆ مردن
 و
 ماچێک بگەیەنمە لێوی تۆ
 دەبێت سەفەرێکی تەنیا بکەم بۆ کەنارەکانی مردن
 …
 دەبێت لە ئاوازەکانی مردنیش
 بەشی شەوێک گۆرانییە خەمەنگێزەکان بچنمەوە
 …
 دەبێت بۆ بەشێکی دیکەی ژیانم بگەڕێم
 کە عەیامێکە نازانم لە کوێ وونم
 کردوە
 
 
 عومەر سەیدە
 پایزی 2008
 

Previous
Next
This site is registered on wpml.org as a development site.