Skip to Content

Thursday, March 28th, 2024
په‌پووله‌یه‌ك له‌ نێو حه‌مـــــــــــــــــــــــــام دا……

په‌پووله‌یه‌ك له‌ نێو حه‌مـــــــــــــــــــــــــام دا……

Closed
by May 10, 2009 ئەدەب

           په‌پووله‌یه‌ك
   له‌ نێو حه‌مـــــــــــــــــــــــــام دا
                          قوبادی جه‌لی زاده‌

 

1
ئاو ، جله‌كانی خۆی فڕێدا …
سه‌رتاپا ،
رووتی تۆی پۆشی !

2
ئاو پێك پێك له‌ جوانیت ده‌خواته‌وه‌ .
خه‌یاڵی رژاوه‌ته‌ به‌ر پێت .

3
به‌سه‌ر شانته‌وه‌
دلۆپ دلۆپی ئاو ،
مشتێك مرواری رژاون .

4
ئاو ،
له‌ترسی نغرۆ بوون
به‌ گۆی مه‌مكه‌كانته‌وه‌ ، هڵده‌له‌رزێت .

5
به‌ چیمه‌نی داوێنته‌وه‌
ئاو ،
رێژنه‌یه‌ك شه‌ونمه‌ .

6
ئاو
تنۆك
تنۆك
به‌ قاچه‌ خڕوو خۆڵه‌كانتدا ،
هه‌ڵده‌زنێ‌  .

7
ئاو پڕ بووه‌ له‌ نووری جه‌سته‌ت ..
دووش ،
بارانی كریستاڵه‌ .

8
حه‌مام تژی بووه‌ له‌ رووتیت ..
هه‌ڵم خۆی نووساندووه‌ ،
به‌ مینای په‌نجه‌ره‌وه‌ .

9
كه‌رووت ده‌بیته‌وه‌
ئاو ،
ئاو ده‌ڕێژێت !!

10
حه‌مام ،
بێهۆش كه‌وتووه‌ !

 

Previous
Next
This site is registered on wpml.org as a development site.