Skip to Content

Thursday, March 28th, 2024
ژیانێک و جووتێ سه‌نگه‌ر … به‌ندی عه‌لی

ژیانێک و جووتێ سه‌نگه‌ر … به‌ندی عه‌لی

Closed
by May 25, 2013 هۆنراوە

 

 

 

 

به‌یه‌ک ناگه‌ین ، ئێمه‌ تاسه‌ر

وه‌ک دوو هێڵی به‌یه‌ک ته‌ریب

من پیاده‌یه‌کی سه‌ر زه‌وی و

تۆ ئاسمان نشینی غه‌ریب

 

ته‌نانه‌ت گه‌ر بۆ جارێکیش

له‌سه‌ر هێڵی خۆمان لاده‌ین

بێ گومان به‌ ، یه‌کتر ئه‌بڕین

گوڵی په‌یمان به‌یه‌ک ناده‌ین

 

تۆ خه‌زانی ، منیش گه‌ڵا

تۆ زستانی ، منیش په‌نجه‌

تۆ خاری من گوڵ په‌رستم

تۆ پێ به‌ندی منیش له‌نجه‌

 

ئیتر چۆن لاولاوی عیشقم

هه‌ڵگه‌ڕێنم .. به‌ باڵاتا

که‌تۆ لێوێ بی ، ژه‌هراوی

چۆن هه‌نگی ماچ دێ به‌لاتا

 

له‌وه‌ته‌ی هه‌م ، من ده‌ڕوێنم

تۆ هه‌ر به‌‌هه‌ڵکێشان فێری

من رووبارێکی شیرینم

تۆ هه‌ر زه‌ریایه‌کی سوێری

 

نه‌دوێنێمان ، نه‌ئه‌مڕۆمان

هیچ شتێکمان له‌یه‌ک ناچن

نه‌نیگامان هه‌مان نیگان

نه‌ماچیشمان هه‌مان ماچن

 

ئیتر لالۆ ، هاوزمانی

چیرۆکی کن ئاگردانه‌

ئیتر پارساوی هاوخوێنی

بۆ کیسه‌ڵی درۆکانه

 

تۆ گڕی ده‌شتی سوتاوی

من بریسکه‌ی مۆمی ره‌نجده‌ر

تۆ شه‌وی ده‌یجوری کینه‌ی

من بۆ ژوانی عیشق ، سێبه‌ر

 

 

 

به‌ندی عه‌لی .. 2013

Previous
Next
This site is registered on wpml.org as a development site.